bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Lahu
/
Lahu Bible Edited © Thailand Bible Society and Bible Society of Myanmar, 2010, 2020.
/
Exodus 7
Exodus 7
Lahu Bible Edited © Thailand Bible Society and Bible Society of Myanmar, 2010, 2020.
← Chapter 6
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 8 →
1
Gʼuiˬsha Moˉseˍ hta‸ kʼaw‸ kʼoˆ piˇ ve, Jawˇmawˇ mehˆ gʼuˇ suhˍ ngaˬ nawˬ hta‸ Gʼuiˬsha hkʼe hpeh‸ la piˇ leh, nawˬ viˉ paˍ Aˍronˍ hta‸ nawˬ awˬ tan tawˇ yaw shehˍ hpaˇ hpeh‸ la piˇ tuˬ yoˬ.
2
Ngaˬ nawˬ hta‸ kʼoˆ piˇ taˍ ve tawˇ oˇ ve hkʼa peu-eˬ, yawˇ hta‸ kʼaw‸ kʼoˆ maˍ piˇ-oˆ. Mvuhˇmiˬ chi hkʼaw Iˉsaˍreˍlaˆ chaw hui hta‸ tawˆ kʼai tcuh tuˬ, Aˍronˍ lehˬ jawˇmawˇ hta‸ kʼoˆ piˇ tuˬ yoˬ.
3
Ya‸ hkʼaˇ, ngaˬ lehˬ jawˇmawˇ ve nyi ma hta‸ heh la piˇ leh, Eˇjiˇtu‸ mvuhˇmiˬ chi hkʼaw anˇ tuˬ awˬ heˆ laiˉ ceuˬ ngaˬ te maˍ piˇ ve htawˇ, yawˇ nawˬ hui ve tawˇ hta‸ na yuˬ tuˬ ve maˇ heˆ.
4
Oˇ ve hkʼaw‸ nawˉ, Eˇjiˇtu‸ chaw hui hta‸ ngaˬ hehnˇ chaweh ciˍ yanˍ piˇ leh, ngaˬ ve chaw teˇ hpaˍ hta‸ Eˇjiˇtu‸ mvuhˇmiˬ hkʼaw shiˍ tawˆ-e piˇ tuˬ yoˬ.
5
Ngaˬ ve la‸ sheh che leh, Iˉsaˍreˍlaˆ chaw hui hta‸ yawˇ hui ve mvuhˇmiˬ hkʼaw shiˍ tawˆ-e chehˇ ve teˇ yanˇ, ngaˬ Gʼuiˬsha hpeh‸ ve hta‸ yawˇ hui shiˍ la tuˬ yoˬ, teh‸ yawˇ hta‸ kʼoˆ piˇ ve yoˬ.
6
Moˉseˍ leh Aˍronˍ lehˬ, Gʼuiˬsha kʼoˆ ve hkʼe hkʼa deh‸ na yuˬ leh te ve yoˬ.
7
Yawˇ huiˉ maˬ jawˇmawˇ geh kʼai leh tawˇ ca yaw piˇ ve teˇ yanˇ, Moˉseˍ lehˬ a sha‸ 80 hkʼaw‸ gaˬ peuˬ leh, Aˍronˍ lehˬ 83 hkʼaw‸ gaˬ peuˬ ve yoˬ.
8
Oˇ htaˇ, Gʼuiˬsha Moˉseˍ leh Aˍronˍ hta‸ chi hkʼe kʼoˆ piˇ ve yoˬ.
9
Jawˇmawˇ nawˬ huiˉ maˬ hta‸ anˇ tuˬ awˬ heˆ teˇ ceuˬ ceuˬ te maˍ laˇ tuˬ kʼoˆ laˇ ve kʼo, Moˉseˍ nawˬ Aˍronˍ hta‸ yawˇ ve juˇ fuiˍ taˬ jawˇmawˇ mehˆ gʼuˇ suhˍ baˬ peu tuˬ kʼoˆ piˇ-oˆ. Juˇ fuiˍ taˬ oˇ ve vuiˬ hpeh‸ la tuˬ yoˬ, teh‸ Moˉseˍ hta‸ kʼoˆ piˇ ve yoˬ.
