Jeremiah 19

Romani Ursari 2018 (Biblia Ande Chib Romani)

← Chapter 18 Jump to: Chapter 20 →

1Gia phenda o Del: Lla ta chin iek piri kai cherel o lleno kai radil e chikaia, ta inllar tuia llenen phure katar o foro, ta llenen phure katar e popura,

2ta lla kai e umal katar o chavo katar o Ben Jinon kai si angla o udar pe rig katar likel o kham, ta kote ka phene so me ka phenav chuke.

3Ka phene gia: Asunen o alav e Devleko, tumen e charura katar o Juda, ta tumen kai zivin ando Jerusalem. Gia phenel o Gazda o Del katar o Israel kai si le sa e zor: Me anav iek bari belava pe gava than, ta kogo ka asunel le ka basen lenge kan.

4Soke mukle man, ta cherden te na pinllaren gava than, ta phabarde o taimano avere delenge kai von ni pinllarena ni von ta ni lenge dada, ni e charura katar o Juda, ta perade gava than e ratea katar e llene chache.

5Ta cherde thana vazdine e Baaleke te phabaren pe minonen sargo kurbano isto e Baaleke, a me ni phendem lenge te cheren goia ezgoda, ni diem orba ta ni avila mange ni ando mislo.

6Goleke ka aven llivesa, phenel o Del, kai gava than ni ka ikharen le ios Tofet, ni umal katar o Ben Jinon, soke ka ikhardol Umal katar o Mundaripe.

7Ta ka muriu so mangen te cheren o Juda ta Jerusalem pe gava than, ka mundaren len e jarniea lenge dusmanura, ta ka peren ande va katar gola kai mangen te mundaren len, ta ka dav lengo man te jan le e chiriklia e milosoke ta e zivirinie dive katar e phuv.

8Ta ka cherav te avel lenge dar ta te maren espurnia katar gaia phuv, kogo ka nakhel latar ka chudilpe ta ka maren espurnia katar lako phagipe.

9Ta ka cherav te jan pe chaurrengo mas ta pe chorrengo ta suako iek ka jal o mas pe amaleko, pala e nuzda ta e belava kai ka cheren len te nakhen lenge dusmanura ta gola kai mangen te mundaren len.

10Ondaka ka phage e piri angla e llene kai llan tuia

11ta ka phene lenge gia: Gia phenda o Del kai si le sa e zor: Gia ka dukhavav gale foro ta gale phuvia, sargo kana vareko phagel iek piri chikaki, kai nasti cherdol pale, ta ando Tofet ka aven prajome, soke ni ka avel aver than te prajon.

12Gia ka cherav pe gava than, phenel o Del, ta e llenenchar kai si kote, ka cherav lenchar gia sar cherdem ando foroia o Tofet.

13E chera katar o Jerusalem ta e chera katar e charura katar Juda, ka aven sargo o Tofet, ka aven gado pala suako cher kai upral phabarde o taimano sa e cheraienge katar o miloso ta chudie e mol katar e dela avere phuvienge.

14Ta irisailo o Jeremias katar o Tofet, kote kai o Del phendaia leke te inllarel e poroka, ta thodape pe porrne ande bar katar o cher e Devleko ta phenda sa e foroke:

15Gia phenda o Del kai si le sa e zor:

← Chapter 18 Jump to: Chapter 20 →