Ecclesiastes 6

Lugbara (E’yo Siza Alatararu Munguniri BIBLIA)

← Chapter 5 Jump to: Chapter 7 →

1E’yo onzi indi mani ndrele etu etiari, eri ovu nzizaru ’ba ma dria:

2agu Munguni lonyi pi fele drinia afa kakau be, inzita pieri, ’dini afa eri ma orindini lele ’diyi ma azi ovupi eri dri yori aluni yo ani, te ti Mungu feni eri dri okpo afa nde ’diyi nyazu ku, te ani’boni nyani; e’yo ’diri eri toko, eri azo onzini.

3’Ba azini ka anzi oti turu alu, ka adri idriru eli kakau, o’du eri ma elini ’diyini ecazu kakau ani, te eri, ma asi ka tra afa onyirusi ku, ka awi eri sa ku; ma kini, mva e’bepi e’beri aga eri onyisini.

4A’disiku eri emu e’yo tokoru ma alia, eri mu angu bizasi, angu biza a’bu runi ci;

5drinisi ndreni nga etu ku, nini e’yo ku indi; ’diri isu ava liza aga aziri ra,

6Ada eri ka tro ovu, idriru eli alifu alu pale iri ti, te ovuni ayikosi e’yo onyirusi ku-’ba dria muni pari alua ku ya?

7Azi okporu dria aguni ngaleri, eri nga i ma tile dri, te ti, ava erini afa nyazuri trani ku.

8Te ’ba: onduaru aga ’ba ondua kokoruri ra onyi ngosi ya? Alio nipi acipi ’ba idriru ma driliari ovu a’di afa be ya?

9Afa ndrezu milesiri ovu onyiru aga acita ’daa ’daa liniri ra; afa ’diri indi eri e’yo tokoru asi ’bazu oli bizuriru.

10’Ba ka ovu ngoni ti, ’da runi andra drio, ni ra kini eri ’bani, eri econi agata gazu ’ba okpo be eri ndepi rari be ku.

11Te afa karakarau indi e’yo tokoru ezupi tre ’diyi, ’bani ani a’di isu ya?

12A’disiku a’di ni e’yo ovupi ’ba dri onyiru idri erini ma alia, ada, idri erini tokoru erini ’a’azu endrilendrileri ma o’du ma alia driarini ya? A’di eco e’yo ngapi ovupi eri ma vutia etu etiari oluzaru ’ba ma tiani ya?

← Chapter 5 Jump to: Chapter 7 →