bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Lugbara
/
Lugbara (E’yo Siza Alatararu Munguniri BIBLIA)
/
Ecclesiastes 5
Ecclesiastes 5
Lugbara (E’yo Siza Alatararu Munguniri BIBLIA)
← Chapter 4
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 6 →
1
Mi mba mi pa ma ta mini muria Mungu vile joa; a’disiku esizu ogogo e’yo erizuri aga mini ’ba ondua kokoru ’diyi ma edeta fezuri ra; yini nile kini yi e’yo onzi ’ye kurisi.
2
Mi ’yo e’yo azini egata kokoru mi tilesi ku, mi asi ma ’ye mbele mbele e’yo azini ’yozu Mungu ma drilia ku, te Mungu eri ’bua, mi’i mi ovu nyakua; e’yo mini ’yole ’diyi ma ovu di were.
3
A’disiku orobini ’ba obi azi kakau ma e’yosi, azini ’ba ondua kokoruri ma o’dukoni efu e’yo o’biru ’diyisi.
4
Mi ka oyo so Mungu vu ci, mi te eri ofezu ku; a’disiku eri ovuni ayikosi ’ba ondua kokoru ’diyisi ku. Mi ofe afa mini oyoni soleri ra.
5
Oyo sozu kuri onyiru aga oyo sozu te ofezu kuri ra.
6
Mi ku mi tile ma fe mini e’yo onzi ’yezu ku, vini indi mi ma ’yo malaika ma tia kini, Ma avi avi, ’dini ku; Mungu ma ovu adrasi erini o’duko mini eriria, azi mi drini ’yeleri ezazu a’disi ya?
7
E’yo ’diri ’ye i ’dini orobi o’biru piyi ma e’yosi, e’yo toko toko ’diyi pie, e’yo ’yole o’biru ’diyi pie indi; te mi ru Mungu.
8
Mi ka inzata ’bani ’ba aliarioru ’diyi inzazuri ndre angu azini ma alia, ’bani e’yo liza kililiruri pi asuzu okposi e’yo adaru be, mi ma osu e’yonisi ku; a’disiku ’ba uru drile tu ’ba uruleru ’diyi agapi rari adri e’yoni ne ra; ’ba uruleru ’ba ’diyi agapiri indi.
9
Azini indi, afa nyakuni kaleri ma orodri eri ’ba driani, ka tro opini ti, amvuni eri ma aza koni.
10
’Ba dahabu lepiri ngani tra dahabusi ku; ’ba afa o’biru lepiri ngani tra afa erezasi ku indi: e’yo ’diri e’yo tokoni indi.
11
Afa ka ezu tre, ’ba yi nyapi ’diyi ezu alu indi; e’ini ani a’di orodri isu ya? Eri lu kiri yi one milesi a’dule.
12
’Ba azi ngapiri ma o’du koza alu tu, ka nya were kani tu ti; te afa e’i ma lonyini oga eri dri o’du kokokoru si.
13
E’yo onzi mani ndrele etu etia candi fepi turi eri ’di: lonyi e’ini tani mbalerini candi ejizu e’i ma ruaari,
14
vutinia lonyi nde avi drile onzisi; eri ka mva ti ’bo, drinia afa aluni yo.
15
Ekile erini ndra efule andri ma opojoa pililirurile, eri nga mu pililiru erini emulerile, afa azini azi erini ma orodriru erini ecole jile i ma driani yo.
16
E’yo ’diri e’yo onzi candiru turi indi: eri nga mu ra trotro ekile erini emulerile; te ’ba azi ngapi oli bizuri ma orodri ngoni ya?
17
O’du erini ma alia dria eri afa nya angu iniaa, eri i ecandi tu, azo pisi aoko be.
18
Mi ndre, afa mani ndrele ovuzu onyiru azini i sipi ’ba driri eri ’di: ’ba ma nya, ma mvu, ma ovu ayikosi azi okporu erini ngale etu etiari ma alia dria, 0’du Munguni fele eri dri ovuzu idriru ’diyi ma alia dria; a’disiku e’yo ’diri ovu esele erini.
19
Azini ’ba dria alu alu Munguni lonyi pi fele drinia afa kakau be ’diyi, eri fe eri dri okpo indi afa nde nyazu esele erini bizu azini ovuzu ayikosi azi erini ma aliaria-afa ’diri eri feta Munguni.
20
A’disiku eri ngani o’du erini ovuzu idrini ’divi ma e’yo ega tu ku; Munguni e’yo omvile eri ma tia ayiko eri ma asiari ma aliarisi.
← Chapter 4
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 6 →
All chapters:
1
2
3
4
5
6
7
8
9
10
11
12