bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Mossi
/
Mossi MPBU (WẼNNAAM SEBRE 2014)
/
Exodus 29
Exodus 29
Mossi MPBU (WẼNNAAM SEBRE 2014)
← Chapter 28
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 30 →
1
Ad fo sẽn na n maan bũmb ning n welg a Aarõ ne a kom-dibli wã toore, tɩ b maan maan-kʋʋr tʋʋmdã mam yĩnga: Bao loalg ne pe-raad a yiib sẽn ka tar zanga,
2
ne bur sẽn ka rã-bɩlle, la bur-maas sẽn ka rã-bɩll sẽn kalem ne kaam, la bur-maas sẽn ka tar dã-bɩll b sẽn ning kaam a zugu. Maan bãmb ne bõn-koaadl zom.
3
Rɩk bãmb n sagl peoog a yembr pʋgẽ n tall n wa. La f tall loalgã ne pe-raad a yiibã n wa.
4
La f tall a Aarõ ne a kom-dibli wã n wa sɛk zĩigã noore, n so bãmb koom.
5
La f rɩk futã n yeelg a Aarõ. Yeelg yẽnda maan-kʋʋr fuugã fu-bilã, la maan-kʋʋr fuugã, ne yãoog lutgã, n dɩk maan-kʋʋr fuugã sẽbdg n sẽbg n naag ne a mengã.
6
La f vil a zugã ne zu-vindgã, la f fõgn-a pugl sẽn welg toorã n bʋʋg zu-vindgã.
7
La f rɩk welgrã kaam n pʋdg a zugu. Yaa woto la fo na n ning yẽnda zug kaam n welg-a toore.
8
Yãmb sã n maan woto n sɛ, bɩ f tall a kom-dibli wã n wa n yeelg bãmb b fu-yerdã.
9
La f sẽbg a Aarõ ne a kom-dibli wã sẽbdse, n fõgen bãmb pugli. La maan-kʋʋrã tʋʋmd na n yɩɩ bãmb dẽnda, n yaa no-tũudg sẽn ka sɛta. Yaa woto la fo na n ning tʋʋmdã a Aarõ ne a kom-dibli wã zutu.
10
Bɩ f tall lol-pollã n wa sɛk roogã noore, la bɩ a Aarõ ne a kom-dibli wã palg bãmb nus lol-pollã zugu.
11
La bɩ fo kʋ lol-pollã Sẽn-Ka-Saab taoor sɛk roogã noore.
12
La f tẽk f nug-bil lol-pollã zɩɩm pʋgẽ n mes tẽn-kugrã. La f raag zɩɩm ning sẽn kellã fãa tẽn-kugrã sɛɛgẽ.
13
Rɩk a yãadã kaam la a sãoorã kaam ne a yiim a yiibã fãa ne b kaamã n yõog bugum tẽn-kugrã zugu.
14
La f yiis lol-pollã nemdã ne a gãongã la a bĩndã sik zĩigã pʋgẽ n yõog bugum yɩnga. A yaa yel-wẽnã maoongo.
15
Dẽ, bɩ f tall pe-raadã sʋk pe-raoog a yembr n wa, la bɩ a Aarõ ne a kom-dibli wã palg bãmb nus pe-raoogã zugu.
16
La bɩ f kʋ pe-raoogã n dɩk a zɩɩmã n daag n gilg tẽn-kugrã fãa.
17
La f bees pe-raoogã n pek a pʋ-teedã ne a naoã n ning bãmb ne a nemsã ne a zugã tẽn-kugrã zug
18
n yõog pe-raoogã b sẽn beesã fãa ne bugum tẽn-kugrã zugu. Yaa maoong sẽn yõogd bugum Sẽn-Ka-Saab yĩnga, n tar yũ-noogo. Yaa kũun b sẽn yõogd bugum zãng Sẽn-Ka-Saab yĩnga.
19
Rɩk pe-raoog a yiibẽ soabã t'a Aarõ ne a kom-dibli wã palg b nus pe-rao-kãng zugã.