10
Hkʼe te leh, yawˇ huiˉ maˬ jawˇmawˇ geh kʼai leh, Gʼuiˬsha kʼoˆ ve hkʼe te ve yoˬ. Aˍronˍ lehˬ, yawˇ ve juˇ fuiˍ taˬ hta‸ jawˇmawˇ leh yawˇ ve a ma‸ lonˉ teˇ hpaˍ mehˆ gʼuˇ suhˍ lo baˬ peu leh, juˇ fuiˍ oˇ ve vuiˬ hpeh‸ la ve yoˬ.
11
Oˇ htaˇ, jawˇmawˇ lehˬ yawˇ ve cuˇ yiˍ cawˬ paˍ teˇ hpaˍ leh faˍ te puiˉ paˍ teˇ hpaˍ hta‸ kuˬ yuˬ leh, yawˇ hui htawˇ oˇ ve hkʼa shuˍ te ve yoˬ.
12
Yawˇ hui teˇ gʼaˇ le le, a shu yawˇ ve juˇ fuiˍ hta‸ baˬ peu leh, juˇ fuiˍ taˬ oˇ ve teˇ hpaˍ vuiˬ hpeh‸ la ve yoˬ. Ya‸ hkʼaˇ, Aˍronˍ ve juˇ fuiˍ taˬ lehˬ yawˇ hui ve juˇ fuiˍ taˬ teˇ hpaˍ hta‸ hehˆ dawˬ sheˬ ve yoˬ.
13
Gʼuiˬsha kʼoˆ taˍ ve hkʼe, jawˇmawˇ lehˬ nyi ma heh jaˇ chehˇ sheˍ leh, yawˇ lehˬ Moˉseˍ leh Aˍronˍ ve tawˇ hta‸ maˇ na yuˬ.
14
Oˇ ve hkʼaw‸ nawˉ, Gʼuiˬsha Moˉseˍ hta‸ kʼoˆ piˇ ve, Jawˇmawˇ lehˬ nyi ma heh jaˇ leh, ngaˬ ve chaw hta‸ maˇ hpehˇ piˇ sheˍ.
15
Chi hta‸ pa taw, mvuhˇ shawˉ teˇ na‸ yawˇ Niˍlaˆ iˉ kaˆ lawˬ lo kʼai ve teˇ yanˇ nawˬ yawˇ geh kʼai-o. Vuiˬ hpeh‸ la jaw ve juˇ fuiˍ taˬ oˇ ve hta‸ htawˇ nawˬ geh yuˬ kʼai-o.
16
Yawˇ hta‸ mawˬ ve teˇ yanˇ chi hkʼe kʼoˆ piˇ-oˆ. Heˍbrehˇ chaw hui ve Gʼuiˬsha lehˬ, yawˇ ve chaw teˇ hpaˍ heh puiˉ hkʼaw lo yawˇ hta‸ oˉ kʼoˍ gʼa ca pui tuˬ, yawˇ hui hta‸ hpehˇ piˇ-oˆ, teh‸ ngaˬ hta‸ ca kʼoˆ piˇ tcuh laˇ ve yoˬ. Ya‸ hkʼaˇ, chi teˇ hkui hkʼa gaˬ nawˬ maˇ te sheˍ.
17
Chi hta‸ pa taw, yawˇ lehˬ hkʼaˬ hkʼe ve Gʼuiˬsha hpeh‸ ve hta‸ nawˬ hkʼa tawˍ lehˆ gʼa shiˍ tuˬ, chi beu‸ ngaˬ ve la‸ sheh hkʼaw cawˬ ve juˇ fuiˍ taˬ hta‸ yuˬ leh iˉ kaˆ lawˬ chi ve hta‸ dawˆ tuˬ yoˬ. Oˇ htaˇ, iˉ kaˆ chi ve awˬ suhˍ hpeh‸ la tuˬ yoˬ.
