bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Mossi
/
Mossi MPBU (WẼNNAAM SEBRE 2014)
/
Exodus 39
Exodus 39
Mossi MPBU (WẼNNAAM SEBRE 2014)
← Chapter 38
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 40 →
1
B wʋga fut nins maan-kʋʋdbã sẽn na n yeelg n maan sɛk roogã tʋʋmdã ne gĩs sẽn yaa kẽeg haoo, la gĩs-moaam ne gĩs-miidu la lamd gĩs-bãanega. B maana a Aarõ fu-sõama wã wa Sẽn-Ka-Saab sẽn dag n yeel a Moyiisã.
2
B maana maan-kʋʋr kãsem fuugã ne sãnem gĩsi, la gĩs sẽn yaa kẽeg haoo ne gĩs-moaama, la gĩs-miid ne lamd gĩs-bãanega.
3
B kuda sãnem tɩ lebg faasga, n bẽes tɩ lebg wa gĩsi. La b kalma sãnemã ne gĩs sẽn yaa kẽeg haoo la gĩs-moaam ne gĩs-miid la lamd gĩs-bãanega, n wʋge, n kãd t'a yaa wa tʋʋm-mit sẽn tʋme.
4
B maana bãg-tabds a yiib n tong maan-kʋʋd kãsem fuugã poorẽ la a taoore.
5
B rag n naaga sẽbdg ning sẽn tar n sẽbgdẽ wã ne maan-kʋʋd kãsem fuugã n sẽ, la a tara sãnem gĩsi, la gĩs sẽn yaa kẽeg haoo ne gĩs-moaama, ne gĩs-miid ne lamd gĩs-bãaneg wa Sẽn-Ka-Saab sẽn dag n yeel a Moyiisã.
6
B maana onigs kug n ning sãnem gãtsã pʋse. La Israyɛll kambã yʋy gʋlsa kugã zut wa tʋʋm-mit sẽn dɩk kɩtga, n bẽes kug n maan bãnde.
7
La b ninga kugã maan-kʋʋd kãsem fuugã bãg-tabdẽ wã. Yaa kug sẽn na n tẽegd Israyɛll nebã yell wa Sẽn-Ka-Saab sẽn dag n yeel a Moyiisã.
8
B maana yãoog lutg n bok ne sãnem gĩs sẽn yaa kẽeg haoo, la gĩs-moaam ne gĩs-miidu, la lamd gĩs-bãaneg t'a yaa wa tʋʋm-mitbã tʋʋma wa maan-kʋʋr kãsem fuugã.
9
B maana yãoog lutgã ne pɛɛl a yiib sẽn pʋgl taaba, tɩ yɩ maoko. A woglmã zemsa nug-yakemd a yembre, la a yalmã me zemsa nug-yakemd a yembre.
10
B rɩka kug nins b sẽn ning gãtsã pʋsã n ning yãoog lutga zug ruls a naase. Dẽenem rulgã tara sardoan ne topaaze, la emerood kuga.
11
Rulg a yiib soabã maana ne ɛskarbukl la safɩɩr ne diyama kuga.
12
Rulg a tãab soaba tara opall ne agat la ametist kuga.
13
La rulg a naas soaba tara kirzolite ne onigs la zaspe kuga. B ninga kugã sãnem gãtsã pʋsẽ.
14
Kugã yʋy ne b sõor zemsa ne Israyɛll kom-dibli piig la a yiibã yʋyã. B gʋlsa bãmb zut ne kɩtg tɩ b yɩ wa bãnde. Kugr fãa tara a yembre.
15
B kala wĩir ne sãnem yãoog lutga yĩnga.
16
Bãmb maana sãnem gãts a yiibu, la sãnem nugbĩns a yiib sẽn yaa gilsi, la b ning sãnem nugbĩn-gils a yiibã yãoog lutgã kɩremsã gõdgr zĩis a yiibẽ wã.
17
B tonga sãnem wĩy a yiibã ne nugbĩns nins sẽn be yãoog lutgã kɩremsã gõdgr zĩisẽ wã.
18
La bãmb tonga sãnem wĩy a yiibã noy ne gãts a yiibã n ning maan-kʋʋd kãsem fuugã bãgd taoore.
19
La b maana sãnem nugbĩns a yiib n ning yãoog lutgã kɩrems a naasã gõdgr zĩisẽ, la b ning nugbĩnsã pʋgẽ.
20
La b maana sãnem nugbĩns a yiib n ning maan-kʋʋd kãsem fuugã bãgd tẽngre zĩig ning sẽbdgã sẽn tong ne fuugã.
21
B baoo wĩ-kẽeg n loe yãoog lutgã nugbĩnsã ne maan-kʋʋr fuugã nugbĩnsã, tɩ yãoog lutgã tõog n tabl maan-kʋʋr fuugã n da lak ye, wa Sẽn-Ka-Saab sẽn dag n yeel a Moyiisã.
