bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Mossi
/
Mossi MPBU (WẼNNAAM SEBRE 2014)
/
Jeremiah 38
Jeremiah 38
Mossi MPBU (WẼNNAAM SEBRE 2014)
← Chapter 37
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 39 →
1
A Matan biig a Sefatiya ne a Pasewʋʋr biig a Gedaliya, la a Selemiya biig a Yukalle, ne a Pasewʋʋr biig a Malkiya wʋma goam nins a Zeremi sẽn togs nebã fãa wã. Yẽnda rag n yetame:
2
«Ade, Sẽn-Ka-Saab yetame tɩ zabre, kom la bã-longds n na n kʋ neb nins sẽn na n pa tẽn-kãngã pʋgẽ wã. La ned ning fãa sẽn na n yi n kẽng Kalde nebã nengẽ ka na n ki ye. A na n vɩɩmdame.»
3
A Zeremi leb n yeela nebã tɩ Sẽn-Ka-Saab yetame: «Mam na n basa tẽn-kãngã Babilond dĩmã tãb-biis nugẽ, la a na n deeg-a lame n sooge.»
4
Dẽ poore, nanambsã yeela rĩmã yaa: «N-na! Kɩt-y tɩ b kʋ rao-kãngã! Bala, yaa yẽnda n boogd tãb-biis nins sẽn ket tẽn-kãngã pʋgẽ wã ne neb a taabã raood ne gom-kãensã. Yẽnda ka rat nebã ne neer ye. A sẽn baood yaa tɩ yel-beed paam-ba.»
5
Rĩm a Sedesiyaas leoka bãmb yaa: «Yẽnda la woto, a bee yãmb nugẽ. Maam a rĩmã ka tõe n gɩdg yãmb ye.»
6
Dẽ, nanambsã yõka a Zeremi, n bao wĩy n sik-a rĩmã biig a Malkiya bulgã sẽn be gũudbã zakẽ wã pʋga. La bulgã rag n ka tar koom ye, yaa begd bala. Dẽ, a Zeremi suda begdã pʋga.
7
Kuus ned a Ebɛɛd-Melɛk sẽn yaa na-yirã sõgena wʋmame tɩ b loba a Zeremi bulg pʋgẽ. La wakat-kãng tɩ rĩmã rag n zĩi tẽngã rignoor ning b sẽn boond tɩ Benzame nebã rignoorã.
8
La a Ebɛɛd-Melɛk yii na-yirã n kẽng n tɩ yeel dĩmã yaa:
9
«M dĩma, la m soaala, bũmb nins fãa nin-bãmbã sẽn maan Wẽnnaam no-rɛɛs a Zeremi wã yaa wẽnga. Bãmb yõk-a lame n tɩ lob bulgã pʋgẽ. La rɩɩb sẽn ka leb n be tẽngã pʋgẽ wã yĩnga, a na n kii kom.»
10
Dẽ, rĩmã kõo Kuus rao a Ebɛɛd-Melɛk noor n yeel-a yaa: «Yãk neb pis-tã kaanẽ tɩ b tɩ sõng-f n yiis Wẽnnaam no-rɛɛs a Zeremi bulgẽ wã t'a ra wa ki ye.»
11
Dẽ, a Ebɛɛd-Melɛk yãka nebã n kẽng na-yirã laog bĩngr doogã tẽngre, n vaees n yãk fu-kʋda, n naag ne wĩy n sik a Zeremi nengẽ bulgã pʋga.
12
Kuus rao a Ebɛɛd-Melɛk yeela a Zeremi yaa: «M kotame tɩ f ning fu-kʋd-kãensã f bãg-peedẽ wã, n yaool n dɩk wĩ-kãensã n gaage.» La a Zeremi maana a woto.
13
Dẽ, bãmb taka a Zeremi ne wĩyã n yiis bulgẽ wã. A Zeremi kell n paa gũudbã zakẽ.
14
Rĩm a Sedesiyaas kɩtame tɩ b tɩ tall Wẽnnaam no-rɛɛs a Zeremi n wa yẽnda nengẽ, Sẽn-Ka-Saab roogã rignoor a tãabẽ soabã noore. La rĩmã yeela a Zeremi yaa: «Zeremi, mam dat n soka foom bũmbu. Ra sak n solg maam bũmb ba a yembr ye.»
