bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Romani
/
Romani Ursari 2018 (Biblia Ande Chib Romani)
/
Jeremiah 31
Jeremiah 31
Romani Ursari 2018 (Biblia Ande Chib Romani)
← Chapter 30
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 32 →
1
O Del phenel gia: Ande gua vreme me ka avav o Del katar sa e viche katar o Israel, ta von ka aven mo foro.
2
Gia phenda o Del: O foro kai naslo katar o Jarni malada e dragostia po pusto, kana o Israel rodela kai te achel katar po rado.
3
O Del sikadilo mange cherel but vreme, ta phenda: Volisardem tut ostade, goleke avilem tuia posteno mai but vreme.
4
I akana ka vazdav tut katar o phagipe ta ka ave vazdini, tu san e chei katar o Israel, i akana ka dikho sukar pasa e panderura, ta ka like te chele veselimaia.
5
I akana ka thove te bariol e drak pe burdura katar e Samaria, e simicharia ka thoven e simiche ande phuv, ta ka jan dragostimaia katar e drak.
6
Soke ka avel iek llive kai e llene kai arakhen o burdo katar o Efrain: Usten ta aven karing o Sion, kai o Del amaro Gazda.
7
Soke gia phenda o Del: Veselintumen ando Jakob, ta urkin veselimatar angla e phuvia, cheren te asundol, blagosin ta phenen: ¡Ioi Devla braduisar che foro, so achila katar o Israel!
8
Me cherav te irin tumen katar o norte, ta ka chidav tumen katar suako rig e phuviaki, ta maskar lende ka aven korre ta bange, e diskinia kai si khamni ta i goia kai maladila lake, but llene ka irinpe kate.
9
Ka llan rovindo ta ka molinpe, a zalbatar ka cherav te irinpe, ta ka cherav te llan pasa e paia, ta pe droma orta kai ni ka eskomban, soke sem dad e Israeleke, ta o Efrain si mo edino chaurro.
10
Asunen o alav e Devleko, tumen e forura, ta cheren te llanenle e forura kai si dur pasa e mora ta phenen gia: Gua kai rispisarda e Israele ka chidel le ta ka arakhel le, sargo o chobano kai arakhel pi stoka.
11
Soke o Del braduisarda e Jakobo, braduisarde le katar o va mai zuralo letar.
12
Ta ka aven urkindo veselimatar po burdo o Sion, ta ka prasten kai o lachipe e Devleko, kai o marrno, kai e mol, kai o zeitino ta kai e minone e bakrenge ta e guruvenge, ta lengo zivoto ka avel sargo vostano kai nakhel letar o pai ta nikada ios ni ka nakhen duk.
13
Ondaka e chei ka veselilpe ando chelipe, e terne ta i e phure, ta ka pharruvav lengo roipe ande veselia, ta ka dav len zor ta ka veseliu len katar lengi duk.
14
Ta ka veseliu e popo ande but ezgode, ta ka pravarav me foro me lachimaia, gia phenenl le o Del.
15
Gia phenda o Del: Iek avazi asundilo ando Rama, roipe ta baro kukipe, e Rakel rovel pala pe chaurre, ta ni kamla te den la zor pala lake chaurre, soke muletar.
16
Gia phenda o Del: Achav cho avazi katar o roipe ta e ausa katar che akha, soke cho rado ka pochindol, gia phenel o Del, soke ka irinpe katar e phuv e dusmanoki.
17
Si so te adurichare tutar mai angle, gia phenel o Del, ta e chaurre ka irinpe kai piri phuv.
18
Thodem sama ta asundem sar balavila o Efrain ta phenela: Chaladan man ta avilem dukhado sargo iek guruv terno ta divo, pharruv man, ta ka avav pharrudino, soke tu san mo Del o Gazda.
19
Soke kana durilem keisailem, ta kana diem man ando va kai cherden o bilachipe, chaladem me man pe mi chang, lallailem ta ni llanava so ka cherav, soke inllardem o lallao katar mo ternipe.
