Revelation 4

Lugbara (E’yo Siza Alatararu Munguniri BIBLIA)

← Chapter 3 Jump to: Chapter 5 →

1E’yo ’diyi ma vutia ma mire, te mi ne, jotile zi i ’bua ra! Azini o’duko oko mani erileri ovu ekile guka e’yo ’yopi ma beri ma o’dukole, kini, Mi etu ’dole, ma nga e’yo ngapi yi ’yepi e’yo ’diyi ma vutia ndo ’diyi: ece mi dri.

2Coti ma ovu Orindi alia, te mi ne, isu de ’ba ndra oguna ’bua ’bo, azini ’baniri ri oguqa dria!

3Te ’ba ripiri ma wura e’da ekile oni yasiperile, azini sadiusile; gari e’dapi ekile oni emerodeleri ace oguna nde agei kuru.

4Azini oguna kali iri drini su ace oguna nderi ma agei kuru; ’ba ’wara kali iri drini su ori oguna ’diyi ma dria, afa suza emvero be yi ma ruaa, ekilaza meleru be yi ma dria.

5Te ovi pi efo oguna nde ma alia, o’duko pie, angu liza pie, Azini tala acini aziri di,ogujaa nde ma drilia di di, yi Orindi Munguni aziri ’diyi;

6oguja ma drilia eri ekile miri talatalaru e’dapi glasileri. Oguna ma alia azini ogona ma ageia, anyapa idriru su ’diyi indi, yi ma ruaa mile ga tre tre agatialeru razini ngukualeru:

7anyapa okori ovo kamile, anyapa iriri ovu koja mvale, anyapa nari ma andreti ovu ’banirile, anyapa suri ovu aji sapi sarile.

8Azini anyapa su ’diyi dria alu alu ovu opile be azia azia, mile ga yi ruaa tre tre kuru, yi ma alialeru i indi; yi lini ava etusi inisi ku, yi ’yo ’dani kini, Alatararu, alatararu, alatararu, Opi Mungu Okpoe’ini, ovupi ndra, ovupi curu’do indi, azini ngapi emupiri’i!

9Anyapa idriru ’diyi ka diza pi fe inzita pie, awa’difo pie, ’ba ripi oguna ma dria, ovupi idriru kpere ’dani ’daniri dri ra,

10’ba ’wara kali iri drini su ’diyi nga yi eco va ’ba ripi oguna ma driari ma palaa, nga ’ba ovupi idriru kpere ’dani ’daniri inzi, nga ekilaza yini o’be va oguna ma drilia, ’yozu kini,

11Opi amani, Mungu amani, mi fu dri diza pi isuzu, inzita pie, okpo pie ra; a’disiku mi ’ba ndra afa dria mi’i, yi ovu ndra ’bazaru, yi ovu indi, mini lele ’dinirisi.

← Chapter 3 Jump to: Chapter 5 →