Ecclesiastes 8

Lugbara (E’yo Siza Alatararu Munguniri BIBLIA)

← Chapter 7 Jump to: Chapter 9 →

1Agu ’ba onduarurileri a’di’i ya? A’dini e’yo ma efini ya? Onduani fe ’ba ma andretini ovu dizaru, azini mile ini eriniri nga di i oja ani ra.

2Ma kini, Mi inzi azita opini, oyo mini sole Mungu rusiri ma e’yosi.

3Mi fu eri ma miliasi amve mbele mbele ku; mi ’ye e’yo onzi ’dani bile kokoru ke, erini e’yo dria ’yele ini lelerilerisi.

4A’disiku e’yo opini ovu okpo be, te a’di eco ’yozaru eri ma tia kini, Mi a’di ’ye ya-nini ya?

5’Ba azita ma ta mbapiri ngani afa onzi ni ku; ’ba onduaru ma asini ewu pi ama e’yo liza beni,

6A’disiku e’yo driasi isu e’yo liza be indi; e’yo ovule amboru ’ba ma, driarisi;

7erini e’yo ngapi i ’yepi ndori nile korisi, te a’di eco e’yo ngapi i ’yepiri oluzaru eri ma tiani ya?

8’Ba aluni ovupi okpo be orindi ma dria orindi ogapi fukokoru sini yo, ovuni vini okpo be o’du drataniri ogazu ku; yi peni ’ba ti mvizu akua omba ’daasi ku, e’yo onzi ngani vini ’ba onzi nde ’yepiri pa ku indi.

9Ma ndre e’yo ’diyi dria ’bo, ma ’ba ma asi azi dria ovupi ’yezaru etu ma etiari ma dria, ewu ’ba aluni ovuzu okpo be ’ba azini ma drilia eri ’yezu onzirisi.

10Vutinia ma ndre yini ’ba e’yo onzi ’yepi ’diyi osaria, yi eca pari ’ba avu sazuria; te ’ba e’yo onyiru ’yepi ’diyi enga pari alatararuriarisi ra, yi ma tavi avi vini ’ba akua ’diyi dri ra. E’yo ’diri indi eri e’yo tokoni,

11Yini e’yo liza lile azi onzi ma driari ’yele mbele kurisi, e’yo ’disi ’ba ma ori ma asi mba mba e’yo onzi ’yezu.

12’Ba e’yo onzi ’yepiri ka tro e’yo eza pale turu alu i ma o’du erezu drile ti, ma ni ada ada e’yoni nga ovu onyiru ’ba Mungu rupi, ’diyi dri, yini ovule ruta be eri ma miliarisi.

13Te e’yo ngani ovu onyiru ’ba e’yo onzi ’yepiri dri ku, eri ngani i ma o’du ovupi endrilendrileri e erezu drile ku, erini ovule ruta be Mungu ma milia kurisi.

14E’yo tokoru azini indi ovupi yezaru nyaku ma driari, ’dini: ’ba kililiru ’diyi indi, te e’yo ’ye i yi vu ekile ’ba e’yo onzi ’yepi ’diyi vurile, dika ’ba e’yo onzi ’yepi ’diyi indi, te e’yo ’ye i yi vu ekile ’ba kililiru ’diyi vurile. Ma ’yo ra e’yo ’diri indi eri e’yo tokoni.

15Ma nga di ayiko ndruzuri pe’i, a’disiku e’yo azini onyiru ’ba dri agapini yo, pe lu ba ma nya, ma mvu, ma ovu ayikosi, e’yo ndeni ngale ovule eri be ’dani azi okporu erini ma alia idri Munguni fele eri dri etu etiari ma o’du dria ma aliarisi.

16Ma ka ma asi fe ondua nizu azini azi ndu ndu ovupi ’yezaru nyaku driari ndrezu, (te ’ba indi o’du koza ndrepi i milesi etusi ini be rra kuri),

17etu ’dasi ma nga di azi Munguni ndre dria ra, kini ’ba econi azi ovupi ’yezaru etu etiari isuzaru ku. A’disiku ’ba ka azi ngonini nga eri ndazu ti eri ngani eri isu ku; ada, ’ba onduaru ka ega vini i nga ni ra ti, te eri ngani ceo eri isuzaru ku.

← Chapter 7 Jump to: Chapter 9 →