bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Mossi
/
Mossi MPBU (WẼNNAAM SEBRE 2014)
/
Deuteronomy 9
Deuteronomy 9
Mossi MPBU (WẼNNAAM SEBRE 2014)
← Chapter 8
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 10 →
1
Israyɛll nebã, kelg-y-yã! Dũndã, yãmb na n dʋʋga Zʋrdẽ kʋɩlgã n tɩ deeg soolem sẽn yɩɩd yãmb tɩ b pãng yɩɩd yãmb n deeg b tẽngã n sooge. Yaa tẽn-kãsems sẽn tar lal-bɛd sẽn zẽk n tat saasẽ.
2
Bãmb buudã yaa bu-kãsenga, n yaa nin-wobdo. Yaa Anak nebã yãmb sẽn mi wã, la y sẽn wʋm tɩ b gomd b yell n yetẽ: «Ãnda n tõe n yals Anak yagensã taoore?»
3
Dẽ wã, bãng-y rũndã tɩ Sẽn-Ka-Saab sẽn yaa yãmb Wẽnnaamã meng lʋɩta yãmb taoor wa bugum sẽn dɩta, la yaa bãmb meng n na n sãam-ba. Yaa bãmb n na n kɩt tɩ b paam yãnd yãmb taoore. La yãmb na n diga bãmb n menes-b tao-tao wa Sẽn-Ka-Saab sẽn yeel yãmbã.
4
Sẽn-Ka-Saab sã n wa rig bãmb n zãag ne yãmba, ra-y yeel-y tɩ: «Yaa tõnd tɩrlem yĩng la Sẽn-Ka-Saab kɩt tɩ tõnd na n soog tẽngã.» Bala, yaa bu-kãens sẽn yaa wẽnsã yĩng la Sẽn-Ka-Saab rigd bãmb n yiisd yãmb taoore.
5
Ka yãmb tɩrlmã ne y pʋ-peelmã yĩng n kɩt tɩ y na n deeg b tẽngã n soog ye. Yaa bu-kãens sẽn yaa wẽnsã yĩng la Sẽn-Ka-Saab sẽn yaa yãmb Wẽnnaamã rig bãmb n yiis yãmb taoore, sẽn na n yɩlẽ n pids wẽeneg ning bãmb sẽn dag n wẽen ne y yaab-rãmb a Abrahaam ne a Izaak la a Zakoobã.
6
Bãng-y tɩ ka yãmb tɩrlem yĩng n kɩt tɩ Sẽn-Ka-Saab kõ yãmb tẽn-sõngã tɩ y soog ye. Bala, yãmb yaa buud sẽn yaa tõatba.
7
Tẽeg-y-yã, ra-y yĩm-y yãmb sẽn dag n maan bũmb ning n yik Sẽn-Ka-Saab sũur we-raoogã pʋgẽ wã yell ye. Sẽn sɩng ne daar ning yãmb sẽn yi Ezɩpt hal n wa ta zĩ-kãngã wã, yãmb kɩɩsa Sẽn-Ka-Saabo.
8
Horɛɛb tãngã zugu, yãmb yika Sẽn-Ka-Saab sũur hal tɩ b rag n dat n sãam yãmba.
9
Mam dag n dʋʋ tãngã n na n tɩ reeg Sẽn-Ka-Saab sẽn maan kaool nins ne yãmbã kug-walse. Mam paa tãngã zug n kaoos rasem pis-naase, wĩntoog ne yʋngo, n ka rɩ rɩɩbo, la m ka yũ koom ye.
10
La Sẽn-Ka-Saab kõo maam kug-wals a yiibã b sẽn gʋls ne b mengã nug-bilã, wa sẽn zems goam nins bãmb sẽn dag n gom ne yãmb tãngã zug bugmã pʋgẽ wã, wakat ning Israyɛll nebã sẽn dag n tigmã.
11
Yaa rasem pis-naasã ne yʋnd pis-naasã sẽn wa n ta, la Sẽn-Ka-Saab yaool n kõ maam kug-wals a yiibã sẽn tar bãmb kaoolã.
12
Sẽn-Ka-Saab yeela maam yaa: «Yik n yi tãngã zug n sig tao-tao, tɩ fo nebã fo sẽn yiis Ezɩpt tẽngã maana wẽnga. Bãmb bʋdga tao-tao n bas sor ning mam sẽn wilg bãmb tɩ b tũ wã. Bãmb yẽnega kut n maan bõn-naandg b mensã yĩnga.»
13
Sẽn-Ka-Saab leb n goma ne maam n yeele: «Mam yãnda nin-bãmbã. Yaa buud sẽn yaa tõata.
