bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Mossi
/
Mossi MPBU (WẼNNAAM SEBRE 2014)
/
Exodus 34
Exodus 34
Mossi MPBU (WẼNNAAM SEBRE 2014)
← Chapter 33
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 35 →
1
Sẽn-Ka-Saab yeela a Moyiis yaa: «Pees kug-wals a yiib sẽn zems wa pĩnd-dãmbã. Mam na n gʋlsa m goam nins sẽn dag n be dẽenem kug-wals nins fo sẽn wã wã zutã b zugu.
2
Segl f meng n dʋ Sinayi tãngã zug beoog zĩ-yẽegr wakate, n yals beenẽ mam taoore.
3
Bɩ ned da tũ foom n dʋ tãngã ye, la bɩ ned da kẽng n ta zĩig baa a yembr tãngã zug me ye. La sẽn paase, bɩ rũm-bãooneg ne rũm-bɛd me ra kolg tãngã pend n wãb yamd ye.»
4
La a Moyiis peesa kug-wals a yiib sẽn zems wa pĩnd-dãmbã. La yibeoog pĩnda, yẽnda zãa kug-wals a yiibã a nugẽ n dʋ Sinayi tãngã zug wa Sẽn-Ka-Saab sẽn yeel yẽnda wã.
5
La Sẽn-Ka-Saab siga sawaodgã pʋgẽ n yals beenẽ ne yẽnda. Yẽnda pʋʋsa ne Sẽn-Ka-Saab yʋʋre.
6
Sẽn-Ka-Saab looga yẽnda taoor n moon n yeele: «Mam yʋʋr yaa Sẽn-Ka-Saabo, yaa Sẽn-Ka-Saab sẽn yaa Wẽnnaam sẽn yaa nimbãan-zoɛta, la bark kõata. Mam sũur ka yikd tao-tao ye, la mam yaa nonglem soaba, la m maanda sɩda.
7
La mam maanda sɩd hal tɩ ta zamaan tusri, n kõt neb sugr b beegrã ne b kɩɩsgã la b yel-wẽnã fãa yĩnga. La baoosgo, mam ka na n bas yãmb taal y beegrã yĩng ye. Mam na n kɩtame tɩ ba-rãmbã beegrã sɩbgr zĩnd bãmb kambã zutu, la bãmb yagensã zut hal tɩ ta zamaan a tãabo, la ne a naase.»
8
Dẽ, tao-tao bala, a Moyiis sulgame hal n tãag tẽng n wõgemde.
9
La yẽnda yeelame: «M Zu-soaba, yãmb sã n nonga maam, baa nebã sũyã sã n yaa kegemse, mam kotame tɩ y yãag tõndo. La y kõ tõnd sugr d kongrã ne d yel-wẽnã yĩnga. La tõnd na n yɩɩ yãmb dẽnda.»
10
Sẽn-Ka-Saab yeelame yaa: «Ade, mam na n maana kaool ne foom. Mam na n maana bõn-bãnd fo nebã fãa taoore, yaa bõn-bãnd sẽn nan zɩ n maan buud baa a yembr sʋk dũniyã pʋgẽ ye. La nebã fãa sẽn be ne foomã na n yãnda Sẽn-Ka-Saab tʋʋmdã sẽn sek zoeesã, mam sẽn na n tall foom n maanã.
11
Gũus neer n sak bũmb ning mam sẽn wilgd foom dũndã wã. La mam na n diga Amoor-dãmbã ne Kana-rãmbã la Hɛt-dãmbã ne Perɛɛz-rãmbã la Hevi-rãmbã ne Zebuuz-rãmbã fo taoore.
12
Fo sã n ta zĩig ning fo sẽn dabdã, bɩ f gũus n da wa maan kaool ne tẽngã nebã, tɩ b lebg wa bẽdg yãmb sʋk ye.
13
La bɩ y sãam bãmb tẽn-kugã ne b kug-vigindsã bãmb sẽn viglã, la y kɛ bãmb wẽn-naandg a Aseera ra-lugdsã n lubi.
14
Bɩ y ra wõgemd wẽnnaam a to taoor ye. Sẽn-Ka-Saab yaa sũ-kiir soaba, bãmb yaa Wẽnnaam sẽn yaa sũ-kiir soaba.
15
Ra maan kaool ne tẽngã neb ye. Bãmb sẽn maand yoob ne b wẽnnaam-dãmbã yĩnga, bɩ b ra wa bool foom tɩ f naag-b n dɩ bãmb wẽn-naandsã maand nemd ye.
16
La bɩ f ra peeg bãmb kom-pugli n kõ f kamb tɩ b maan b pagb ye, tɩ bãmb kom-pugli wã sẽn maand yoob ne b wẽnnaam-dãmbã, ra wa kɩt tɩ fo kom-dibli wã maan yoob ne bãmb wẽnnaam-dãmbã ye.
