bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Lahu
/
Lahu Bible Edited © Thailand Bible Society and Bible Society of Myanmar, 2010, 2020.
/
Exodus 5
Exodus 5
Lahu Bible Edited © Thailand Bible Society and Bible Society of Myanmar, 2010, 2020.
← Chapter 4
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 6 →
1
Oˇ ve hkʼaw‸ nawˉ, Moˉseˍ leh Aˍronˍ Eˇjiˇtu‸ jawˇmawˇ geh kʼai leh kʼoˆ ve, Iˉsaˍreˍlaˆ chaw hui ve Gʼuiˬsha chi hkʼe kʼoˆ ve yoˬ. Ngaˬ ve chaw teˇ hpaˍ, heh puiˉ hkʼaw lo ngaˬ hta‸ gʼa ca tuˉ tanˇ tuˬ yawˇ hui hta‸ hpehˇ piˇ-oˆ, teh‸ kʼoˆ ve yoˬ, teh‸ jawˇmawˇ hta‸ kʼoˆ piˇ ve yoˬ.
2
Oˇ htaˇ jawˇmawˇ lehˬ, Nawˬ hui ve tawˇ hta‸ na leh Iˉsaˍreˍlaˆ chaw hui hta‸ gʼa hpehˇ piˇ tuˬ, Gʼuiˬsha oˇ ve a shu le. Gʼuiˬsha oˇ ve hta‸ ngaˬ maˇ shiˍ. Iˉsaˍreˍlaˆ chaw hui hta‸ ngaˬ hpehˇ piˇ maˇ hpeh‸, teh‸ kʼoˆ ve yoˬ.
3
Yawˇ huiˉ maˬ kʼaw‸ kʼoˆ ve, Heˍbrehˇ chaw hui ve Gʼuiˬsha ngaˬ huiˉ maˬ geh laˬ ve yoˬ. Choˬ kaˬ lo tu leh shehˆ nyi vuiˇ ve heh puiˉ hkʼaw lo kʼai leh ngaˬ hui ve Gʼuiˬsha hta‸ ca tuˉ tanˇ tuˬ, ngaˬ hui hta‸ a hkaw-anˬ pe‸ laˇ-oˆ. Ngaˬ hui oˇ hkʼe maˇ te ve kʼo, yawˇ ngaˬ hui awˬ hkʼoˆ lo naˬ beuˬ gaˬ la piˇ leh, ngaˬ hui hta‸ te luˬ te sheˆ laˇ tuˬ yoˬ, teh‸ jawˇmawˇ hta‸ kʼoˆ piˇ ve yoˬ.
4
Oˇ htaˇ, Eˇjiˇtu‸ jawˇmawˇ yawˇ huiˉ maˬ hta‸ kʼaw‸ kʼoˆ piˇ ve, Nawˬ huiˉ maˬ aˬ hto‸ ma dawˇ leh chaw chi teˇ hpaˍ kanˉ te chehˇ ve hta‸ shiˍ kʼai gaˇ ve le. Chaw oˇ ve teˇ hpaˍ hta‸ kanˉ ca kʼaw‸ te tcuh loˬ.
5
Nawˬ hui ve chaw teˇ hpaˍ lehˬ, Eˇjiˇtu‸ chaw a‸ kehˉ maˇ jaˇ peuˬ. Nawˬ huiˉ maˬ lehˬ yawˇ hui hta‸ kanˉ maˇ te tcuh leh jehˇ taˍ piˇ lawˬ gaˇ ve law leˇ, teh‸ kʼoˆ ve yoˬ.
6
Oˇ ve teˇ nyi tiˉ hkʼaw, jawˇmawˇ lehˬ yawˇ ve kanˉ nyi paˍ awˬ hoˉ teˇ hpaˍ hta‸ kuˬ yuˬ leh chi hkʼe kʼoˆ piˇ ve yoˬ.
7
Chaw chi teˇ hpaˍ, li kiˉ shiˍ chiˆ tuˬ awˬ pon chi gʼawˇ taˇ kʼaw‸ piˇ loˬ. Yawˇ hui hkʼaˇ yawˇ hui ca gʼawˆ yuˬ piˇ lawˬ-o‸.