15
Dẽ, a Zeremi soka rĩm a Sedesiyaas yaa: «Dẽ yĩnga, mam sã n togs yãmb sɩda, y ka na n kɩt tɩ b kʋ-ma? Mam sã n sagl-yã, y ka na n deeg ye!»
16
La rĩm a Sedesiyaas soos n wẽena ne a Zeremi n yeel-a yaa: «Mam wẽenda ne Sẽn-Ka-Saab sẽn vɩ wã yʋʋre, sẽn naan-a tõndã, tɩ m ka na n kɩt tɩ b kʋ-fo, wall m bas-f nin-kãensã sẽn dat n kʋ foomã nugẽ ye.»
17
Dẽ, a Zeremi yeela rĩm a Sedesiyaas yaa: «Sẽn-Ka-Saab sẽn yaa Saasẽ-Pãng-Soab a Wẽnnaam, n yaa Israyɛll Wẽnnaamã yetame: Yãmb sã n yi n dɩk y meng n kõ Babilond dĩmã nanambse, y na n fãaga y mense, la b ka na n sãam tẽn-kãngã ne bugum me ye. Yãmb ne y buudã na n kell n vɩɩmdame.
18
La yãmb sã n ka sak n yi n dɩk y meng n kõ Babilond dĩmã nanambse, Kalde rãmbã na n tõoga tẽn-kãngã n ning-a bugum, la yãmb ka na n põs ye.»
19
Rĩm a Sedesiyaas yeela a Zeremi yaa: «Zʋʋda nebã sẽn dɩk b mens n kõ Kalde rãmbã rabeem tara maam. Mam zoeta b na n wa rɩk maam n bas Zʋʋda nebã nugẽ tɩ b nams-ma.»
20
La a Zeremi leokame: «B ka na n bas yãmb bãmb nugẽ ye. M kot-y lame tɩ y kelg Sẽn-Ka-Saab sẽn yeel maam tɩ m togs-y koɛɛg ningã. Woto, bũmb kõn maan yãmba, la y na n vɩɩmdame.
21
La yãmb sã n zãgs tɩ y kõn yi, ad koɛɛg ning Sẽn-Ka-Saab sẽn vẽneg maam:
22
‹Ade, b na n talla pagb nins fãa sẽn pa Zʋʋda rĩmã na-yirã n tɩ kõ Babilond dĩmã nanambse, la pagbã na n yeelame: Yãmb zo-rãmbã belga yãmb n tõoge. La yãmb naoã sẽn wa n sud begdã pʋgẽ wã, bãmb targ n leba poorẽ.›
23
B na n talla y pagbã ne y kambã fãa n tɩ kõ Kalde nebã, la yãmb ka na n põs bãmb ye. Babilond dĩmã na n yõka yãmba, la a ning tẽn-kãngã bugum.»
24
A Sedesiyaas yeela a Zeremi yaa: «Ra saag tɩ ned wʋm gom-kãensã ye. Woto, f ka na n ki ye.
25
Nanambsã sã n wʋm tɩ mam goma ne foom, n wa fo nengẽ n wa yeel foom tɩ b kotame tɩ f rɩk goam nins mam sẽn yeel foomã, ne bũmb nins fo sẽn togs maamã n togs-ba, n da solg bũmb ba a yembre, tɩ ka rẽ b na n kʋʋ foom,
26
bɩ f leok-b yaa: «Mam wa n yõka rĩmã sɛɛga, n yeel-a t'a kɩt tɩ b ra leb n kẽes maam a Zonatã roogẽ wã tɩ m wa pa be n ki ye.»
27
Nanambsã fãa kẽnga a Zeremi nengẽ n tɩ sok-a, la a Zeremi leoka bãmb wa rĩmã sẽn dag n yeel yẽnda wã. La bãmb basa yẽnda laafɩ, bala, gomdã ka yi tɩ ned wʋm ye.
28
A Zeremi kell n paa gũudbã zakẽ hal tɩ ta daar ning Babilond nebã sẽn wa n zab ne Zeruzalɛm n tõogã. La b sẽn tõog Zeruzalɛmã zugẽ.
← Chapter 37
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 39 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52