bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Lugbara
/
Lugbara (E’yo Siza Alatararu Munguniri BIBLIA)
/
Judges 5
Judges 5
Lugbara (E’yo Siza Alatararu Munguniri BIBLIA)
← Chapter 4
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 6 →
1
’Dinile Debora nga di ongo ngo Baraki Abinoamu mvi be o’du ’dasi kini:
2
’Ba ’ba dri cepi ’diyini ’ba dri cele Israeliarisi, ’bani yi ma ngulupi fele cenirisi, emi ma inzi Yehova.
3
Emi eri, emi opi la; emi co bile, emi opianzi la; ma’i, adani ma’i, ma nga ongo ngo Yehova dri, ma nga inzita ngo Yehova Mungu Israeliniri dri.
4
Yehova la, mini efuria Seiriasi, mini aciria engazu nyamuko Edomuni ma aliasi, nyaku oya ra, ’bu oti alu ra, ada iriti fe yi otini.
5
Oni piyi aka, rava Yehova ma milia, ada Sinai nde ’daleri aka ra Yehova Mungu Israelinirini ovule indirisi.
6
Ewu Samigari Anatimvini ma alia, ewu Yaelini ma alia, gboko ’diyi ndra pirini, te ’ba acipi ’diyi aci geri izia ’diyisi.
7
’Ba ’ba dri cepi ’diyi asi Israelia ra, yi asi ra kpere ma’i Debora, mani engaria, de nga ma engani andriru angu Israeliniria ku.
8
Yi ope adrou o’diru ’diyi’i; a’di ’diza ovu ndra ani kalitilea ogogo. Gombere kani aju pi ’ba ndre ndra ’ba alifu kali su ma eselia angu Israeliniria ra ya?
9
Ma asi ovu ’ba Israeli ma dri cepi ’diyi vu ayikosi yini yi ngulupi fele ceni ’ba nde ma eseliarisi. Emi ma inzi Yehova.
10
Emi olu e’yoni, emi’i ’ba nzupi akanya emverusi ’diyi la, emi ’ba ripi birisi ndrizaru ma dria ’diyi la, emi acipi geria ’diyi la indi.
11
Yi nga ’yeta kililiru Yehovani ’diyi ma e’yo olu dika dika pari yikiyi ’ba ’ye gbipi osusi ’di yini zoleri be reria, pari ’bani yi kozuria indi, ada yi nga ’yeta kililiru erini ’yele erini angu nyaria Israelia ’diyi ma e’yo olu’i. O’du ’dasi ’ba Yehovani si di andra kalitilea.
12
Mi oro, mi oro, Debora la! Mi ore, mi oro, mi ngo ongo Mi nga, Baraki, mi ce ’ba ndra mi ’bapi aruru ’diyi ma dri aruru, Abinoamu mvi la!
13
’Ba opiru ’diyi ma joloko nga di esi va, ’ba nde maazi ’diyi be; Yehova esi ma dri va ’ba okporu ’diyi ma ruaa ra.
14
Engazu Efiraimu ma alia yi esi va, ’ba yi ma olani ovuzu Amaleki ma alia ’diyi; yi esi mi vutia, Benyamini la, ’ba mini ma eselia; engazu Makiri ma alia ’ba ’ba dri cepi ’diyi esini, te engazu Zebuluni ma alia ’ba lote ambo ’ba driliariniri be ’diyi esini.
15
Te opianzi Isakarini ’diyi ovu Debora be; ekile Isakarini ovulerile, ’dini Barakini ndra ’dini alu indi; yi nzu e’bua eri ma palaa. Pari yi raza Rubenini ma tia yi ede yi asi azi okporu ngazu.
16
Mi ri ndra lico kabiloni ’diyi ma eselia a’disi ya, mini lezu ejeleko kabilo o’biru omvezuri ma wuta erizu? Yi raza Rubenini ma tia ’daa asi ndaza amboru tu,
17
Gileadi te ndra Yoridania ’aa’dasi; azini Dani awi ndra oguru alia a’disi ya? Aseri ri pari alua miri ma kutia, eri te yi oji erini ’diyi ma alia.
18
Zebulunini ndra ’ba idri yini adipi dra dri ’diyi; Nafutali ’ye ’dinile indi angu ngurua ’diyi ma alia.
19
Opi yi emu ra, yi ’di a’di; opi Kanania ’diyi ’di a’di ra angu Taanakia yi Megidoari ageia ogogo; yi pani silingi yi ma orodriru aluni ku,
20
Yi ’di a’di engazu ’bua, ’bi’bio acita yini ma alia ’diyi ’di di a’di Sisera be.
21
Yi raza Kisonini wu yi amve, yi nde ovupi drio, yi raza Kisoniniri’i. Ori mani la, mi aci drile okpo be!
22
Akanya ma pa ma didi we ra ombuta ma e’yosi, ombuta ’ba okporu yini ’diyinisi.
23
Emi tri Merozini, malaika Yehovani ’yo ra, emi tri ’ba ovupi eri ma alia ’diyi trita asi okarurisi, a’disiku yi emuni Yehova ma aza kozu ku, Yehova ma aza kozu ’ba okporu ’diyi vu.
24
Yaelini nga ovu drilebaru oku azini ma drilia, eri Heberi ’ba Kenini vile okuri’i; eri nga ovu drilebaru oku hema alia ’diyi ma drilia.
25
Eri a’i yi, eri fe eri dri lesu’i; eri eji eri dri lesu kuza saani opiniri ma alia.
26
Eri eju i ma dri alo bizu, eju i ma dri ndiri opana ’ba azi ngapirini bizu indi; opana ndesi eri di Siserani, eri so eri ma dri lekeke; ada eri so eri ra, eri di eri ayako erinia.
27
Eri avu eri ma palaa, eri e’de ra, eri la ra; eri ma palaa eri avu ra, eri e’de ra; pari erini avuria, ’daa eri e’de va, dra ra.
28
Eri olu angu derisasi, eri oyu uru, Sisera ma andri oyu derisa ma talasini: Gari ombani erini ’diyi emuni mbele ku a’disi ya? Gari ombani erini ’diyi ma pa omberu ’diyi yi dri ici ’dani a’disi ya?
29
Oku erini onduaru ’diyi omvi e’yo tinia, ada eri omvi arotini i ma ngulupisi ceni,
30
Yi isuni afa ku ya? Yi awani afa yini opale okposi ’diyi ku ya? - zamva alu, kani ezoanzi iri ’ba alu alusi; Sisera ma afa opaza eri bongo wura be ndu nduri’i, bongo wura be ndu ndu sole dria ndrizaruri, wura ndu ndu sole bongo ma woko iri dria, afa opaza nde ma ombeleari ya?
31
Mi ku ari’ba mini dria ma ja dri ’dinile, Yehova la! Te ’ba eri lepi ra ’diyi ma ovu ekile etuni efule okpo ini berile. Angu li di ava eli kali su.
← Chapter 4
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 6 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21