8
Ya‸ hkʼaˇ, ponˬ laˬ htaˇ gʼa jaw ve hkʼe li kiˉ shiˍ gʼa piˇ lawˬ-o‸. A ciˉ ka‸ taˇ yawnˇ tcuh. Awˬ lawn kʼo, yawˇ hui kanˉ te maˇ law‸ taˬsheˍ ve yoˬ. Chi hta‸ pa taw, yawˇ hui ve Gʼuiˬsha hta‸ ca tuˉ tanˇ piˇ tuˬ awˬ pon hpehˇ laˇ tuˬ ngaˬ hta‸ lawˬ laˇ chehˇ ve yoˬ.
9
Shu heˍ piˇ ve tawˇ hta‸ maˇ gʼa na chehˇ tuˬ, chaw chi teˇ hpaˍ hta‸ ponˬ laˬ htaˇ a‸ kehˉ kanˉ hehnˇ chaweh kʼaw‸ te tcuh-o, teh‸ yawˇ hui hta‸ kʼoˆ piˇ ve yoˬ.
10
Kanˉ nyi shehˍ hpaˇ awˬ hoˉ oˇ ve teˇ hpaˍ tawˆ kʼai leh, Iˉsaˍreˍlaˆ chaw hui hta‸ chi hkʼe kʼoˆ piˇ ve yoˬ. Jawˇmawˇ kʼoˆ ve, chi teˇ pawˆ nawˬ hui hta‸ chi gʼawˇ piˇ laˇ tuˬ ve maˇ heˆ.
11
Nawˬ hui ca gʼa hpeh‸ ve chehˇ kuiˬ lo kʼai leh, nawˬ hui hkʼaˇ nawˬ hui gʼa ca gʼawˆ yuˬ ve yoˬ. Ya‸ hkʼaˇ, teˇ nyi le le nawˬ hui te chehˇ ve kanˉ hta‸ a ciˉ ka‸ maˇ gʼa yawnˇ kʼai piˇ, teh‸ yawˇ hui hta‸ kʼoˆ piˇ ve yoˬ.
12
Hkʼe te leh chaw oˇ ve teˇ hpaˍ Eˇjiˇtu‸ mvuhˇmiˬ hkʼaˬ ti chi ti lo kʼai leh chi gʼawˇ ca gʼawˆ toˇ ve yoˬ.
13
Ponˬ laˬ ve awˬ yanˇ hkʼaw, yawˇ hui chi gʼawˇ gʼa chehˇ htaˇ kanˉ te gʼa chehˇ ve hkʼe, chi beu‸ chi gʼawˇ maˇ piˇ ve htawˇ kanˉ hkʼa deh‸ te gʼa piˇ tuˬ, kanˉ nyi paˍ awˬ hoˉ teˇ hpaˍ yawˇ hui hta‸ kanˉ gʼaˇ hte‸ nyiˉ te tcuh ve yoˬ.
14
Jawˇmawˇ ve kanˉ nyi paˍ awˬ hoˉ teˇ hpaˍ lehˬ, Iˉsaˍreˍlaˆ chaw kanˉ nyi paˍ awˬ hoˉ teˇ hpaˍ hta‸ jaw‸ hpehˇ piˇ ve yoˬ. Aˬ hto‸ ma pa taw, chi beu‸ ponˬ laˬ htaˇ hkʼe li kiˉ shiˍ maˇ gʼa ve le, teh‸ yawˇ hui hta‸ kʼoˆ piˇ ve yoˬ.
15
Oˇ htaˇ, Iˉsaˍreˍlaˆ chaw kanˉ nyi paˍ awˬ hoˉ oˇ ve teˇ hpaˍ jawˇmawˇ geh kʼai leh kʼoˆ ve, Aˬ hto‸ ma pa taw, nawˬ ve awˬ ceˬ teˇ hpaˍ hta‸ chi taw taw te laˇ ve le.
