bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan QXO (Biblia en Quechua del sur de Conchucos)
/
Song of Solomon 1
Song of Solomon 1
Quechuan QXO (Biblia en Quechua del sur de Conchucos)
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 2 →
1
Kaychömi qellqashqa kaykan llapanpitapis mas kuyayllapä cantukuna. Kay cantukunaqa Salomónpam.
2
¡Shumaqlla shimikiwan mutsaykamay! Kuyamar mutsamanqaykiqa vïnupitapis masmi mishkin.
3
Perfümikipa mushkuynin maypis mushkuräkuy munaymi. Jutikipis perfüminörämi kuyayllapä. ¡Tsaymi jipashkunapis pasaypa kuyayäshunki!
4
¡Tayta rey, cuartuykiman juklla pushakallämay! Tsaychömi pasaypa kushishqa kashun. Vïnuta upur kushikunqantsikpitapis masmi kuyanakur kushikushun. ¡Rasunpam jipashkuna kuyayäshunki!
5
Jerusalén jipashkuna, yanalla karpis Cedar runakunapa toldunnömi kuyayllapä kä. Salomón ruratsinqan cortïnakunanömi kuyayllapä kä.
6
Achaywan yanayashqa kanqäta ama rikapäyämaytsu. Turïkuna ajanarmi üva chakrakunata cuidanäpä churayämarqan. Tsaymi kikïpa üva chakrätaqa cuidarqütsu.
7
Kuyayllapä jövin, willaykallämay. Üshaykikunata ¿maychötä mitsinki? Pullan junaq pasaypa achaptin ¿may llantumantä qatinki? Willamaptikiqa amïguykikuna mitsikuyanqanchö ashirniki manam pantakashqa purishätsu.
8
Llapan jipashkunapitapis mas kuyayllapä jipash, ashinqayki jövin maychöpis kanqanta mana musyarqa üshakunapa rastrullanpa ayway tarinqaykiyaq. Mitsikuqkunapa tsukllankuna kaqman chaykur cabraykikunata mitsikuy.
9
Kuyayllapä jipash, Faraónpa carrëtanta qarachaq fïna yëwanömi kuyayllapä kanki.
10
Arëtikurkuptikiqa pasaypa kuyayllapämi cäraykipis. Perlas wallqata wallqakuskiptikiqa kuyayllapämi kunkaykipis.
11
Qellaywan adornashqa qori arëtitam rurapäshayki.
12
Perfümïpa mushkuyninqa kuyanqä rey jamaraykanqanyaqmi chan.
13
Taksha pikshawan tsararanqä mïrra perfümi pëchullächö kanqannömi kuyaynïpis pëchullächö warat punun.
14
En-gadi parti üva chakrachö kaykaq kuyayllapä alheña waytanömi kuyaynïqa kaykan.
15
Kuyayllapä jipash, pasaypa kuyayllapämi kanki. Maypis kuyakuykay munaymi kanki. Ñawikipis ishkay palumanömi kuyayllapä.
16
Kuyaynï, pasaypa kuyayllapämi kanki. Shumaq karmi munapaypä kanki. Verdiraykaq qewam cämantsikpis kaykan.
17
Cedru muntim wayintsikpis. Ciprés muntim llanturämaqnintsikpis.
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 2 →
All chapters:
1
2
3
4
5
6
7
8