Joshua 19

Romani Baltic Latin (Biblija - Pe Baltitko Romani čib (Romanes) 2019)

← Chapter 18 Jump to: Chapter 20 →

1Javír žriébijo vygijá Simieonoske, Simieonoskire-čhavéngire rodycóske, pir léngire kherítka ródy (pliémi); i sys léngiri mištypnáskiri miéra maškír Judáskire-čhavengiri mištypnáskiri miéra.

2Dre léngiri mištypnáskiri miéra sys: Virsávija ci Ševa, Molada,

3Hacar-Šualo, Balá i Acemo,

4Jeltolado, Viefulo i Xorma,

5Cyklago, Bief-Markavofo i Xacar-Susa,

6Bief-Lievaofo i Šaruhieno: trijánda fórja léngire gavenca.

7Aino, Rimono, Jefiero i Ašano: štar fórja léngire gavenca,

8i saré gavá, savé sys pašýl dalé fórja až ke Vaalaf-Biejera, ci ke paš-dyvesýtko (južno) Ráma. Ĥáda, sys Simieonoskire-čhavéngire rodycoskiri mištypnáskiri miéra, pir léngire kherítka ródy (pliémi).

9Judáskire-čhavéngire rozdyibnastyr (učastkostyr) dyný sys miéra Simieonoskire-čhavéngire rodycóske. Adiáke syr Judáskire-čhavéngiro rozdyiben (učastko) sys drieván baró vaš lénge, to Simieonoskire čhavé i doresné mištypnáskiri miéra maškír léngiri mištypnáskiri miéra.

10Tríto žriébijo vypyja Zavulonoskire čhavénge pir léngire kherítka ródy, i tyrdyjape léngire-mištypnaskire mierakiri rig ke Sarido;

11I léngiri isyn miežakiri rig léngiri džála ke mórjo (derjáv) i ke Maralo i khetaniakirelape Dabiešefosa, i khetanakirelape sygnone rekicasa, saví isyn angíl Ioknieamomo.

12Saridatyr džála miéža pale ke vastočno rig, ke khameskiro ŭzgiiben, ke Kislof-Favoroskiri miéža; adathýr džála ke Davrafo i ĥazdélape ke Iafijo;

13adathýr prodžála ke vastóko dro Gief-Xiefiero, dre Ita-Kacyno, i džála ke Rimono, Mifoaro i Neja;

14i riskiréla miežakiri rig paš-ratiatyr (sievierostyr), ke Xanafono i lákiro jagóro pe dólo Iftah-Ela.

15Duredýr: Katafo, Nagalalo, Šymrono, Idiealo i Vifliejémo: dešudúj fórja léngire gavenca.

16Ĥáda, isyn Zavulonoskire-čhavéngiro meknó mištypén, pir léngire kherítka ródy (pliémi); ĥáda, isyn fórja i léngire gavá.

17Štárto žriébijo vygijá Isaharoske, čhavénge Isaharoskirenge, pir léngire kherítka ródy (pliémi);

18miežakire rigasa lengirjasa sys: Izriejeljo, Kiesulofo i Suniemo,

19Hafaraimo, Šyono i Anaharafo,

20Ravifo, Kišyono i Avieco,

21Riemiefo, Jen-Ganimo, En-Xada i Bief-Pacieco;

22i khetaniakirelape rig Favorosa i Šagacymosa i Viefsamisosa, i léngire rigakiro jagóro pašýl Iordáno: dešušov fórja léngire gavenca.

23Ĥáda, isyn Isaharoskire čhavéngiro rodycoskiro meknó mištypén, pir léngire kherítka ródy; ĥáda, isyn fórja i léngire gavá.

