Nehemiah 10

Lao Bible 2012 (ພຣະຄຳພີສັກສິ)

← Chapter 9 Jump to: Chapter 11 →

1ຜູ້ທຳອິດທີ່ເຊັນຂໍ້ຕົກລົງນີ້ແມ່ນຜູ້ປົກຄອງເນເຫມີຢາ ລູກຊາຍຂອງຮາກາລີຢາ ແລະຕໍ່ມາ ແມ່ນເຊເດກີຢາ. ບຸກຄົນດັ່ງຕໍ່ໄປນີ້ກໍໄດ້ເຊັນຄືກັນ:

2ປະໂຣຫິດ: ເສຣາອີຢາ, ອາຊາຣີຢາ, ເຢເຣມີຢາ,

3ປັດຊູ, ອາມາຣີຢາ, ມັນກີຢາ,

4ຮັດຕຸຊະ, ເຊບານີຢາ, ມັນລຸກ,

5ຮາຣິມ, ເມເຣໂມດ, ໂອບາດີຢາ,

6ດານີເອນ, ຄີນເນໂທນ, ບາຣຸກ,

7ເມຊຸນລຳ, ອາບີຢາ, ມີຢາມິນ,

8ມາອາຊີຢາ, ບິນກາຍ ແລະເຊມາອີຢາ.

9ຊາວເລວີ: ເຢຊູອາລູກຊາຍຂອງອາຊານີຢາ, ບິນນູອີຄົນໃນຕະກຸນຂອງເຮນາດາດ, ກາດມີເອນ,

10ເຊບານີຢາ, ໂຮດີຢາ, ເກລີຕາ, ເປລາອີຢາ, ຮານານ,

11ມີກາ, ເຣໂຮບ, ຮາຊາບີຢາ,

12ຊັກກູເຣ, ເຊເຣບີຢາ, ເຊບານີຢາ,

13ໂຮດີຢາ, ບານີ ແລະເບນີນູ.

14ຜູ້ນຳປະຊາຊົນ: ປາຣົດ, ປາຮາດໂມອາບ, ເອລາມ, ຊັດຕຸ, ບານີ,

15ບັນນີ, ອາຊະກາດ, ເບບາຍ,

16ອາໂດນີຢາ, ບິກໄຫວ, ອາດິນ,

17ອາເຕ, ເຮເຊກີຢາ, ອັດຊູຣະ,

18ໂຮດີຢາ, ຮາຊຸມ, ເບໄຊ,

19ຮາຣິບ, ອານາທົດ, ເນບາຍ,

20ມາກປີອັດຊະ, ເມຊຸນລຳ, ເຮຊີຣະ,

21ເມເຊຊາເບນ, ຊາດົກ, ຢັດດູອາ,

22ເປລາຕີຢາ, ຮານານ, ອານາອີຢາ,

23ໂຮເຊຢາ, ຮານານີຢາ, ຮັດຊຸບ,

24ຮັນໂລເຮັດ, ປິນຮາ, ໂຊເບັກ,

25ເຣຮຸມ, ຮາຊັບນາ, ມາອາເສອີຢາ,

26ອາຮີຢາ, ຮານານ, ອານານ,

27ມັນລຸກ, ຮາຣິມ ແລະບາອານາ.

28“ພວກຂ້ານ້ອຍ ປະຊາຊົນອິດສະຣາເອນ ຄືພວກປະໂຣຫິດຊາວເລວີ ແລະພວກເຝົ້າຍາມ, ບັນດານັກຮ້ອງ, ຜູ້ຮັບໃຊ້ປະຈຳພຣະວິຫານ ແລະທຸກຄົນທີ່ເຊື່ອຟັງກົດບັນຍັດຂອງພຣະເຈົ້າ ໄດ້ແຍກຕົນເອງອອກຈາກຊາວຕ່າງຊາດທີ່ອາໄສຢູ່ໃນດິນແດນຂອງພວກຂ້ານ້ອຍ. ພວກຂ້ານ້ອຍພ້ອມດ້ວຍລູກເມຍຂອງພວກຂ້ານ້ອຍທຸກຄົນເຕີບໃຫຍ່ພໍທີ່ຈະເຂົ້າໃຈໄດ້

