Ecclesiastes 10

Lugbara (E’yo Siza Alatararu Munguniri BIBLIA)

← Chapter 9 Jump to: Chapter 11 →

1Onyukonyu odrapi alenia ’diyi fe ’ba afa arikariru edepiri ma oduni ovuzu aji nguza be onzi; ’dinile onduaako wereri nzi tu aga ondua pi inzita be ra,

2’Ba onduaru ma asi ovu eri ma dri ndiria, te ’ba ondua kokoru ma asi ovu eri ma dri ejiria.

3Ada, ’ba ondua kokoru ka aci geria, e’yo vaza avi erini ra, eri ’yo ’ba dria ma tia kini eri ’ba ondua kokoruni.

4Opi ma asi ka enga mi aokoru, mi ku pari ku; ovuzu e’yereri ezata ambo ambo ’diyi ra.

5E’yo onzi mani ndrele etu etiari indi, ekile ezata engapi opi vurile:

6yi ’ba onduaako inzitaru tu, te ’ba afa e’iru ri pari eleria.

7Ma ndre ati’ba yini riria akanya dria, azini ’ba opianziru ’diyini aciria nyakua pasi ati’bale.

8’Ba ’bile gapiri nga e’de aleniani; urini nga ’ba kali aku ageiari onyopiri ga ra.

9’Ba oni gapiri nga azo isu oni ndesi; ’ba eja osipiri eri ’di drileonzi ma sia.

10Aya ma si ka du ra, ka sini ji ku, eri ma ’ye okposi aga ra; te ondua ovu orodriru dri cezasi.

11Uri ka ’ba ga de nga yi obeni eri ku, ’ba uri obepiri ma orodri yo.

12E’yo efupi ’ba onduaru ma tilia ’diyi yi asi ndriza be, te ’ba ondua kokoruri ma tileni nga eri ma ngulupi ki’i.

13E’yo efupi eri ma tiliari ma e’dozani onduaakoni, te oluta erini ma asiza eri e’yo azazaru candi fepiri’i.

14’Ba ondua kokoru o’ba e’yo ’yoza kakau, te ’ba nini e’yo ngapi i ’yepiri ku, a’di eco e’yo ngapi ovupi eri ma vutiari oluzaru eri ma tiani ya?

15’Ba ondua kokoru ’diyi ma azi ngaza fe yi dria alu aluni andezu, te yi nini geri amboruari ku.

16Eyawaye, angu la! opi mini ovu mvani, azini ’ba ’wara mini ’diyi ka nyaka nya o’bitisi!

17Awa’difo, angu la! opi mini ka ovu opi ma mva, ’ba ’wara mini ka nyaka nya etu ’yekeria rua okpo ndazu, te atizu ewasi ku!

18Ovusi jo dri asu ira, adiko azini asuzu dria kurisi fe jo drini ra ra,

19’Ba yi omu ede oguta ma e’yosi, patiefi ma suni fe idrini ovuzu ayikosi; silingini nga afa dria ma e’yo omvi ra.

20Mi tri opi ku, kani asisile minisi ku indi, mi tri ’ba afa e’iru jo mini lazuli ma alia ku; a’disiku aria ’buari nga o’duko mini idri, afa opile beri nga e’yoni olu ra.

← Chapter 9 Jump to: Chapter 11 →