Revelation 6

Lugbara (E’yo Siza Alatararu Munguniri BIBLIA)

← Chapter 5 Jump to: Chapter 7 →

1Te ma ndre Kabilomvani eceta tini opizu ’diyi ma azi alu ziria, ma eri anyapa idriru su ’diyi ma azi aluni ’yoria, ekile o’duko angu lizanilerisi, kini, Mi emu!

2Ma ndre ra, te mi ne, akanya emveru, azini ’ba ripi eri ma ngukuari ovu osu be; yi fe ekilaza driari eri dri, eri fu ani agazu omba ma alia, azini eri ma nga aga ani beni.

3Eri ka eceta iriri zi ra, ma eri ra anyapa idriru iririni ’yoria kini, Mi emu!

4Akanya azini efu ra, eri akanya ekaru; yi fe ’ba ripi eri ma ngukuari dri eri ma nze asi anzuru nyakuarisi ra, ’ba ma ofu yi ceni ceni beni; yi fe sei amboru eri dri.

5Eri ka eceta nari zi ’bo, ma eri anyapa idriru narini ’yoria kini, Mi emu! Ma ndre ra, te mi ne, akanya iniru; azini ’ba ripi eri ma ngukuari ovu afa afa nziza o’bizuri be i ma dria.

6Ma eri ekile o’duko efupi anyapa idriru su ’diyi ma eseliarile kini, Nganu gobea alu silingi alusi, te anya gobea na silingi alusi; te mi ma eza odu pi patiefi su be ku.

7Eri ka eceta suri zi ra, ma eri o’duko anyapa idriru surini ’yoria kini, Mi emu!

8Ma ndre ra, te mi ne, akanya forotoru, azini ’ba ripi eri ma ngukuari runi Dra’i; Pari ’ba drazaniri bi vutinini. Yi fe okpo yi dri angu wudrikuru ma esele su ma azi aluri ofuzu sei pisi, likisi, drasi, nguru asea ’diyisi.

9Eri ka eceta towiri zi ra, ma ndre pari edeta edezuri ma etia orindi ’ba yini ofule e’yo Mungunisi, azini e’yo eti nzeza yini nzelerisi ’diyini;

10yi otre o’duko urusi kini, Mi Opi Agapi Turi, alatararu azini adaru, mi ku e’yo likokoru, azini avu arioti amani ofekokoru ’ba nyakua ’diyi ma ruaa cazu ewu ngopi ya?

11Yi fe afa suza izuru emveru yi dri dria; nga ’yo yi tia kini yi ma li nga ande were, cazu ati’ba yi ma aziru azini yi ma adripiru, ’bani ngale ofule yile ’diyi ma kalafeni cazu i paria dria ’boria.

12Te ma ndre ra eri ka eceta aziari zi ra, oyakia amboru oya angu, etu oja i iniru ekile gunia cale anyapa ma podosirile, azini mba oja i dria arile,

13azini ’bi’bio ’bua ’diyi lu va nyakua ekile elioni efi kapi nga ku ’diyi lule va oli amboni eri oyalenirile;

14wu ’bu ekile ’bani waraka tralerile, onze oni izuru dria alu alui piyi, angu yi lipi miri alia ’diyi be, yi ma pariasi ra.

15Opi nyakua ’diyii pi, ’ba amboru ’diyi pie, ’ba asikari dri: cepi ’diyi pie, ’ba afa e’ipiru ’diyipie, ’ba okporu ’diyi pie, ati’bo jeza drialiari ’diyi pie, kari’ba pie dria, yi ozi yi oni ojia azini kata oni dria ’diyi ma eselia;

16yi ’yo ani oni piyi ma tia kata be; Emi e’de ama dria, ama ozizu ’ba ripi oguna driari ma milia, azini adra Kabilomvanirisi;

17a’disiku etu amboru yini adra ’bazuri eca di ’bo; eco a’dini pa sozaruni ya?

← Chapter 5 Jump to: Chapter 7 →