29ຂໍຮ່ວມກັບບັນດາຜູ້ນຳຂອງພວກຂ້ານ້ອຍໃນທີ່ນີ້ ພາຍໃຕ້ຄຳສາບແຊ່ງອັນມີໂທດຮ້າຍແຮງ ຖ້າພວກຂ້ານ້ອຍຝ່າຝືນຂໍ້ຕົກລົງນີ້ ຂໍສາບານວ່າພວກຂ້ານ້ອຍຈະດຳເນີນຊີວິດຕາມກົດບັນຍັດ ຊຶ່ງພຣະເຈົ້າໄດ້ມອບໃຫ້ຜ່ານທາງໂມເຊ ຜູ້ຮັບໃຊ້ຂອງພຣະເຈົ້າ; ວ່າພວກຂ້ານ້ອຍຈະກະທຳຕາມສິ່ງທັງໝົດທີ່ອົງພຣະຜູ້ເປັນເຈົ້າ ພຣະເຈົ້າຂອງພວກຂ້ານ້ອຍໄດ້ສັ່ງ; ແລະວ່າພວກຂ້ານ້ອຍຈະຢຶດຖືກົດບັນຍັດ ແລະຂໍ້ກຳນົດຕ່າງໆຂອງພຣະອົງ.

30ພວກຂ້ານ້ອຍຈະບໍ່ແຕ່ງງານກັບຊາວຕ່າງຊາດທີ່ອາໄສຢູ່ໃນດິນແດນຂອງພວກຂ້ານ້ອຍນີ້.

31ຖ້າຄົນຕ່າງຊາດນຳເຂົ້າ ຫລືສິ່ງຂອງໃດໆ ມາຂາຍໃຫ້ພວກຂ້ານ້ອຍໃນວັນຊະບາໂຕ ຫລືໃນວັນສັກສິດອື່ນໆ ພວກຂ້ານ້ອຍກໍຈະບໍ່ຊື້ນຳພວກເຂົາ. ທຸກໆເຈັດປີໃດພວກຂ້ານ້ອຍຈະບໍ່ເຮັດໄຮ່ໄຖນາ ແລະຈະຍົກໜີ້ທັງໝົດໃຫ້ແກ່ຜູ້ທີ່ກູ້ຢືມ.

32ທຸກໆປີໃດ ພວກຂ້ານ້ອຍຈະບໍລິຈາກເງິນຈຳນວນຫ້າກຼາມ ສຳລັບການຮັບໃຊ້ໃນວິຫານຂອງພຣະເຈົ້າຂອງພວກຂ້ານ້ອຍ.

33ພວກຂ້ານ້ອຍຈະຈັດຫາໄວ້ສຳລັບການນະມັດສະການໃນພຣະວິຫານ ດັ່ງນີ້: ເຂົ້າຈີ່ສັກສິດ, ພືດຜົນເປັນເມັດທີ່ຖວາຍປະຈຳວັນ, ສັດຫລາຍໂຕທີ່ຕ້ອງເຜົາບູຊາແຕ່ລະວັນ, ເຄື່ອງຖວາຍບູຊາສັກສິດສຳລັບວັນຊະບາໂຕ, ສຳລັບວັນເດືອນຂຶ້ນໃໝ່ ແລະສຳລັບວັນອື່ນໆ, ເຄື່ອງຖວາຍບູຊາສັກສິດອື່ນໆ, ເຄື່ອງຖວາຍບູຊາເພື່ອລຶບລ້າງບາບຂອງຊາດອິດສະຣາເອນ ແລະສິ່ງອື່ນໆອີກ ທີ່ຈຳເປັນສຳລັບພຣະວິຫານ.

34ພວກຂ້ານ້ອຍ, ປະຊາຊົນ, ບັນດາປະໂຣຫິດ ແລະຊາວເລວີ ຈະໃຊ້ສະຫລາກແຕ່ລະປີ ເພື່ອຕັດສິນຊີ້ຂາດຢ່າງຄັກແນ່ວ່າ ຕະກຸນໃດຈະເປັນຜູ້ຈັດຫາຟືນມາທີ່ວິຫານຂອງພຣະເຈົ້າຂອງພວກຂ້ານ້ອຍ ເພື່ອເຜົາບູຊາຖວາຍແກ່ພຣະເຈົ້າຢາເວ ພຣະເຈົ້າຂອງພວກຂ້ານ້ອຍ ຕາມທີ່ກົດບັນຍັດຂອງພຣະອົງໄດ້ຂຽນໄວ້.

