bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Romani
/
Romani Ursari 2018 (Biblia Ande Chib Romani)
/
Jeremiah 32
Jeremiah 32
Romani Ursari 2018 (Biblia Ande Chib Romani)
← Chapter 31
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 33 →
1
O Del dia orba e o Jeremias, o burs desto katar o Sedekias charo katar o Juda, kai saia o burs desojtoto katar o Nabukodonosor.
2
Ondaka e boñikura e charoke katar e Babilonia thodepe truial katar o Jerusalem ta o profeta o Jeremias saia phanglo ande bar katar e rubie kai sea ando cher e charoko katar o Juda.
3
O Sedekias charo katar o Juda phanglaia le soke phenda gia: Gia phenda o Del: Me dav gale phuvia ande va e charoke katar e Babilonia ta ka lel la,
4
ta o Sedekias charo katar o Juda ni ka nasel katar e va e charoko katar e Kaldeura, soke ka avel dino ande va katar o charo katar e Babilonia ta ka del lea orba ta ka dikhel leko mui ta leke akha,
5
ta ka inllarel e Sedekiase ande Babilonia ta kote ka achel lligo ni ka avav te dikhav le, ta te mardan tut e kaldeonenchar, ni ka llal chuke sukar, gia phenel le o Del.
6
O Jeremias phenda: Alav e Devleko avilo mande:
7
O Janamel chavo katar cho kako o Samuel avel tute ta phenel: Chin mi phuv kai si ando Anatot, soke tu sai chinela.
8
Ta avilo mande o Janamel chavo katar mo kako, gia sar phenda o Del, pe bar katar e rubie ta phenda mange: Chin akana mi phuv kai si ando Anatot ande phuv katar Benjamin, soke chiri sai avel, ta tu sai pochinela, chin la chuke. Ondaka llanglem kai saia o alav e Devleko.
9
Ta chindem e phuv katar o Janamel, chavo katar mo kako, kai saia ando Anatot, ta phariadem leke e love, ta pochindem desefta tolaria rupune.
10
Ta pisisardem o lil ta thodem pe late o sello ta andem llenen te pisin i von pe late, ta phariadem e love angla lende.
11
Mapalal liem o lil katar e arli, pe lete saia o sello prema o zakono ta gia sar sam sikade ta aver lil putardo isto sargo o gua kai si phanglo.
12
Ta diem o lil katar e arli kai o Baruk chavo katar Nerias ta unuko katar o Majseias, angla o Janamel ta angla e llene kai pisisarde po lil, angla sa e judiura kai sea angla e rubie.
13
Ta angla lende phendem gia e Barukeke:
14
Gia phenda o Del kai si le sa e zor, o Del katar o Israel: Le gala lila katar e arli, gava lil kai si pe lete o sello, ta o gua kai si putardo ta thov len ande iek piri chikaki te na murinpe but vreme,
15
Soke gia phenda o Del kai si le sa e zor, o Del katar o Israel: Ka chinen chera, phuvia ta umalia drakhenge ande gaia phuv.
16
Ta kana diem o lil katar e arli kai o Baruk chavo katar o Nerias, molisailem e Devleke ta phendem:
17
¡Ioi Gazda Devla! Tu inzardan cho va ta cherdan o miloso ta e phuv che bare, tu sai chere sogo mange,
18
kai si chuke zalba katar but llene ta dukhave e chaven pala lenge dadengo bilachipe, baro Del, zuralo, Del kai si le sa e zor si leko anav,
19
baro ande orba ta glamno ande so chere, soke tu dikhe sa so cheren e manusa, ta de suakone prema so cherel,
20
tu cherdan te dikhon bare ezgode ando Ejipto llik allive, ta ando Israel, ta maskar e manusa, ta cho anav barilo gia sar llangliolpe allive.
21
Ta ikandan katar o Ejipto che foro e Israele bare ezgodenchar kai dikhon, che zurale vastea ta bare daraia,
22
ta dian len gaia phuv, ta dian cho alav lenge dadenge kai ka de la lenge, e phuv kai llal sargo pai o thud ta o aullin,
23
ta die ande goia phuv ta veselisaile, a ni asunde cho avazi, ta ni llele prema cho zakono, ni cherde so phendan lenge, goleke cherdan te perel pe lende sa gava bilachipe.