20
La bɩ f kʋ pe-raoogã n yãk a zɩɩmã n tẽk a Aarõ rɩtg tʋbrã, ne yẽnda kom-dibli wã rɩtg tʋbã, la bãmb dɩtg nug-raadã ne b rɩtg nao-raadã, la bɩ f rɩk zɩɩmã sẽn ketã n daag n gilg tẽn-kugrã kɩremsã fãa.
21
Yãk zɩɩm ning sẽn be tẽn-kugrã zugã ne tikr kaamã n mes a Aarõ ne a futã, la yẽnda kom-dibli wã me ne b futã. Yaa woto la f na n welg yẽnda toor ne a futã, la yẽnda kom-dibli wã me ne b futã b tʋʋmdã yĩnga.
22
Rɩk pe-raoogã kaamã ne a zʋʋrã la a yãadã kaam ne a sãoorã kaam la a yiim a yiibã fãa ne b kaamã la a rɩtg gerã, bala, a yaa maan-kʋʋr tʋʋmd sɩngr pe-raoogo.
23
La f yãk bur-gilg a yembre, ne bur-maasr a yembr sẽn maan ne kaam, la bur-maasr sẽn yaa faasga, sẽn lagem ne bur sẽn ka rã-bɩllã sẽn be leprã pʋgẽ Sẽn-Ka-Saab taoorã.
24
Rɩk bõn-kãens fãa n kɩs a Aarõ ne a kom-dibli wã, la f yuum bãmb Sẽn-Ka-Saab taoore.
25
Dẽ, bɩ f reeg bõn-kãens b nusẽ wã, n yõog bugum tẽn-kugrã zugu. Yaa maoong sẽn yõogd bugum Sẽn-Ka-Saab yĩnga, n tar yũ-noogo. Yaa kũun b sẽn yõogd bugum zãng Sẽn-Ka-Saab yĩnga.
26
Rɩk pe-raoog ning sẽn yaa maoong sẽn wilgd tɩ b ninga maan-kʋʋr tʋʋmd a Aarõ zugã yãoog n yuum Sẽn-Ka-Saab taoore. La yẽnda na n yɩɩ fo pʋɩɩre.
27
Bɩ f welg pe-raoogã yãoog ne a gerã b sẽn zẽk n yuumã toore. Yaa pe-raoog ning b sẽn kʋ wakat ning b sẽn ning maan-kʋʋr tʋʋmdã a Aarõ ne a kom-dibli wã zutã.
28
Yãoogã ne gerã na n yɩɩ a Aarõ ne a kom-dibli wã pʋɩɩre, la a na n yɩɩ no-tũudr wakat sẽn ka sɛta yĩnga. B tog n yãka bãmb Israyɛll nebã sẽn so wã pʋgẽ. Bõn-kãng yaa pʋɩɩr b sẽn yãkde. Rẽndã na n yɩɩ pʋɩɩr b sẽn yãkd Israyɛll nebã sẽn so wã pʋgẽ. Yaa bãmb zems-n-taar maandã zug la b tog n yãk-a. Yaa kũun bãmb sẽn yãkd n kõt Sẽn-Ka-Saabo.
29
A Aarõ maan-kʋʋr tʋʋmdã fut sẽn welg toorã na n yɩɩ yẽnda kom-dibli wã sẽn na n led yẽnda wã rẽnda. Bãmb na n yeelga fu-bãmb wakat ning b sẽn na n tik bãmb ne kaam n ning maan-kʋʋr tʋʋmd bãmb zutã.
30
A Aarõ bi-ribl ning sẽn na n led-a yẽnda zĩigẽ wã na n yeelga fu-kãens rasem a yopoe, n yaool n kẽ sɛk roogã pʋgẽ n maan sɛk roogã tʋʋmde.
31
Rɩk pe-raoog ning b sẽn maan maoong wakat ning b sẽn ning maan-kʋʋr tʋʋmd bãmb zutã n dʋg a zĩig sẽn welg toor pʋgẽ.
