Revelation 8

Romani Baltic Latin (Biblija - Pe Baltitko Romani čib (Romanes) 2019)

← Chapter 7 Jump to: Chapter 9 →

1Kiéli Svénto Bakroró otphandia eftáto (bitrinentiro déšto) čergenorí, tedy jaciá štylypen pe bolybén pe paš mardó (štúnda).

2I me dykhcjom eftá Jangolen, savé sys terdé angíl Devléste, i lénge sys dyné eftá rógi (truby).

3I javdiá javír Jangólo i terdijá angíl altárjo. Léske sys dyný thuvengiri tyknori (kadila), kaj sys but fimiámo sob (kaj), kaj jov te čhuvél khetané mangipnenca sventoné manušéndyr pe suvnakunó altárjo, so sys terdó angíl trono.

4I fimiámo ĥazdyjápe khetané mangipnenca Devléske sventoné manušéndyr angíl Devléste Jangoloskire vastéstyr.

5I Jangólo lyjá thuvengiri tyknori (kadila), pherdiakirdiá la jagása altarjostyr i čhurdyjá la pe phuv: i sys zaniá i grómy, i bliskavícy, i phuvjákiro trinskiriben.

6I eftá Jangóly eftá (eftane) rogénca (trubenca) skedynépe te phurdén dre rógi.

7I pérvo Jangólo phurdyja dro péskiro rógo; jaciá ĥrado i jag, savé sys zmiešyndle ratésa i sys čhurdyné pe phuv. Tríto paš phuvjátyr xačija i tríto paš kaštendyr (drevendyr) xačija, i kažno zeleny čar xačija.

8I javír Jangólo phurdyja dre péskiri rógo i vari-savó dová, so sys sýrby bari bérga jagása, so xačolas, sys čhurdynó dro mórjo (derjáv). Tríto morjoskiri paš kerdiápe ratésa;

9i myjá tríto paš džidalendyr, savé dživéna dro mórjo (derjáv), i tríto paš parmendyr (korabliendyr) phadija.

10I tríto Jangólo phurdyja dre péskiro rógo: i bari čergen pyjá telé bolybnástyr, saví xačolas syr momolýtko (svietíl'niko), i pyjá pe tríto paš rekendyr (lenor'jendyr) i panieskire ĥanyngor'jendyr.

11Adalé-čergeniakiro lav isyn Polýno (Vérmulia); i tríto paniengiri paš jaciá kirke čarjasa, i but manušá myné paniendyr, pal-dová so jone jačné kirke.

12I štárto Jangólo phurdyja dre péskiri rógo: i tríto paš khameskiri sys otmardy, i tríto paš čhoneskiri, i tríto paš čergeniengiri, so kalyne; na sys dud (svéto) ni dro tríto paš dyvesýtko, ni adiáke-pac' ratítko.

13I me dykhcjom i šundjom jekhe orlós (kidós), savó vurnialas vučés dro bolybén, rakirí: “Bida, bída, bída odolénge, kon dživéla pe phuv, syr javír trin Jangóly javéna te phurdén dre rógi.”

← Chapter 7 Jump to: Chapter 9 →