Revelation 15

Lugbara (E’yo Siza Alatararu Munguniri BIBLIA)

← Chapter 14 Jump to: Chapter 16 →

1Ma ndre eceta azini ’bua, ambo osutaru, malaika aziri ovupi inzata vile asizu aziri ’diyi be ’diyi, te adra Munguni nga di dri fu inzata ’diyisi.

2Ma ndre ekile miri talatalaru osale ad berile, azini ’ba nguru pi agapi wura erini pie, ru erini ma namba pie ’diyini pa soria miri talatalaru nderi ma tia, yi o’di Munguni be yi ma dria.

3Yi ongo Musa ati’bo Mungunirini ngo, ongo Kabilomvaniri be, kini, ’Yeta mini yi amboru azini osutaru, Opi Mungu Okpo E’i la! Geri mini ’diyi yi kililiru azini adaru, mi Opi amboru ’dani ’daniri!

4A’di ngani mi ru kuni ya, Opi la, a’di ngani mi ru ’ba dizaru kuni ya? A’disiku mi a’dule mi alatararu, Suru dria nga emu nga inzi mi drilia, e’yo ’yeza mini kililiru ’diyiri’i yi e’dalerisi.

5E’yo ’diyi ma votia ma ndre ra, yi zi bere e’yo eti nzezaniri ma hekalu ’buari ma tile ra;

6malaika aziri ovupi inzata aziri be ’diyi nga di efu hekalu ndeasi, bongo alatararu dizaru ovu yi ruaa, anzu yi agati baka melerusi.

7Anyapa idriru ma azi alu nga okele aziri meleru Mungu ovupi ’dani ’daniri ma adrani gazu yi ma alia tre ’diyi fe malaika aziri ’diyi dri;

8acika nga di ga hekalu ma alia tre engazu diza Munguni pi vu okpo erini be; ’ba aluni econi fizaru hekalu nde ma alia ku de nga inzata aziri malaika aziri ’diyini deni nga yi ku.

← Chapter 14 Jump to: Chapter 16 →