20
¿Inai mange o Efrain iek chaurro kai mol le but? ¿Inai vou iek chaurro kai me veseliu man lea? diem man golli letar suako llive. Goleke avila mange zao letar andral andar mo lio, chachimaia ka avel manga zalba letar, gia phenel le o Del.
21
Irisao chei katar o Israel, irisao kai che forura katar o drom kai llelan, thov vareso te dikhol po drom, thov ezgode bare, prezosar ta dik sar si o drom.
22
¡Ioi chorrie! ¿Gachin ios ka phire jasardi ta ni ka thove mange sama? Soke o Del ka cherel iak ezgoda nevi pe phuv: E diskinia ka llal pala o murus.
23
Gia phenda o Del kai si le sa e zor: O Del katar o Israel: Gaia orba ka phenen la ande phuv katar o Juda ta ande lake forura, kana me ka cherav te irinpe lenge llene kai si phangle: Te blagosil tut o Del, ioi than kote kai si o chachipe, ioi burdo santo.
24
Ta kote ka avel o Juda, ta ka aven llene kai radin e phuv ta e chobanura pe stokaia,
25
Soke ka chaliarav gole kai si chinio, ta ka pravarav gole kai si tristome.
26
Ondaka llungadilem, ta dikhlem kai mo suno avila mange drago.
27
O Del phenel: Aven llivesa, kai ka thovav te barion katar o Israel ta katar o Jakob, but manusa ta but zivirinie.
28
Gia sar cherdem lenchar te ikanav len, te zatriv len, te muriu len, te jasarav len, ta te dukhavav len, isto gia ka avav lenchar te vazdav o phagipe ta te thovav te barion pale, o Del phenel le.
29
Ande gola llivesa ni ka phenen ios: E dada jale e drakha sukle a e chavenge danda kirchin,
30
soke suako lleno ka merel pala piro bilachipe, e danda katar suako lleno kai ka jal e drak sukli ka kirchin pala leki dos.
31
O Del phenel kai aven llivesa, kai ka avel man aver alav e foroia katar o Israel ta o Juda.
32
Inai sargo o llive kana diem mo alav lenge paponen kana istardem lengo va te ikanav len katar o Ejipto, soke von phagle mo alav, a me sema lenge sargo lengo rrom, gia phenel le o Del.
33
A gava si o mo alav kai ka dav e Israele mapalal katar gola llivesa, gia phenel o Del: Ka dav mo zakono ande lengo mislo ta ka pisiv la ande lengo lio, ta me ka avav lengo Del ta von ka aven mo foro.
34
Ta niko ni ka sikavel avere, ta niko ni ka phenel pe phlaleke: Pinllar e Devla, soke sa ka pinllaren man, katar o mai minono lendar, llik kai o mai baro, gia phenel le o Del, soke ka prostiv dopas katar e llene ta ni ka dav man golli katar lengo bilachipe.
35
Gia phenda o Del, kai del o khan te avel villelo ollivesea ta o zakono katar e cheraia ta katar o chon te den villelo orachaia, kai fulavel e mora ta basen lake valura, o Del kai si le sa e zor si leko anav.
36
Te na avena gala zakonura angla mande, phenel o Del, ni ka avel angla mande ni o porodo katar o Israel te avel foro ostade.
37
Gia phenda o Del: Te llanena gia baro si upral o miloso ta te pinllarena so si telal katar e phuv, me ka chudav sa e porodo katar o Israel pala sa so cherde, gia phenel le o Del.
38
O Del phenel: Aven llivesa kai o foro ka avel vazdino e Devleke, katar o cher e Jananeeko llik kai o udar kai maladon e dui droma,
39
ta ka thoven mai dur o solo kai llindol lea e phuv mai angle katar burdo katar o Gareb ta ka bangarel katar o Goa,
40
ta sa e umal katar e esnage mule ta katar o prajo iagako, ta sa e umalia llik kai e len katar o Sedron, llik kote kai maladon e droma kai si o udar e grastengo katar likel o kham, ka avel santo e Devleke, ni ka avel zatrime ni phago nikada ios.
← Chapter 30
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 32 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52