bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Marwari
/
Marwari Bible
/
John 9
John 9
Marwari Bible
← Chapter 8
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 10 →
1
यीसु जद मारग में जातौ हो, तो उणै एक मिनख नै देख्यौ जिकौ जनम ऊं आंधौ हो।
2
अर उणरै चेलौ उणनै पूछयौ, “हे गुरु, कीण पाप कियो हो की ओ मिनख आंधौ जनमियौ, कांई खुद रै कारण या इणरै मां-बाप रै कारण?”
3
यीसु जबाब दियौ, “ना तो खुद रा पाप, अर ना ही इणरै माईतां रा पाप रै कारण औ आंधौ जनमियौ, पण ओ इण खातर व्हियौ के परमेसर रा कांम इण मांय परगट होवै।
4
परमेसर जिकौ म्हनै भेज्यौ है, अपांनै उणरौ कांम दिन ई दिन मांय पूरौ करणौ जरुरी है, वो रात आणवाळी है जिणमे कोई कांम नीं कर सकै।
5
जैड़ी तांई म्हैं इण जगत मांय हूं, म्हैं इण जगत रौ चांदणौ हूं।”
6
इतौ केन उणै जमीं माथै थूकयौ, अर उण थूक मे ऊं माटी छांणी, अर वो माटी उण आंधे री आंख्यां माथै लगाय नै
7
उणनै कयौ, “जायनै सीलोह रै कुंड मांय धोय ले।” (सीलोह सबद रौ अरथ भेज्यौड़ौ है।) वो उण जगा माथै गियौ अर आंख्यां धौई, अर पाछौ देखतोड़ौ आयौ।
8
तद उणरा आड़ै पाड़ै रा अर दूजा, जिकौ उणनै भीख मांगतो देख्यौ हो, आपस मांय कैवण लाग्या, “कांई ओ वोहीज कोनीं, जिकौ बैठौ भीख मांगया करतौ हो?”
9
केई जणा कयौ, “ओ वोहीज है,” अर केई जणा कयौ, “कोनीं, पण उणरै जैड़ौ है,” पण उण खुद कयौ, “म्हैं वोहीज हूं।”
10
तद लोगां उणनै पूछयौ, “तो थूं कीकर देखणै लागौ?”
11
उणै जबाब दियौ, “यीसु नाम रौ मिनख माटी छांणी अर म्हारी आंख्यां माथै लगायनै म्हनै कयौ, ‘सीलोह कुंड मांय जायनै धौय ले।’ म्हैं वो इज करयौ अर देखणै लागौ।”
12
उणौ नै उण ऊं पूछयौ, “अबै वो कठै है?” उणै जबाब दियौ, “म्हनै कोनीं ठाह।”
13
तद वे उण मिनख नै जिकौ पैला आंधौ हो फरीसियों खनै लेन गिया।
14
जिण दिन यीसु माटी छांणी अर उणरी आंख्यां माथै लगाई अर उणनै दिखण लागौ, वो सब्त रौ दिन हो।
15
तद फरीसियों उणनै पूछयौ, “थांरी आंख्यां कीण रीत ऊं देखण लागी?” उणै उणौनै कयौ, “यीसु माटी लगाई, पछै म्हैं धोय ली, अर अबै देखूं हूं।”
16
उणारै मांय ऊं केई फरीसी कैवण लागा, “ओ मिनख परमेसर री तरफ ऊं कोनीं, क्यूंकै वो तो सब्त रै दिन ई कांम करै।” दूजै लोगां कयौ, “पापी मिनख इतरा चमतकार कीकर कर सकै?” इण खातर उणारै आपस मांय फूट पड़गी।
17
तो फरीसी उण मिनख नै जिकौ आंधौ हो पाछौ पूछयौ, “जिकौ मिनख थांरी आंख्यां खोली है, थूं उणरै बारै में कांई कैवै?” उण कयौ, “वो भविसयदाता है।”
18
पण यहूदी अधिकारियों नै अजी तांई भरोसौ नीं व्हियौ की वो आंधौ हो अर अबै देखण लागौ, इण खातर वे उणरा माईतां नै बुलाया।
19
उणौ नै पूछयौ, “कांई ओ थौरो बेटौ है? कांई ओ आंधौ जनमिया हो? तो अबै ओ कीकर देख सकै?”