24Pándžto žriébijo vygijá Asiroskire čhavéngire rodycóske, pir léngire kherítka ródy;

25miežasa lengirjasa sys: Xielkafo, Xali, Vietieno i Ahsafo,

26Alamielieho, Amado i Mišalo. I khetaniakirelape miežakiri rig Karmilosa palatuné rigátyr i Šihoro-Livnafosa;

27tén'či (potom) džála pale ke khameskiro ŭzgiiben dre Vief-Dagono, i khetaniakirelape Zavulonosa i dolosa Iftah-Elasa paš-dyveséstyr, dro Bief-Jemieko i Nieijelo, i džála pašýl Kavulo, zervone (lievone) rigátyr;

28durydyr: Jevrono, Riehovo, Xamono i Kaná, ke Sidono baró;

29tén'či (potom) miéža risjola ke Ráma ke Tíro fóro zoralé tynosa, i riskiréla miežakiri rig ke Xosa, i jagóro lákiro pašýl mórjo (derjáv) dro štéto Ahziva.

30Duredýr: Uma, Afieko i Riehovo: biš te duj fórja léngire gavenca.

31Ĥáda, isyn Asiroskire-čhavéngiro rodycoskiro meknó mištypén, pir léngire kherítka ródy (pliémi); ĥáda, sys fórja i léngire gavá.

32Šóvto žriébijo vygijá Niefalimoskire čhavénge, Niefalimoskire čhavénge pir léngire kherítka ródy;

33miežakiri rig léngiri gijá Xieliefostyr i dubravendyr, so sys dre Cananima, ke Adami-Niekievo i ke Iavnieilo, ke Lakumo, i lákiro jagóro (krajo) sys pašýl Iordáno;

34adathýr risjola miéža pe zapado ke Aznof-Favoro i džála odothýr ke Xukoko, i khetaniakirelape Zavulonosa paš-dyveséstyr (jugostyr), i Asirosa khetaniakirelape zapadostyr, i Judasa pašýl Iordáno, khameskire ŭzgiibnastyr.

35Fórja zoralé tynénca isyn: Cydimo, Cero, Xamafo, Rakafo i Xinieriefo,

36Adamo, Ráma i Asoro,

37Kiedieso, Jedreja i En-Gacoro,

38Irieono, Migdal-Jelo, Xoriemo, Bief-Anafo i Viefsamiso: dešujenia fórja léngire gavenca.

39Ĥáda, sys Niefalimoskire-čhavéngire rodycoskiri miéra dro meknó mištypén pir léngire kherítka ródy (pliémi); ĥáda, sys fórja i gavá léngire.

40Danóskire čhavéngire rodycóske, pir léngire kherítka ródy, vygijá eftáto žriébijo;

41léngire mištypnaskire mierakire rigasa sys: Cora, Ještaolo i Ir-Šemiešo,

42Šaalavino, Aialono i Iola,

43Jelono, Fimnafa i Jekrono,

44Jeltiekie, Givviefono i Vaalafo,

45Igudo, Bienie-Vierako i Gaf-Rimono,

46Mie-Iarkono i Rakono miežasa nádur Iopijatyr. I vygijá Danóskire čhavengiri rig tykny vaš lénge.

47I Danóskire čhavé giné maribnása pe Lasiemo, i lyné les, i domardé les kurtalása, i doresné les dro mištypén péske, i lyné te dživén dre léste, i khardé Lasiemo Danosa pir péskire dadéskiro lav Dano.

48Ĥáda, isyn Danóskire čhavéngire rodycoskire mištypnáskiri miéra, pir léngire kherítka ródy; ĥáda, fórja i gavá léngire.

49Kiéli mekné jone phuv te rozden, pir lákire miéžy, tedy Izrailjoskire čhavé dyné maškír péste mištypnáskiri miéra Isusóske, Navinoskire čhavéske:

50pir Ráskiro-Devléskiro uphenybén dyné jone léske fóro Famnaf-Sarai, savó jov mangdiá, pe bérga Jefriemóskiri; i kerdiá jov fóro i dživdiá dre léste.

51Ĥáda, sys mištypnaskire miery, savé rašáj o Jelizáro, Isúso, Navinoskiro čhavó, i barydyrá pe stréčy rozdyne Izrailjoskire-čhavéngire rodycenge, pir žriébijo, dre Silómo, angíl Ráskire-Devléskiro muj, pašýl skedyibnaskire skinijakiro zagiibén. I mekné te rozden (te roskeren) phuv.

← Chapter 18 Jump to: Chapter 20 →