18
Ngaˇ teˇ hpaˍ suh kʼai leh kuiˇ nuˬ jaˇ ve pa taw, Eˇjiˇtu‸ chaw teˇ hpaˍ iˉ kaˆ chi ve hta‸ kʼaw‸ dawˬ hpeh‸ tuˬ ve maˇ heˆ, teh‸ jawˇmawˇ hta‸ kʼoˆ piˇ ve yoˬ.
19
Oˇ ve hkʼaw‸ nawˉ, Gʼuiˬsha Moˉseˍ hta‸ kʼaw‸ kʼoˆ piˇ ve, Aˍronˍ yawˇ ve juˇ fuiˍ taˬ hta‸ yuˬ leh, Eˇjiˇtu‸ mvuhˇmiˬ hkʼaw cawˬ ve iˉ kaˆ lawˬ teˇ hpaˍ, iˉ kaˆ gʼuiˬ hkʼaˇ teˇ hpaˍ, iˉ kaˆ gʼuiˬ po teˇ hpaˍ awˬ hkʼoˆ lo che peu tuˬ kʼoˆ piˇ-oˆ. Iˉ kaˆ oˇ ve hkʼa peu-eˬ awˬ suhˍ hpeh‸ la tuˬ yoˬ. Je‸ mu‸ hkʼu leh, iˉ mvuhˇ kʼoˍ teˇ hpaˍ awˬ hkʼaw lo htawˇ awˬ suhˍ cawˬ taˍ tuˬ yoˬ, teh‸ Moˉseˍ hta‸ kʼoˆ piˇ ve yoˬ.
20
Moˉseˍ leh Aˍronˍ lehˬ, Gʼuiˬsha kʼoˆ ve hkʼe te ve yoˬ. Jawˇmawˇ leh a ma‸ lonˉ teˇ hpaˍ mehˆ gʼuˇ suhˍ lo, Aˍronˍ lehˬ yawˇ ve juˇ fuiˍ hta‸ chiˇ leh, Niˍlaˆ iˉ kaˆ lawˬ hta‸ dawˆ ve yoˬ. Oˇ htaˇ, iˉ kaˆ oˇ ve hkʼa peu-eˬ awˬ suhˍ hpeh‸ kʼai ve yoˬ.
21
Ngaˇ teˇ hpaˍ suh kʼai leh iˉ kaˆ lawˬ oˇ ve kuiˇ nuˬ jaˇ ve pa taw, Eˇjiˇtu‸ chaw teˇ hpaˍ iˉ kaˆ oˇ ve hta‸ kʼaw‸ dawˬ maˇ hpeh‸ ve yoˬ. Eˇjiˇtu‸ mvuhˇmiˬ hkʼaˬ ti chi ti lo awˬ suhˍ hkʼa biˇ cawˬ la ve yoˬ
22
Ya‸ hkʼaˇ, Eˇjiˇtu‸ mvuhˇmiˬ ve faˍ te paˍ teˇ hpaˍ htawˇ oˇ hkʼe te gʼa ve pa taw, jawˇmawˇ lehˬ Gʼuiˬsha kʼoˆ taˍ ve hkʼe nyi ma heh chehˇ sheˍ leh, Moˉseˍ leh Aˍronˍ ve tawˇ hta‸ maˇ na yuˬ.
23
Yawˇ ve hawˉ yehˬ lo kʼaw‸ kʼo‸-e leh, awˬ lawn oˇ ve hta‸ maˇ dawˇ maˇ gaˇ kʼaw‸ te chehˇ taˍ ve yoˬ.
24
Eˇjiˇtu‸ chaw teˇ hpa lehˬ, iˉ kaˆ lawˬ oˇ ve kʼaw‸ dawˬ maˇ hpeh‸ ve hta‸ gʼa mawˬ ve pa taw, gʼuiˬ pfuhˍ paˇ lo nanˬ bawˍ ehˉ teˇ hpaˍ hpoˆ duˇ chehˇ ve yoˬ.
25
Iˉ kaˆ lawˬ oˇ ve hta‸ Gʼuiˬsha ciˍ yanˍ piˇ peuˬ hkʼaw‸ nawˉ, suhˍ nyi hkʼa gaˬ oˇ hkʼe hpeh‸ chehˇ taˍ ve yoˬ.
← Chapter 6
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 8 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40