bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Marwari
/
Marwari Bible
/
John 18
John 18
Marwari Bible
← Chapter 17
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 19 →
1
यीसु ऐ बातां कैयनै आपरै चेलौ रै साथै किदरोन नाळे रै उण पार गिया। उठै एक बगीचों हो, जिण में वो अर उणरा चेला गिया।
2
उणौ नै धोखे ऊं पकड़ाणै वाळौ यहूदा ई इण जगा नै जांणतौ हो, क्यूंकै यीसु आपरै चेलौ रै साथै उठै जाया करतौ हो।
3
तो यहूदा, रोमी सैनिकों री एक पलटन नै अर परधान याजकौ अर फरीसियों री तरफ ऊं भेज्या सेवकों रै साथै लालटेनो, मसालों अर हथियारों नै लेयनै उठै आया।
4
तद यीसु, नै तो पको ठाह हो के उण साथै कांई होवण वाळौ है वांरै ऊं मिलण खातर वो आगै आया अर पूछयौ, “किणनै सौधौ हो?”
5
उणौ यीसु नै जबाब दियौ, “यीसु नासरी नै।” यीसु कयौ, “वो म्हैं इज हूं।” अर यीसु नै धोखे ऊं पकड़ाणै वाळौ यहूदा ई उणौ रै साथै ऊभौ हो।
6
यीसु ओ कैवतै ही, “वो म्हैं इज हूं,” वे सगळा लारै सिरकने जमीं माथै पड़ग्या।
7
तद यीसु वळै उणौनै पूछयौ, “थै किणनै सौधौ हो?” वे बोलया, “यीसु नासरी नै।”
8
यीसु जबाब दियौ, “म्हैं तो थोरै ऊं कैह चुकयो हूं की वो म्हैं इज हूं। जे म्हनै सौधौ हो तो इणानै जावण दो।”
9
ओ इण वास्तै होयौ, की वो वचन पूरौ होवै, जिकौ उणै कयौ हो, की “जिकौ थै म्हनै दियौ, उणमे ऊं म्हैं एक नै ई कोनीं नास होणै दियौ।”
10
तद समौन पतरस नै तरवार, जिकौ उणरै खनै ही, बारै काढ़ी अर महायाजक रै नौकर रौ जीमणौ कांन काट दियौ। उण नौकर रौ नाम मलखुस हो।
11
तो यीसु पतरस नै कयौ, “थूं थांरी तरवार नै म्यांन मांय घाल दे। जिकौ दुख रौ कटोरो पिता म्हनै दियौ है, कांई म्हैं उणै नीं पीवूं?”
12
तद रोमी सिपाई, वांरा सूबेदार अर यहूदियो रा सेवक, यीसु नै पकड़नै बांध दियौ।
13
अर पैला वे उणनै हन्ना रै खनै लेन गिया, जिकौ वो उण साल रौ महायाजक काइफा रौ ससुर हो।
14
ओ वोहीज काइफा हो, जिकौ यहूदी नेता नै समझाया हा के, “सगळौ रै खातर एक मिनख रौ मरणौ ठीक है।”
15
समौन पतरस, अर एक चेलौ ई यीसु रै लारै वहीर हो गियो। ओ चेलौ महायाजक रै जांण-पिछांण वाळौ हो, अर यीसु रै साथै महायाजक रै आंगणै में गियौ।
16
पण पतरस बारै बारणा माथै ऊभौ रियौ। तो वो दूजै चेले जिकौ महायाजक री जांण पिछांण वाळौ हो, बारै निकळनै, पोरैदारणी ऊं कैय, पतरस नै मांय लेयनै आयौ।
17
वां दासी जिकौ पोरैदारणी ही, पतरस नै पूछयौ, “कांई थूं भी इण मिनख रै चेलौ मांय ऊं तो कोनीं है?” उणै कयौ, “म्हैं कोनीं हूं।”
18
उण वेळा सियाळौ हो, इण खातर पोरैदार अर घर रा नौकर अग्नि सळगायनै ताप रिया हा। पतरस ई उणारै साथै ऊभौ ताप रियौ हो।
19
तद महायाजक यीसु ऊं उणरै चेलौ रै बारै में अर उणरै उपदेस रै बारै में पूछताछ किनी।
20
यीसु उणौनै जबाब दियौ, “म्हैं संसार ऊं खुलनै बातां किनी। म्हैं मिंदर अर पराथना घरो में, जठै सैंग यहूदी भेळा होया करता हा, उठै हमेसां उपदेस दियौ। अर छांनै में कीं नीं कयौ हो।
21
थूं म्हारै ऊं क्यूं पूछै? सुणणै वाळौ ऊं पूछ, की म्हैं उणौ नै कांई कयौ। वे जांणै है, की म्हैं कांई कांई कयौ?”
