bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Marwari
/
Marwari Bible
/
John 3
John 3
Marwari Bible
← Chapter 2
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 4 →
1
फरीसियों में नीकुदेमुस नाम रौ एक मिनख हो, जिकौ यहूदियो रौ सरदार हो।
2
वो रात रौ यीसु रै खनै आयनै यीसु नै कयौ, “हे गुरु म्हौ जांणौ हो, की थूं परमेसर री तरफ ऊं गुरु होयनै आयौ है। क्यूंकै कोई इण चमतकारो नै जिकौ थूं देखावै है, जे परमेसर थांरै साथै नीं होवतो तो ऐ चमतकार कोनीं दिखा सकतौ।”
3
यीसु उणनै जबाब दियौ, “म्हैं थनै साची साची कहूं, जठै तांई थारौ नवो जनम नीं व्है, थूं परमेसर रै राज नै देख ई नीं सकै।”
4
नीकुदेमुस अचूम्बे ऊं पूछयौ, “नवो जनम! कोई बूढ़ो मिनख आपरी मां रै पेट रै मांय पाछौ जायनै कीकर दूजौ जनम लेय सकै?”
5
यीसु जबाब दियौ, “म्हैं थांरै ऊं साची साची कहूं, जठै तांई कोई मिनख पांणी अर परमेसर री आतमा ऊं जनम नीं लेवे, वो परमेसर रै राज मांय नीं जा सकै।
6
क्यूंकै जिकौ सरीर ऊं जनमे है, वो सरीर है। अर जिकौ आतमा ऊं जनमे है, वो आतमा है।
7
इण खातर म्हारी इण बात माथै अचूम्बो मती करौ, के थांनै नवो जनम लेवणो जरुरी है।
8
हवा जठीनै चावै उठीनै जावै है, थै हवा री आवाज नै सुण सकौ पण बता नीं सकौ, के ओ कठीनै ऊं आवै अर कठीनै जावै। इण खातर इणी तरैह औ सबां रै साथै व्हैला जिकौ रौ जनम परमेसर री आतमा ऊं है।”
9
नीकुदेमुस पूछयौ, “ऐ बातां कीकर व्है सकै?”
10
यीसु जबाब दियौ, “थूं, इजरायल रौ गुरु होयनै ई, कांई इण बातां नै कोनीं समझै?
11
म्हैं थांनै साची साची कहूं जिकौ म्हौ जांणौ अर देख्यौ, उणरी थांनै गवाई दैवो हो, पण थै भरोसौ कोनीं करौ।
12
जद म्हैं इण धरती री बातां बताई तो थै भरोसौ कोनीं करयौ। जे म्हैं सरग री बातां बताऊं तो थै भरोसौ कीकर करौला?
13
कोई सरग ऊपर नीं चढ़यौ, कैवल वोहीज जिकौ सरग ऊं उतरियौ, अरथ मिनख रौ बेटौ जिकौ सरग में है।
14
ज्यूं मूसा बेवड़ मांय पीतळ रा नाग नै थम्बा माथै चढ़ायौ हो, उणी रीत म्हैं, मिनख रै बेटे नै ई, ऊंचाई माथै चढ़ायौ जावैला।
15
इण खातर के जिकौ ई म्हारै माथै विसवास करैला, वो अनत जीवन पावैला।
16
“क्यूंकै परमेसर जगत ऊं ऐड़ौ परैम करयौ के उणै आपरौ एकाएक बेटौ दे दियौ, ताकी जिकौ उण माथै विसवास करै, वो नास नीं व्है, पण अनत जीवन पावै।
17
परमेसर आपरै बेटा नै जगत मांय डंड रौ हुकम देवण खातर नीं पण जगत रौ उद्धार करण खातर भेज्यौ।
18
जिकौ ई उण माथै विसवास करै, वो डंड रौ भागी नीं होवैला। पण जे उण माथै विसवास नीं राखण वाळौ वो दोसी व्हैगौ है। क्यूंकै उणै परमेसर रै एकाएक बेटे माथै विसवास नीं करयौ।