22
Yẽnda wʋga maan-kʋʋr fuugã fu-wokã fãa ne gĩs-kẽega.
23
B kɩbga fuugã loor peendã tẽn-sʋka, n bal-a ne peend sẽn yaa taok t'a yɩ wa zabr fuug loore, t'a ra wa kẽeg ye.
24
B maana gernaad-dãmb ne gĩs sẽn yaa kẽeg haoo la gĩs-moaam ne gĩs-miidu la lamd gĩs-bãaneg n ning fuugã noore.
25
B maana bugla me ne sãnem halaal n ning gernaad-dãmbã sʋk n gilg fuugã noore.
26
Bugla ne gernaadã lɩʋʋsa taab n gilg fu-yor-bila noore. Fu-kãng yaa maan-kʋʋdbã kãsem tʋʋmd yĩng wa Sẽn-Ka-Saab sẽn yeel a Moyiisã.
27
B maana fu-yord me sẽn wʋg ne lamd gĩs-bãaneg a Aarõ ne a kom-dibli wã yĩnga.
28
La b maana zug peend ne lamd gĩs-bãanega, la pugli sẽn yaa sõama ne lamd gĩs-bãanega, la b maana põg-rãmb me ne lamd gĩs-bãanegã.
29
La b maana sẽbds n kãd-b ne gĩs sẽn yaa kẽeg haoo la gĩs-moaam ne gĩs-miid sẽn tar tʋʋm-mitbã nug tʋʋmd wa Sẽn-Ka-Saab sẽn dag n yeel a Moyiis t'a maanã.
30
B maana rĩ-tɛɛgã sẽn yaa sõama sẽn wilgd yẽnda welgrã ne sãnem, la b gʋlsa a zug ne kɩtg tɩ yɩ wa bãnde. A gʋlsmã yaa: Welga toor Sẽn-Ka-Saab yĩnga.
31
La b loee yẽnda ne loɛtg sẽn yaa kẽeg haoo t'a zĩnd zug peendã zugu, a wa Sẽn-Ka-Saab sẽn dag n yeel a Moyiisã.
32
Yaa woto la b maan fu-roogã sẽn yaa sɛk roogã tʋʋmã n sɛ. Israyɛll nebã maana bũmb fãa tɩ zems wa Sẽn-Ka-Saab sẽn dag n yeel a Moyiisã. Bãmb maana woto bala.
33
Nebã talla sɛk zĩiga teed fãa n wa a Moyiis nengẽ. Yaa fu-roogã ne a teedã fãa, a sogds ne a ra-pegdã, la a ra-bɩlmã ne a ra-lugdsã ne b naoã,
34
la lutg ning sẽn maan ne pe-raad gãnd sẽn monemã, la lutg ning sẽn maan ne dofẽ-rãmb gãndã, la fu-lillidgã,
35
la kaset koglgã ne a ra-bɩlem la a limdã sẽn yaa bas-taal zĩigã,
36
la taablã ne a teedã fãa la kaset burã,
37
la fɩtl doagendgã b sẽn maan ne sãnem halaalã ne b fɩtl-dãmbã sẽn be b zĩisẽ wã, la b teedã fãa ne b kaamã fãa, la kaam sẽn na n ning fɩtl-dãmbã,
38
la sãnem tẽn-kugrã ne kaam sẽn pʋdgd maan-kʋʋdbã zut b sẽn welg bãmb b tʋʋmdã yĩng wakatã, la tɩdar zom sẽn na n yõog wisdu, la fu-lillidg sẽn na n ning fu-roogã noore,
39
la zũud tẽn-kugrã ne a gãmbrã sẽn yaa zũudã, la a ra-bɩlmã ne a teedã fãa, la pekr sĩngã ne a naoorã,
40
la zakã pɛɛlã ne a ra-lugdsã, la a ra-lugdsã naoã, ne zakã noor fu-lillidgã ne a wĩyã, la a biili wã, la a teedã fãa sɛk roogã tʋʋmd yĩnga,
41
la maan-kʋʋdbã tʋʋmd fut b sẽn na n yeelg n maan sɛk roogã tʋʋmde. Yaa maan-kʋʋd a Aarõ fu-sõama wã ne a kom-dibli wã fut b sẽn yeelgd n maand maan-kʋʋr tʋʋmdã.
42
Israyɛll nebã maana tʋʋmdã fãa tɩ zems wa Sẽn-Ka-Saab sẽn yeel a Moyiisã kɛpɩ.
43
A Moyiis gesa tʋʋmdã fãa n mik tɩ bãmb maana wa Sẽn-Ka-Saab sẽn dag n yeel bãmb tɩ b maanã. La a Moyiis ninga bãmb zut barka.
← Chapter 38
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 40 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40