14
Bas tɩ m sãam-ba, n yẽes b yʋʋrã tẽng zugu, la m kɩt tɩ fo lebg bu-kãseng sẽn tar pãng n yɩɩd bãmba, tɩ b sõorã me yɩɩd-ba.
15
Dẽ, mam yii tãngã zug n lebg n sigi, tɩ kaoolã kug-wals a yiibã be mam nusẽ. Tãngã zãng rag n wita bugum.
16
La gese, mam yãndame, tɩ yãmb maana yel-wẽnd n beeg Sẽn-Ka-Saab sẽn yaa yãmb Wẽnnaamã, n maan sãnem nag-bil y mensã yĩnga. Yãmb bʋdga tao-tao n bas sor ning Sẽn-Ka-Saab sẽn wilg yãmb tɩ y tũ wã.
17
Mam dɩka kug-wals a yiibã ne m nus a yiib n lobe, la mam wãa bãmb yãmb nifẽ.
18
Mam wõgemda Sẽn-Ka-Saab taoor dasem pis-naase, wĩntoog ne yʋng wa m sẽn dag n maan pĩndã. Mam ka rɩ la m ka yũ, yel-wẽn nins fãa yãmb sẽn maanã yĩnga. Bala, yãmb kɩɩsa Sẽn-Ka-Saab n maan sẽn ka noom bãmba.
19
La rabeem dag n tara maam, Sẽn-Ka-Saab sũ-kãbrã, ne b sũurã sẽn yik ne yãmb wʋsg hal tɩ b rat n sãam yãmbã yĩnga. La Sẽn-Ka-Saab leb n kelga maam wakat-kãng me.
20
Sẽn-Ka-Saab sũurã yika wʋsg ne a Aarõ hal tɩ b rag n dat n sãam-a, la mam yõka sɛɛg wakat-kãng me a Aarõ yĩnga.
21
Mam dɩka nag-bil ning yãmb sẽn dag n maan n wa ne kongrã, n yõog bugum, n wese, la m neem-a t'a lebg zom, la m yaool n dɩk-a zomã n lob ko-soog ning sẽn yit tãngã zug n sigdã pʋga.
22
Yãmb leb n kɩtame tɩ Sẽn-Ka-Saab sũur yik ne yãmb Tabeera ne Masa la Kibrot-Taava me.
23
Sẽn-Ka-Saab sẽn wa n kɩt tɩ yãmb yi Kadɛɛs-Barneya wã, bãmb yeela yãmb yaa: «Yik-y n kẽng-y tẽng ning mam sẽn kõ yãmbã n tɩ zab n deeg-a n sooge.» La yãmb kɩɩsa Sẽn-Ka-Saab sẽn yaa yãmb Wẽnnaamã noore, yãmb ka tẽ bãmba, la y ka sak bãmb koɛɛgã ye.
24
Mam sẽn mi yãmbã tɛka, yãmb tõdgda Sẽn-Ka-Saabo.
25
Dẽ, mam wõgemda Sẽn-Ka-Saab taoor dasem pis-naase, la yʋnd pis-naase, Sẽn-Ka-Saab sẽn dag n yeel tɩ b na n sãama yãmbã yĩnga.
26
Mam yõka Sẽn-Ka-Saab sɛɛg n yeele: «Wẽnnaam Sẽn-Ka-Saabo, da-y sãam-y y nebã sẽn yaa yãmb soolmã y sẽn fãag y kãosengã pʋgẽ, n yiis-b Ezɩpt tẽngã ne pãngã ye.
27
Tẽeg-y yãmb tʋmtʋmdb a Abrahaam ne a Izaak la a Zakoob yelle. Da-y ges-y nin-kãensã tõdgrã ne b yel-wẽnã la b kongrã ye.
28
Sẽn na yɩlẽ tɩ neb nins sẽn be tẽng ning yãmb sẽn dag n yiis tõndã ra wa yeele: «Yaa Sẽn-Ka-Saab sẽn ka tõe n tall bãmb n taas tẽng ning b sẽn kãab bãmbã pʋgã yĩnga, la yaa b sẽn ka nong bãmbã yĩnga, la b yiis bãmb n tɩ kʋ we-raoogã pʋgẽ.»
29
Bãmb yaa yãmb mengã nebã, n yaa yãmb soolem y sẽn yiis Ezɩpt tẽng ne y pãn-kãsenga, la ne yãmb nugã sẽn tẽegã pãnga.
← Chapter 8
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 10 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
Recommended Reading
Commentary
Deuteronomy Commentaries
→
Devotional
Deuteronomy Devotional Guide
→
Get This Bible
Mossi MPBU (WẼNNAAM SEBRE ) Study Bible
→