16
Ngaˬ hui hta‸ chi gʼawˇ maˇ piˇ laˇ. Ya‸ hkʼaˇ, yawˇ hui lehˬ ngaˬ hui hta‸ li kiˉ shiˍ gʼaˇ hte‸ te tcuh laˇ chehˇ ve yoˬ. Chi awˬ hkʼoˆ, ngaˬ hui lehˬ jaw‸ laˇ ve hta‸ htawˇ gʼa hkanˍ ve yoˬ. Chi lehˬ, nawˬ ve chaw teˇ hpaˍ te ponˬ te leuˉ jaˇ ve yoˬ, teh‸ jawˇmawˇ hta‸ kʼoˆ piˇ ve yoˬ.
17
Oˇ htaˇ jawˇmawˇ kʼoˆ ve, Nawˬ hui lehˬ bawˬ jaˇ ve yoˬ. Chi hta‸ pa taw, nawˬ hui Gʼuiˬsha hta‸ ca tuˉ tanˇ tuˬ kʼoˆ da‸ chehˇ ve yoˬ.
18
Nawˬ hui ve kanˉ te kuiˬ lo haˆ kʼo‸-e loˬ. Nawˬ hui hta‸ chi gʼawˇ piˇ laˇ tuˬ ve maˇ heˆ. Ya‸ hkʼaˇ, nawˬ hui lehˬ kʼoˆ piˇ taˍ ve hkʼe li kiˉ shiˍ gʼa te laˇ ve yoˬ, teh‸ yawˇ hui hta‸ kʼoˆ piˇ ve yoˬ.
19
Ponˬ laˬ htaˇ hkʼa shuˍ li kiˉ shiˍ gʼa te gʼa piˇ tuˬ ve awˬ lawn hta‸ yawˇ hui gʼa shiˍ ve teˇ yanˇ ca dawˇ maˇ tawˆ ve yoˬ.
20
Yawˇ hui jawˇmawˇ geh tawˆ la chehˇ ve teˇ yanˇ, Moˉseˍ leh Aˍronˍ hta‸ gʼa mawˬ ve yoˬ.
21
Yawˇ hui Moˉseˍ leh Aˍronˍ hta‸ kʼoˆ piˇ ve, Gʼuiˬsha lehˬ nawˬ huiˉ maˬ te chehˇ ve kanˉ hta‸ gʼa mawˬ peuˬ leh, nawˬ huiˉ maˬ hta‸ ciˍ yanˍ laˇ tuˬ yoˬ. Jawˇmawˇ leh yawˇ ve a ma‸ lonˉ teˇ hpaˍ, ngaˬ hui hta‸ canˇ tuˬ nawˬ huiˉ maˬ te laˇ peuˬ. Ngaˬ hui hta‸ tiˇ pehˍ laˇ tuˬ, nawˬ huiˉ maˬ yawˇ hui ve la‸ sheh hkʼaw aˉhtaw keu piˇ peuˬ, teh‸ yawˇ huiˉ maˬ hta‸ kʼoˆ piˇ ve yoˬ.
22
Oˇ htaˇ Moˉseˍ Gʼuiˬsha geh jiˆ kʼai leh kʼoˆ ve, Gʼuiˬsha-oˬ, aˬ hto‸ ma pa taw nawˬ ve chaw chi teˇ hpaˍ hta‸ chi taw taw tu‸ hkanˍ piˇ lawˬ ve le. Aˬ hto‸ ma pa taw, nawˬ ngaˬ hta‸ choˬ kaˬ lo peu laˇ ve le.
23
Ngaˬ jawˇmawˇ geh kʼai leh nawˬ awˬ tan tawˇ ca yaw piˇ ve teˇ yanˇ, yawˇ lehˬ nawˬ ve chaw teˇ hpaˍ hta‸ leuˉ leh kʼaw‸ fawˉ mehˍ piˇ ve yoˬ. Nawˬ lehˬ, chaw chi teˇ hpaˍ hta‸ ga piˇ tuˬ te‸ chiˉ maˇ te she‸, teh‸ kʼoˆ ve yoˬ.
← Chapter 4
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 6 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40