19
डंड री आग्या रौ कारण ओ है के चांदणौ जगत में आयौ, पण घणाकर लोग चांदणा ऊं घणौ अन्धारै ऊं परैम राखियौ, क्यूंकै उणौरा कांम भूंडा हा।
20
क्यूंकै जे कोई बुराई करता हा, वे उजाळै ऊं बैर राखता हां, अर उजाळै रै खनै कोनीं आवता, ऐड़ौ नीं होवै की उणरै कांमां माथै दोस लगावै।
21
पण सचाई ऊं कांम करण वाळा उजाळै रै खनै आवै, ताकी उणरा कांम परगट होवै के वो परमेसर री तरफ ऊं कियोड़ा है।”
22
इण पछै यीसु अर वांरा चेला यरुसलेम ऊं यहूदिया देस रै नीचे रै भागों में आया, अर वो उठैज उणौरै साथै रैन लोगां नै पांणी ऊं बतिस्मो देवण लाग्या।
23
यूहन्ना ई सालेम नगर रै खनै ऐनोन में बतिस्मो देवता हा, क्यूंकै उठै पांणी घणौ हो, अर लोग आयनै बतिस्मो लेवता हा।
24
यूहन्ना नै उण वेळा तांई जेळ मांय कोनीं घालियो हो।
25
उठै यूहन्ना रै चेलौ रौ किणी यहूदी रै साथै सुद्ध करणै री रीत रै बारै में बोल चाल होई।
26
अर उणौ यूहन्ना रै खनै आयनै कयौ, “हे गुरु, जिकौ मिनख यरदन रै पार थांरै साथै हो, अर जिणरी थै गवाई दी है, देख, वो बतिस्मो दैवै है, अर सगळा उणरै खनै आवै है।”
27
यूहन्ना जबाब दियौ, “जद तांई मिनख नै सरग ऊं नीं दियौ जाय, तद तांई वो कीं नीं पा सकै।
28
थै तो आप ई म्हारा गवाई हो म्हैं कयौ, ‘म्हैं मसीह कोनीं हूं, पण उणरै आगै भेज्यौ गियौ हूं।’
29
जिणरी बींदणी है, वोहीज बींद है। पण बींद रौ दोसत जे ऊभौ होयौ उणरी सुणै है, बींद रै सबद ऊं घणौ राजी होवै है, अबै म्हारौ ओ आंणंद पूरौ होयौ है।
30
इण खातर ओ जरुरी है की वो बढ़ै अर म्हैं घटूं।
31
“जिकौ सरग ऊं आयोड़ा है वो सैंगा ऊं महान है। जिकौ धरती माथै ऊं आवै है वो धरती रौ है, अर धरती री ही बातां कैवै है। जे सरग ऊं आवै है, वो सबां ऊं ऊपर है।
32
जे कीं उणै देख्यौ, अर सुण्यौ है, उणरी गवाई दैवै है। अर कोई उणरी गवाई स्वीकार नीं करै।
33
जिणै उणरी गवाई स्वीकार कर ली, उणै इण बात माथै छाप लगा दी, के परमेसर साचा है।
34
क्यूंकै जिणनै परमेसर भेज्या है, वो परमेसर रौ ही संदेस दैवै है, क्यूंकै वो आतमा नै नाप नापनै कोनीं दैवै।
35
पिता आपरै बेटे ऊं परैम राखै है, अर पिता नै सगळी चीजों उणरै हाथ में दे दी है।
36
जिकौ बेटा माथै भरोसौ राखै, अनत रौ जीवन उणौ रौ है, पण जे बेटे री नीं मांनै, वो जीवन नै कोनीं देखेला, पण परमेसर री रीस उणरै माथै रैवैला।”
← Chapter 2
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 4 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21