24
E kaldeura ka den ando foro kastenchar ta ka len le peke, ta ka avel dino o foro ande va katar e kaldeura kai marenpe lea, e jarniea, e bokhaia ta nasualimaia, gaia ezgoda cherdili gia sar tu phendan ta akana dikhe la isto tu.
25
¡Ioi Gazda Devla! ¿A tu phendan mange: Chin chuke e phuv e lovenchar, ta thov llenen te dikhen, a e phuv si dini ande va katar e kaldeura?
26
Ta avilo o alav e Devleko kai o Jeremias ta phenda leke:
27
Me sem o Gazda, o Del sa e manusengo, ¿Si vareso kai nasti cherav?
28
Goleke, gia phenda o Del: Ka dav gale phuvia ande va katar e kaldeura, ta ando va katar o Nabukodonosor charo katar e Babilonia, ta ka lel la.
29
Ta ka aven e kaldeura kai marenpe gale phuviaia, ta ka phabaren la, ka phabaren i e chera kai upral dena o thuv e Baaleke ta chudie e mol avere delenge, te joliaren man.
30
Soke e chave katar o Israel ta e chave katar o Juda cherde samo o bilachipe angla me akha sar kana sea terne, soke e chave katar o Israel samo joliarde man e bilachimaia kai cheren pe vastenchar, gia phenda le o Del.
31
Soke gava foro dia man joli ta joliarda man sar kana vazdie le llik akana, goleke ka lav le angla me akha,
32
pala sa o bilachipe katar e chave e Israeleke ta katar e chave e Judaeke, kai joliarde man, von, lenge charura, lenge sudura, lenge popura ta lenge poraukura, ta e murusa katar o Juda ta e llene kai zivin ando Jerusalem.
33
Von die man e zea ta ni die po mui, ta kana sikavava len rano bi te achav, ni asunde man te sikon.
34
Ta i thode o gadope ando cher kai phendol mo anav, ta meliarde le.
35
Ta cherde altarura e Baaleke, kai sea ande umal katar o chavo e Inomeko, te nakhaven katar e iag pe chaurren ta pe chorren e Molokeke, a goia ezgoda me ni phendem lenge techeren, ta ni saia ni ande mo mislo kai ka cherenle.
36
Ta pala sa gala ezgode akana o Gazda ta Del katar o Israel phenel gale foroke, kai tumen phenen: Ka avel dino ande va katar o charo e Babiloniako e jarniea, e bokhaia ta e nasualimaia:
37
Me ka chidav tumen katar sa e phuvia kai chudiem tumen ande mo silnope, mi joli ta mi bari duk, ta ka cherav te irin tumen kai gava than ta ka cherav te zivin kate bidarako,
38
von ka aven mo foro ta me ka avav lengo Del.
39
Ta ka dav len iek lio, ta iek drom te daran mandar ostade, te llal lenge sukar ta i lenge chaurrenge mapalal lendar.
40
Ta ka dav len mo alav ostade, kai ni ka dav man palpale te cherav lenge o lachipe, ta ka thovav mi dar ande lengo lio, te na durion mandar.
41
Ta ka veseliu man lenchar pala o lachipe kai ka dav len, ta ka thovav len chachimaia pe gaia phuv sa me liea.
42
Soke gia phenda o Del: Gia sar andem pe gava foro sa gava bilachipe, isto gia ka anav sa o lachipe kai phenav lendar,
43
ta ka avel len umalia ande gaia phuv kai tumen phenen: Pusti si, inai niko, inai ni manusa ni zivirinie, dini si kai e kaldeura.
44
Ka chinen tumenge phuv e lovenchar, ta ka cheren lila ta ka thoven pe lende o sello ta ka thoven llenen te dikhen e arli, ande phuv katar o Benjamin ta truial katar o Jerusalem, ta ande forura katar o Juda, ta ande forura kai si pe burdura, ta ande forura katar e Sefela, ta ande forura katar o Negev, soke me ka cherav te irinpe lenge llenen kai si phangle. Gia phenel le o Del.
← Chapter 31
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 33 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52