35ແຕ່ລະປີໃດ ພວກຂ້ານ້ອຍຈະນຳພືດຜົນເປັນເມັດທີ່ໄດ້ເກັບກ່ຽວເທື່ອທຳອິດ ແລະໝາກໄມ້ທີ່ສຸກເທື່ອທຳອິດຈາກຕົ້ນມາທີ່ວິຫານຂອງພຣະເຈົ້າຢາເວ.

36ລູກຊາຍກົກແຕ່ລະຄົນຂອງພວກຂ້ານ້ອຍ ຈະຕ້ອງຖືກນຳໄປຫາປະໂຣຫິດທີ່ວິຫານຂອງພຣະເຈົ້າຂອງພວກຂ້ານ້ອຍ ແລະຖວາຍລາວແກ່ພຣະເຈົ້າຢູ່ໃນທີ່ນັ້ນ ຕາມທີ່ກົດບັນຍັດໄດ້ຂຽນໄວ້. ພວກຂ້ານ້ອຍຍັງຈະຖວາຍລູກກົກຂອງງົວເຖິກ, ຂອງງົວແມ່ແຕ່ລະໂຕ ແລະລູກກົກຂອງແກະເຖິກ ຫລືລູກແກະ ຫລືລູກແບ້ແຕ່ລະໂຕດ້ວຍ.

37ທຸກໆປີໃດ ພວກຂ້ານ້ອຍຈະນຳເຂົ້າໜົມທີ່ບໍ່ໄດ້ຈີ່ ຊຶ່ງເຮັດຈາກພືດຜົນເປັນເມັດທີ່ເກັບກ່ຽວແຕ່ຕົ້ນປີພ້ອມທັງເຫຼົ້າອະງຸ່ນ, ນໍ້າມັນໝາກກອກເທດ ແລະໝາກໄມ້ຊະນິດຕ່າງໆມາໃຫ້ປະໂຣຫິດຖວາຍໃນວິຫານຂອງພຣະເຈົ້າ. ພວກຂ້ານ້ອຍຈະນຳໜຶ່ງສ່ວນສິບຂອງພືດຜົນຈາກໄຮ່ນາ ແລະໜຶ່ງສ່ວນສິບຂອງພືດຜົນຈາກດິນແດນຂອງພວກຂ້ານ້ອຍມາໃຫ້ຊາວເລວີ.

38ພວກປະໂຣຫິດທີ່ສືບເຊື້ອສາຍມາຈາກອາໂຣນຈະໄປກັບຊາວເລວີ ເມື່ອເກັບເອົາໜຶ່ງສ່ວນສິບນັ້ນ; ແລະເພື່ອຮັບໃຊ້ໃນວິຫານຂອງພຣະເຈົ້າຂອງພວກຂ້ານ້ອຍ ໃຫ້ຊາວເລວີຖວາຍໜຶ່ງສ່ວນສິບຈາກສິ່ງຂອງຂອງພວກຕົນ ຊຶ່ງໄດ້ມາຈາກໜຶ່ງສ່ວນສິບທັງໝົດນີ້ ໃຫ້ແກ່ຄັງຂອງວິຫານຂອງພຣະເຈົ້າຂອງພວກຂ້ານ້ອຍເໝືອນກັນ.

39ປະຊາຊົນຊາວອິດສະຣາເອນ ແລະຊາວເລວີຈະຕ້ອງບໍລິຈາກພືດຜົນເປັນເມັດ, ເຫຼົ້າອະງຸ່ນ ແລະນໍ້າມັນໝາກກອກເທດ ໄວ້ໃນຄັງບ່ອນມ້ຽນເຄື່ອງໃຊ້ປະຈຳພຣະວິຫານ ໃນບ່ອນທີ່ບັນດາປະໂຣຫິດປະຈຳການ, ໃນບ່ອນພວກຄົນເຝົ້າຍາມ ແລະໃນບ່ອນທີ່ສະມາຊິກກຸ່ມນັກຮ້ອງອາໄສຢູ່. ພວກຂ້ານ້ອຍຈະບໍ່ລະເລີຍຕໍ່ວິຫານຂອງພຣະເຈົ້າຂອງພວກຂ້ານ້ອຍ.”

← Chapter 9 Jump to: Chapter 11 →