20
उणरा माईतां जबाब दियौ, “म्हौ नै ठाह है की ओ म्हौरौ बेटौ है, अर ओ आंधौ जनमिया हो,
21
पण म्हौ नै ठाह कोनीं के कांई व्हियौ अर अबै ओ कीकर देखण लागौ, अर नीं ओ ठाह है की कीण इणरी आंख्यां खोली। ओ खुद समझदार है इणनै इज पूछ लौ, वो आपरै बारै में खुद बता दैला।”
22
आ बात उणरा मां बाप इण खातर कैई, क्यूंकै वे यहूदियो ऊं डरता हां, क्यूंकै यहूदी नेताओं एको कर लियौ हो, के जिकौ ई यीसु नै मसीह कैवैला, उणनै पराथना घर ऊं निकाळ दियौ जावैला।
23
इण कारण उणरै मां-बाप कयौ, “वो खुद समझदार है उणनै इज पूछ लौ।”
24
इण वास्तै वे दूजी बार उण मिनख नै बुलायौ जिकौ आंधौ हो, अर उणनै कयौ, “परमेसर री महिमा कर। क्यूंकै म्हौ जांणौ हो की वो मिनख पापी है।”
25
उणै जबाब दियौ, “म्हनै ठाह कोनीं है की वो पापी है या कोनीं, पण म्हनै इतौ ठाह है की म्हैं पैला आंधौ हो, अर अबै म्हैं देख सकूं।”
26
उणौ उणनै भळै पूछयौ, “उण थारै साथै कांई करयौ? अर कीकर थांरी आंख्यां सावळ करी?”
27
उण उणौ नै कयौ, “देखौ सा! म्हैं एक बार बताय दियौ हूं, थै सुण्यौ कोनीं कांई? अबै दूजी बार क्यूं सुणणौ चावौ हो? कांई थै भी उणरा चेला बणणा चावौ हो?”
28
तद वे उणनै भलौ-भूंडौ बोलया, “थूं इज उणरौ चेलौ है, म्हौ तो मूसा रा चेला हां।
29
म्हौ नै ठाह है की परमेसर मूसा ऊं बातां करी, पण इण मिनख रौ ठाह कोनीं की ओ कठै रौ है।”
30
उण, उणौ नै जबाब दियौ, “अरै आ तो इचरज री बात है की थै उणनै जांणौ कोनीं की वो कठै रौ है, तौभी उणै म्हारी आंख्यां सावळ कर दी है।
31
अपां जांणौ हो, की परमेसर पापियो री कोनीं सुणै, पण वांरी सुणै जिकौ कोई परमेसर रौ भगत हो, अर उणरी इछा ऊपर चालै है।
32
जगत रै सरूआत ऊं लेयनै आज तांई कदैई सुण्यौ कोनीं के किणी जनम ऊं आंधा री आंख्यां खोली ही।
33
जे ओ मिनख परमेसर री तरफ ऊं नीं होवतो, तो कदैई ऐड़ा कांम नीं कर सकतौ।”
34
उणौ उणनै जबाब दियौ, “थूं तो पको पाप मांय जनमियोड़ौ है, अर थूं म्हौ नै कांई सिखावै है?” अर उणनै उठै ऊं बारै निकाळ दियौ।
35
जद यीसु आ बात सुणी की उणनै बारै निकाळ दियौ है, अर जद उण ऊं मिळियां तो कयौ, की “कांई थूं मिनख रै बेटे माथै विसवास करै है?”
36
उणै जबाब दियौ, “हे मालिक, वो कुण है, की म्हैं उण माथै विसवास करूं?”
37
यीसु उणनै कयौ, “थै उणानै देख्यां भी है, अर जिकौ थारै ऊं बातां कर रिया है ओ वोहीज है।”
38
उणै कयौ, “हे परभु, म्हैं विसवास करूं।” अर वो यीसु नै गोडा टेकनै नमण कियो।
39
तद यीसु कयौ, “म्हैं इण जगत मांय न्याव करणै वास्तै आयौ हूं, ताकी जिकौ आंधा है वो देखे, अर जिकौ देखे है वे आंधा व्है जावै।”
40
जिकौ फरीसी उणौरै साथै हा उणौ ऐ बातां सुणन उण ऊं कयौ, “कांई म्हौ भी आंधा हो?”
41
यीसु उणौ नै कयौ, “जे थै आंधा होता तो पापी नीं ठैरता, पण अबै थै कैवौ की, ‘म्हौ देखौ हो,’ इण वास्तै थौरो पाप बण्यौ रैवै है।”
← Chapter 8
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 10 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21