17
Ra rõog kut bõn-naandg baa a yembre tɩ yɩ fo wẽnnaam ye.
18
Maan bur sẽn ka rã-bɩll tigrã. Rɩ bur sẽn ka rã-bɩll dasem a yopoe b sẽn yãk bõn-bɩʋʋng kiuugã pʋgẽ wã, wa mam sẽn yeel foomã. Bala, yaa bõn-bɩʋʋng kiuugã pʋgẽ la fo yi Ezɩpt tẽngã.
19
Bi-rẽeng buudã fãa sẽn deng n yi a ma pʋgẽ yaa maan n so. Yaa fo rũm-daoog fãa sẽn yaa bi-rẽega, rũmsã sʋka, sã n yaa nag-bila, pe-bila wall bulla.
20
Rɩk pe-bila, wall bʋʋg n tek bõang fãa sẽn yaa a ma bi-rẽenga. La fo sã n ka rat n tek bõangã, bɩ f wẽ a kãar n wãage. La fo kom-dibli wã fãa sẽn yaa kom-dẽemsã. Bɩ ned da wa mam taoor ne nug-vɩɩd ye.
21
Tʋm dasem a yoobe, la f vʋʋs rasem a yopoe wã daare. Vʋʋse, baa sã n yaa peseng wakat bɩ tigsg wakate.
22
Yʋʋmdã vẽkre, bɩ f maan dasem a yopoe-poe tigrã sẽn yaa bõn-koaadlã dẽenem biis kẽebgã, n paas tigsgã tigrã.
23
Yʋʋmd fãa pʋgẽ, bɩ raop nins fãa sẽn be ne foomã wa Zu-soab a Sẽn-Ka-Saab sẽn yaa Israyɛll Wẽnnaamã taoor naoor a tãabo.
24
Bala, mam na n diga buud wʋsg tɩ b zoe fo taoore, la mam na n yalga fo soolmã. Fo sã n kẽng Sẽn-Ka-Saab sẽn yaa fo Wẽnnaamã nengẽ naoor a tãab yʋʋmd fãa pʋgẽ, ned ka be sẽn na n bao tɩ soog fo tẽngã ye.
25
Ra lagem bur sẽn tar dã-bɩll ne maoong zɩɩm ye. Ra bas Pak tigrã maoong nemd tɩ kell n vẽeg beoog ye.
26
Tall fo tẽn-gãongã dẽenem biisã sẽn yaa sõama n yɩɩdã n wa Sẽn-Ka-Saab sẽn yaa fo Wẽnnaamã roogẽ. Da rʋg-y bull a ma bĩisim pʋg ye.»
27
Sẽn-Ka-Saab yeela a Moyiis yaa: «Gʋls gom-kãensã. Bala, yaa ne gom-kãensã la mam maand kaool ne foom, la ne Israyɛlle.»
28
A Moyiis paa ne Sẽn-Ka-Saab rasem pis-naase, n ka rɩ rɩɩbo, la a ka yũ koom ye. La yẽnda gʋlsa kãabg goamã sẽn yaa tõod piigã kug-walsã zutu.
29
A Moyiis siga Sinayi tãngã zugu, la yẽnda rag n zãada kaset kug-wals a yiibã a nugẽ. Yẽnda sẽn wa n sigd tãngã zugã, a rag n ka mi tɩ yẽnda sẽn gom ne Sẽn-Ka-Saabã kɩtame tɩ yẽnda nengã pɩnd ye.
30
A Aarõ ne Israyɛll nebã fãa yãndame t'a Moyiis nengã pɩndame. Dẽ, bãmb zoee rabeem n ka rat n kolg-a ye.
31
A Moyiis boola bãmba. La a Aarõ ne Israyɛll nebã nanambsã fãa waa yẽnda nengẽ, la a Moyiis goma ne bãmba.
32
Dẽ poorẽ, Israyɛll nebã fãa yaool n kolgame, la yẽnda togsa bãmb bũmb nins fãa Sẽn-Ka-Saab sẽn togs yẽnda Sinayi tãngã zugã.
33
La a Moyiis sẽn gom ne bãmb n sɛ, yẽnda luda a nengã ne peende.
34
La a Moyiis sã n kẽng Sẽn-Ka-Saab nengẽ n na n tɩ gom ne bãmba, a pilgda peendã, hal tɩ yẽnda yi sɛk roogã pʋgẽ. La yẽnda sã n yi, a togsda Israyɛll nebã bũmb nins fãa Sẽn-Ka-Saab sẽn togs yẽnda wã.
35
Israyɛll nebã yãndame t'a Moyiis nengã pɩndame. Dẽ, a Moyiis lebgd n luda a nengã ne peendã yɛsa, hal tɩ ta yẽnda sẽn na n leb n kẽ n gom ne Sẽn-Ka-Saabo.
← Chapter 33
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 35 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40