bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Lugbara
/
Lugbara (E’yo Siza Alatararu Munguniri BIBLIA)
/
Revelation 17
Revelation 17
Lugbara (E’yo Siza Alatararu Munguniri BIBLIA)
← Chapter 16
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 18 →
1
Te malaika aziri ovupi okele be aziri ’diyi ma azi alu emu ra, nga e’yo ’yo ma be kini, Mi emu ’doa, ma nga oku awuouru ali o’bapi tu ripi yi kakau ma driari ma e’yo liza lile driniari ece mi dri;
2
eri’i opi amboru nyakua ’diyini ndra ali o’bazu eri beri, ’ba ovupi nyakua ’diyini atizu patiefi ma su eri ma ali o’bazanirisiri’i.
3
Te eri ’du ma Orindi alia jizu roko dria, ma ne Okuni riria nguru ekaru ma dria, nguru nderi ma rua ga tre ru Mungu o’dazu ’diyisi, eri dri be aziri, o’yu be mudri.
4
Oku nderi su bongo okalakokalaruri pi i ruaa bongo ekaruri be, su vini i ruaa mele pi onyiafaru, oni aje nyapi tu ’diyi pie, nyoro ndrizaru aje nyapi tu ’diyi pie, eri ma dria okelea meleru afa ngule onzi ’diyi pini gazu alenia tre afa alatara kokoru eri ma ali o’bazani ’diyi beri;
5
si ru eri andretia e’yo zizaru ’dini: BABULONI AMBORU, OKU AWUOURU ALI O’BAPI ’DIYI PI MA ANDRI E’YO NGULE ONZI NYAKUA ’DIYI BERI’I.
6
Ma ne oku nderi ovu atizaru ’ba alatararu ’diyi ma arisi, azini ’ba Yesu ma e’yo eti nzepi ’diyi ma arisi indi. Ma ka eri ne ra, ma osu tu osuta amborusi.
7
Malaika nga di ’yo ma tia, Mi osu a’disi ya? Ma nga e’yo zizaru oku nde pini ece mi dri, nguru eri jipi ovupi dri be aziri o’yu mudriri be.
8
Nguru mini ndreleri ’lovu ndra indi, te eri curu’do yo, te eri ’ye efu ’bile asikokoruria muzu dri jazu; ’ba ovupi nyakua, yini yi ma ru sile buku idrini ma alia engazu ewu nyaku ma eti ’bazuria ku ’diyi nga osu osu yini nguru ndreria, a’disiku eri ndra indi, te eri curu’do yo, te eri nga eca ndo.
9
Asisile ondua beri eri ’do’i: dri aziri yi oni izuru aziri, okuni rizu yi ma dria ’diyi;
10
opi aziri yi indi, towi ’diyi o’de ’bo, aluri ace indi, aziniri ecani nga ku; eri ka nga emu ra eri ma ovu ewu were.
11
Nguru ovupi ndra indi te curu’do yori, eri ma ngulupi vini opi arori’i, eri ovu ’ba aziri ’diyi ma azi alu, te eri mu dri ja ra.
12
O’yu mudri mini ndrele ’diyi yi opi mudri opi nyapi nga ku: ’diyi, te yi nga okpo isu ovuzu opiru sawa alu, nguru nde be tualu.
13
Yi ovu asisile be alu, nga okpo yini fe okpo opiruri be nguru nderi dri;
14
yi nga a’di ’di Kabilomva be, te Kabilomvani nga yi aga ra, erini ovule Opi opini azini Meleki melekinirisi, azini ’ba ovupi eri be ’diyi yi ’ba omvele, ’ba opele, ’ba asi adaru be ’diyi.
15
Eri ’yo ma tia, Yi nde mini ndrele oku awuouru ali o’bapirini rizu driniari, ’diri ’ba pie, ’ba ongulumuru pie, suru pie, ti ’yoza pie.
16
O’yu mudri mini ndrele ’diyi azini nguru nde yi nga oku awuouru ali o’bapiri ngu onzi; yi nga eri ku pirini azini pililiru, nga za eri ruaari nya, nga eri eve acisi kieikiei,
17
a’disiku Mungu ’ba e’yo yi asia e’yo erini leleri ’yezu, ovuzu asisile be alu, opi nyaza yini fezu nguru dri, cazu kpere e’yo Munguni ’yole ’diyini ngazu yi ’yezuria.
18
Oku mini ndrele ’diri eri aku amboru opi nyapi opi nyakua ’diyi ma driari’i.
← Chapter 16
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 18 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22