22
जद यीसु ओ कयौ, तो सेवकों में ऊं एक जिकौ नैड़ौ ऊभौ हो, यीसु रै थप्पड़ ठोकनै कयौ, “कांई थूं महायाजक नै इण तरैह जबाब दैवै है?”
23
यीसु उणनै जबाब दियौ, “जे म्हैं गळत कयौ, तो गळती बता दो। अर जे ठीक कयौ, तो म्हनै क्यूं ठोकौ हो?”
24
तद हन्ना, यीसु नै बांधयोड़ौ ई महायाजक काइफा रै खनै भेज दियौ।
25
समौन पतरस ऊभौ ताप रियौ हो। तो वे उणनै पूछयौ, “कांई थूं ई उणरै चेलौ में ऊं तो कोनीं है?” उणै मना करनै कयौ, “म्हैं कोनीं हूं।”
26
पण महायाजक रै दासो में ऊं एक, जिकौ उणरै परिवार मांय ऊं हो जिणरौ कांन पतरस काट दियौ हो, बोल्यौ, “कांई म्हैं थनै यीसु रै साथै बगीचें मांय कोनीं देख्यौ हो?”
27
पतरस वळै नटगो, अर उणीज वेळा कुंकड़े बांग दीनी।
28
तो वे यीसु नै काइफा रै खनै ऊं किले लेन गिया, अर दिन उगै री वेळा ही, पण वे आप किले रै मांय कोनीं गिया ताकी असुद्ध नीं होवै, पण फसह खा सकै।
29
तो पिलातुस उणरै खनै बारै निकळ आयौ अर कयौ, “थै इण मिनख माथै कीण बात रौ दोसण लगावो हो?”
30
वे उणनै जबाब दियौ, “जे ओ गुनेगार नीं व्हैतौ तो म्हैं इणनै थांनै कोनीं सूंपता।”
31
पिलातुस उणौनै कयौ, “थै इज इणनै ले जायनै थोरै कायदा रै अनुसार इणरौ न्याव करौ।” यहूदियो उणनै कयौ, “म्हौ नै हक नीं है की किणी रौ प्रांण लौ।”
32
इण ऊं यीसु री आ भविसयवांणी पूरी होई के वांरी मौत कीण तरीकै ऊं व्हैला।
33
तो वळै पिलातुस किले मांय गियौ, अर यीसु नै बुलायनै उणनै पूछयौ, “कांई थूं यहूदियो रौ राजा है?”
34
यीसु जबाब दियौ, “कांई थूं आ बात खुद री तरफ ऊं कैवै या दूजौ म्हारै बारै में थारै ऊं केई है?”
35
पिलातुस जबाब दियौ, “कांई म्हैं यहूदी हूं? थारै देस रा लोग अर परधान याजकौ थनै म्हारै हाथ सूंपयौ है। थै कांई करयौ है?”
36
यीसु जबाब दियौ, “म्हारौ राज इण संसार रौ कोनीं। जे म्हारौ राज इण संसार रौ व्हैतौ, तो म्हारा सेवक लड़ता, अर म्हनै यहूदियो रै हाथो में नीं सूंपता। पण म्हारौ राज अठै रौ कोनीं।”
37
पिलातुस यीसु नै कयौ, “तो कांई थूं राजा है?” यीसु जबाब दियौ, “थूं कैवै है की म्हैं राजा हूं। म्हैं इण वास्तै जनम लियौ, अर इण वास्तै संसार मांय आयौ हूं के म्हैं सचाई री गवाई दूं। जे कोई सचाई ऊं परैम राखै, वो म्हारौ सबद सुणै है।”
38
पिलातुस यीसु नै कयौ, “सचाई कांई है?” ओ कैन पछै पिलातुस पाछौ यहूदियो रै खनै बारै आयौ अर उणौनै कयौ, “म्हैं तो उणमे कीं दोस कोनीं देखूं।
39
पण थांरी आ रीत है की म्हैं फसह में थोरै वास्तै एक मिनख नै छोड़ दूं। आखरी थै कांई चावौ की म्हैं थोरै वास्तै ‘यहूदियो रै राजा’ नै छोड़ दूं?”
40
पण वे वळै हाका करनै कयौ, “इणनै कोनीं, पण म्हौ रै वास्तै बरअब्बा नै छोड़ दो।” अर बरअब्बा एक डाकू हो।
← Chapter 17
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 19 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21