Song of Solomon 7

Lugbara (E’yo Siza Alatararu Munguniri BIBLIA)

← Chapter 6 Jump to: Chapter 8 →

1Mi pa ndri katalasi ’doni ya, mi opi ma zi la! Pari mi o’dufasini yi ecizuri ovu nyorole, ’ba azi ngapi onduaruri ma dri pamvule.

2Mi otu si kile okelea wariaru patiefi ma su osazaruni ovuzu alenia trerile, Mi ale ovu kile nganu ’bani drole nguru ojo be ageiniarile.

3Mi ba iri ’diyi ovu kile ovaanzi iri ovani tile ejoru ’diyile.

4Mi ombele si kile jo izuru site ewasisirile. Mi mile ovu kile yi atiza Hesibonia kalitile Bati-rabimuari ma tiarile. Mi omvu ovu jo izuru Lebanonia ti fepi Damasiki vulerurile.

5Dri mi dria ururi si kile Karimelile, dri’bi mi driari ovu kile bongo okalakokalarurile; bi opini ati’boru dri’bi nde ma efisi,

6Mi ndri ’doni, azini mi ayikoru ’doni, odrua mani leleri la, e’yo ayiko fepi ’ba asia tu ’diyisi.

7Mi wura ’diri si kile itu patile, azini mi ba ovu kile zabibu ma efi ngulungulururile.

8Ma ’yo ra, Ma nga tu uru itu pati sia, ma nga arakalani obi. Mi ba ma ovu zabibu efi ngulungulururile, ava ’yaza mini ma ngu kite malaale.

9Mi tile ma si kile patiefi ma su onyiru tu sipi va e’yere ’ba mani leleri dri, fipi ’ba o’du kopiri ma tilia onzokonzorile.

10Ma agu mani lelerini, leta avasi eriniri ovu ma vu.

11Mi emu, agu mani leleri, ama ma mu amvua, ama mu nga te aku ’diyi ma alia;

12ama ma enga mu o’bitisi drio drio amvu zabiburiia, ama ma ndre kani zabibu pati ’ba fu emi ’bo ya, kani funi aja yi ’bo yani, kani pomegranate ’ba fu ’bo yani. Ma nga leta mani fe mi dri ’dale.

13Pati agofukuru ma aji ngu ra, azini otile amania pati efi ndrizaru ’diyi yi dria indi, o’diri pi okuri be, mani ta mbale mini ’diyi, agu mani leleri la.

← Chapter 6 Jump to: Chapter 8 →