bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Lugbara
/
Lugbara (E’yo Siza Alatararu Munguniri BIBLIA)
/
Revelation 9
Revelation 9
Lugbara (E’yo Siza Alatararu Munguniri BIBLIA)
← Chapter 8
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 10 →
1
Malaika towiri vu guka ra, ma ndre ’bi’bio engapi ’bua e’depi va nyakuari ra, yi fe eri dri fungua ’bile asikokoru drataniri ma tileniri;
2
eri zi ’bile asikokoru drataniri ma tile ra, acika efu tilenia ekile acika aci droza amborunirile, etu pi angu ’buari be bi iniciciru acika tileniarisi.
3
Ombi efu acika nde ma alia, ere yi nyaku dria, yi fe okpo yi dri ekile otunukuani ovule okpo be nyakuarile;
4
azi yi tia kini yi ma eza ase nyakuari pi, afa dria ibiru ’diyi pie, pati pie dria ku, pe lu ’ba ovupi eceta Munguni be yi ma andretia ku ’diyi a’dule;
5
yi fe yi ma fu yi ku, te ma inza yi mba towi, inzata yini ovu ekile rua suza otunukuani fele ’ba dri erini ’ba zariarile.
6
O’du ’dayisi ’ba yi nga dra nda, te yi ngani eri isu aluni ku; yi nga dra le avasi, te drani nga apa yisi ra.
7
Wura ombini ovu ekile akanya edezaru ngonde ombasirile; afa ekile ekilaza meleru ’diyile ovu yi ma dria; andreti yini si yi ekile ’ba ma andre- ’tile,
8
dribi yini ovu ekile oku dribile, si yini ekile kami sile;
9
yi ovu gombere pauru agatia ’diyi be ekile gombere pauru agatia ayaru ’diyile, yi ma opile ma awu ovu ekile gari ombani ma awule, akanya kakauni nzuria ombaarile;
10
sobi yini ovu ekile otunukua ma sobile, iri ’ba duzuri be, sobi yini ma alia yi ovu okpo be ’ba ezazu mba towi.
11
Yi ovu malaika ’bile asikokoruniri be yi ma opiru; runi Ebrania tisi Abadoni, te Giriki tisi Apolioni’i.
12
Candi okori de ira; mi ne, candi acepi iri ’diyi nga emu e’yo ’diyi ma vutia,
13
Malaika aziari vu guka ra, te ma eri o’duko alu engazu pari edeta edezu meleru ovupi Mungu ma driliari ma o’yu su ’diyi ma eselia,
14
’yozu malaika aziariru ovupi guka beri ma tia kini, Mi otru malaika su ovupi ombezaru yi ara amboru Ufira te ma tia ’diyi.
15
Yi otru di malaika su edele ngonde etuni pi tezu, o’duni pie, mbani pie, elini pie dria ’diyi ra, yi ma ofu ani ’ba ma esele na ma azi aluri ra beni.
16
Kalafe ’ba ombani nzupi akanya dria ’diyini ovu alifu kali iri pale alifu mudri; ma eri kalafe yini ra.
17
Ma ndre akanya orobisi: ’ba ripi yi dria ’diyi pie ’dini, yi ovu gombere pauru agatia wura be acinirile, azini bluru, azini a’ugbe alele ’diyi be, akanya ma dri ovu ekile kami ma drile, yi ma tia aci pi efu ra, acika pie, baruti pie.
18
’Ba ma esele na ma azi aluri ovu fuzaru inzata na ’diyisi, aci pisi, acika pie, baruti pie efupi yi ma tilia ’diyi.
19
A’disiku akanya ma okpo ovu yi ma tilia azini yi ma sobia; sobi yini si yi urile, yi dri be indi, yi ’ba eza ani yisi.
20
’Ba acepi ovupi fuzaru inzata ’diyisi ku ’diyi ojani yi asi ku, kuni ’yeta yi ma drini ’yeleni ’diyi ku, kuni vini orindi onzi inzikokoru ja ’dinini ku, kuni wura inzile inzi edele melesi ’diyi pie, dahabusi ’diyi pie, molasi ’diyi pie, onisi ’diyi pie patisi ’diyi pie dria ja ’dinini ku, yi afa ecopi angu ndrepi ku, e’yo eripi ku, acipi ku ’diyi;
21
te yi ojani yi asi ’ba ’diza kuzu ku, ’ba rozu olesiri kuzu ku, awu ’baza kuzu ku, ogu kuzu ku dria.
← Chapter 8
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 10 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22