bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Lugbara
/
Lugbara (E’yo Siza Alatararu Munguniri BIBLIA)
/
Ecclesiastes 1
Ecclesiastes 1
Lugbara (E’yo Siza Alatararu Munguniri BIBLIA)
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 2 →
1
’Ba e’yo Olupi, Daudi mvi, opi Yerusalemuari ma e’yo.
2
’Ba e’yo Olupiri ’yo ra, E’yo tokoru e’yo tokoniri, e’yo tokoru e’yo tokoniri! E’yo dria yi toko.
3
’Ba ovu orodri be ngoni azi okporu dria erini ngale etu etiari ma e’yosi ya?
4
A’bianzi mu ra, a’bianzi azini ’diyi emu ra, te nyakuni adri ’dani ’danini.
5
Etuni efu, etuni ’de indi pari erinia, eri mu pari erini efuzuria mbele mbele.
6
Olini li, oja i vini angu urulerua, nga i oja angu andralerua indi; eri oja i ’dani acita erini ma alia, oli nde nga emvi dika acita erini kuru ’diyi vusi.
7
Yi raza ra dria miria, te miri gani ani ku; pari yi raza ’diyini razuria, ’daa yi emvi dika.
8
Afa dria ga tre andesi; ’ba econi e’yoni oluzaru ku; mile trani afa nezasi ku, azini bile trani e’yo erizasi ku indi.
9
Afa ndra ovupi driori eri afa ngapi ovupi ndori’i, afa ndra ’yele ’bori eri afa yini nga ’yeleri’i; afa o’diru etu etia aluni yo.
10
Afa azini ’bani ani e’yoni ’yole kini, Emi ne, afa o’diru ’do, ’diniri indi ya? Afa nde ovu ndra drio, ewu ama drilia oko alia indio ’diyi ma!
11
A’bianzi drio ’diyi ma tavi avi ’bo; azini a’bianzi ngapi emupi vile ’diyi ma tavini nga avi indi ’ba ngapi emupi ndo ’diyi ma eselia,
12
Ma’i, ’Ba e’yo Olupiri, ma ovu ndra opiru Israeli ma drilia Yerusalemua.
13
Ma fe ma asi afa dria ovupi ’yezaru ’bu ma etia ’diyi ma e’yo ndazu azini ndruzu onduasi; e’yo nde ’yeze eri azi ocokoru Munguni fele anzi ’bani dri ande-zuri.
14
Ma ndre azi ndu ndu ovupi ’yezaru etu ma etia ’diyi dria ra; azini emi ndre, e’yo dria eri e’yo tokoni, si kile asi ’bazu oli bizurile.
15
’Ba econi afa goligoliruri edezaru kililiru ku, azini afa ecepi ’diyi yi ma kalafe lakokoru,
16
Ma ega e’yo ma ngelupini ma asia ceni, ’yozu kini, Mi ndre, ma isu mani ondua amboru tu aga ’ba dria ma drilia oko Yerusalemua ’diyi ra; ada ma asi ndre ondua pi ma e’yo nita be tu aga ra.
17
Ma ’ba ndra ma asi ondua nizu, e’yo azazaruri pi nizu e’yo ondua kokorori be indio Te ma va kini e’yo ’diri indi eri asi ’bazu oli bizurile,
18
A’disiku ondua amboruri ma alia ocoko amboru indi, ’ba nita erepi amboruri ere candini.
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 2 →
All chapters:
1
2
3
4
5
6
7
8
9
10
11
12