32
La bɩ a Aarõ ne a kom-dibli wã wãb pe-raoogã nemdo, ne bur ning sẽn be leprã pʋgẽ wã sɛk roogã noore.
33
Bãmb tog n dɩɩ b sẽn dɩk bũmb ning n maan paoosg tʋʋmd bãmb yĩnga, n ning maan-kʋʋr tʋʋmd bãmb zut n welg bãmb toorã. Yaa bãmb bal n na n dɩ bõn-kãense. Ned sẽn ka maan-kʋʋd ka tog n dɩ-a ye, bala, bõn-kãens yaa bũmb sẽn welg toore.
34
La maoong ning sẽn wilgd tɩ b ninga maan-kʋʋr tʋʋmd bãmb zutã nemdã ne burã sã n kell n vẽeg beoogo, bɩ b yõog-a bugum. Bɩ y ra rɩ-a ye. Bala, yaa bũmb sẽn welg toore.
35
Maan a Aarõ ne a kom-dibli wã wa sẽn zems bũmb nins mam sẽn wilg foomã. Yaa rasem a yopoe tõr la fo na n dɩk maan-kʋʋr tʋʋmdã n ning bãmb zutu.
36
Daar fãa, bɩ f kʋ lol-polle, tɩ yɩ kongr maoongo. Bõn-kãng yaa paoosg yĩnga. Fo sã n maan paoosg maoong tẽn-kugrã zugu, fo na n yiisa tẽn-kugrã yel-wẽndã. Bɩ f ning kaam tẽn-kugrã zug a welgr yĩnga.
37
Rasem a yopoe fãa bɩ f maan paoosg maoong tẽn-kugrã zug n welg yẽnda a tʋʋmdã yĩnga. La a na n paama welgr hakɩɩka. Bũmb ning fãa sẽn na n sɩɩs tẽn-kugrã me na n lebga bũmb sẽn welg toore.
38
Ad maoong ning fo sẽn na n maan tẽn-kugrã zug wakat fãa: Daar fãa, yaa pe-bi a yiibu sẽn tar yʋʋmde.
39
Kʋ pe-bil a yembre, n maan maoong yibeoogo, la f kʋ pe-bil a yiib soabã n maan maoong zaabre.
40
La ne dẽenem pe-bil a yembrã, bɩ f paas zom-bãaneg wũmbl a tãab la pʋɩ-sʋka, la bɛka sẽn kalem ne oliiv kaam yãmb sẽn wõde, litr a ye la pʋɩ-sʋk la bɛka, la reezẽ rãam litr la pʋɩ-sʋk la bɛka, tɩ yɩ bõn-yũudl kũun maoongo.
41
La zaabre, bɩ f kʋ pe-bil a yiibẽ soabã. La f kõ bõn-koaadl kũun ne bõn-yũudl kũuni wa sẽn maand yibeoogã, t'a lebg yũug sẽn yaa sõama. Yaa maoong sẽn dɩt bugum Sẽn-Ka-Saab waoogr yĩnga.
42
A na n yɩɩ maoong sẽn yõogd bugum sɛk zĩigã noore, Sẽn-Ka-Saab taoor yãmb yagensã yĩng zamaan fãa, zĩig ning mam sẽn na n seg foom n gom ne foomã.
43
La yaa be la mam na n segd Israyɛll nebã, la a na n welga toor mam yʋʋrã sẽn be beenẽ wã yĩnga.
44
Mam na n welga sɛk zĩigã fu-roogã ne tẽn-kugrã toore. Mam na n welga a Aarõ ne a kom-dibli wã toor mam maan-kʋʋr tʋʋmdã yĩnga.
45
Mam na n paa Israyɛll nebã sʋka, la m na n yɩɩ bãmb Wẽnnaam.
46
Bãmb na n bãngame tɩ mam yaa Sẽn-Ka-Saab sẽn yaa bãmb Wẽnnaam sẽn yiis bãmb Ezɩpt n na n zĩnd ne bãmba. Mam yaa Sẽn-Ka-Saab sẽn yaa bãmb Wẽnnaam.
← Chapter 28
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 30 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40