Song of Solomon 8

nyankole

← Chapter 7 Jump to:

1Nkaabaasibwa ki, oba nka munyaanyazi owaayonkire amabeere ga maawe! Haza nkikubugana nkunywegyera, hatagire owangaya.

2Nkaakutwaire nkutaasya omu nju ya maawe, nkuhitsya omu kishengye ky'owanzaire, onyegyesezayo. Naanye nkuheerayo viino y'enturire n'eshande yangye y'amakomaamahanga, obinywa.

3Nkaabaasiibwa ki, omukono gwa nkunzi yangye ogwa bumosho gunshegura, n'omukono gwe gwa buryo gunfumbata.

4Imwe baishiki ba Yerusalemu 'mwe, nimbarahiza; ngu mutaimutsya nkunzi yangye, n'obu kwakuba okumusisiimura atakeeyendeire.

5Ogwo orikwinamuka naaruga omu ihamba ayegamiire nkunzi ye, n'oha? Nkusiimuriire ahansi y'omucungwa, ahi nyoko yaarumiirwe naayenda kukuzaara; eego; owaakuzaire niho yaarumiirwe.

6Onkunde oihire aha mutima, onfumbatse omukono gwawe; manya rukundo eba ey'amaani nka rufu. Kandi okufuuha tikugira saasi; ni nk'ekituuro; endimi zaakwo zityankana nk'ez'omuriro gurikunaga enkobe.

7Amaizi maingi tigabaasa kuraaza rukundo; nobu yaakuba emyegyemure kugimira. Omuntu ku akuhayo ebi atungire omu nju ye byona kugura rukundo, bikaagayirwa kimwe.

8Twine murumuna waitu omuto otakashunire mabeere. Mbwenu turyamugira tuta aha izooba ri barimugambiraho obugyenyi?

9Ku ariba ekigo, turyamwombekaho omunaara gw'efeeza ogw'okumurinda. Ku ariba omuryango, turyamukingisa embaaho za kaarwenda.

10Ndi ekigo, amabeere gangye nigo munaara gwakyo; omu maisho ga nkunzi yangye nindeebeka nyine obusingye.

11Solomooni akaba aine Baalihamoni omusiri gw'emizaabibu, yaagutamu abarinzi, buri omwe kuguma naamwihura empiiha rukumi z'efeeza ahabw'ebijuma byagwo.

12Mbwenu iwe Solomooni, omusiri gw'emizaabibu n'ogwangye ahabwangye, tunga rukumi; abarinzi b'ebijuma batungye amagana abiri.

13Iwe otuura omu misiri, bagyenzi bangye bakutegire okutu kuhurira ebi orikugamba; naanye ka mbihurire.

14Nkunzi yangye, rahuka nk'esirabo nari nk'omunyahara gw'empara aha nshozi z'eby'emigaju.

← Chapter 7 Jump to: