Proverbs 28

Romani from Romanian (E Romaii Biblia 2020 (Kăldărărihko))

← Chapter 27 Jump to: Chapter 29 →

1Kukoa o nasul prastel bi te avel pala leste, ta o bibezexalo drăznil sar khă leo tărno.

2Kana sî mardimos andekh čem, sî but šeră, ta khă manušesa prinjeando thai zumado, o raimos nikrăl.

3Khă manuši čioŕo kai mekăl pe al mardine, sî sar khă šindimos norengo kai anel lipsomos manŕăhko.

4Kola kai mekăn e kris, lăudin koles le jungales, ta kola kai arakhăn e kris xolleaon pe leste.

5Le manuši dine koa nasul či atearăn so sî orta, ta kola kai roden le Raies atearăn sa.

6Mai but kučearăl o čioŕo kai phirăl ande pehko bibezexalimos, dă sar o bravalo kai phirăl pel droma sučimena.

7Kukoa kai arakhăl e kris, sî khă šeau prnjeandimahko, ta kukoa kai phiră le bilopînzîmenença kărăl lajau pehkă daddehkă.

8Kon butearăl pehkă bravalimata andoa sumadimos thai kamăta, tidele anda kukoa kai sî les milla le čioŕăndar.

9Kana varekon amboldel pehko kan kaste na ašunel e kris, orta i lehko rudimos sî khă prikăjimos.

10Kon xasarăl le manušen bibezexako po drom o nasul, perăl ande groapa kai xunadea la, ta le manuši bibezexako len o baxtalimos.

11O manuši o bravalo pateal pe xarano, ta o čioŕo kai sî prinjeandimahko rodeles.

12Kana izbîndin kola le bibezexale, sî khă bari slava, ta kana vazden pe le jungale, orsao garadeol.

13Kon garavel pehkă bezexalimata, či jeal angle, ta kon phenele tahi mekăl pe lendar, lel ierimos.

14Baxtalo le manušestar kai daral biatărdimahko, ta kukoa kai baŕarăl pehko illo perăl ando bibaxtalimos.

15Sar khă leo kai çîpil, thai sar khă riš bokhalo, kadea sî kukoa kai stăpînil pa khă poporo čioŕo.

16Khă voievodo bi atearimahko butearăl pehkă kărdimata le meklimahkătelal, ta kukoa so čidabadikhăl o xarvalimos lunjearăl pehkă des.

17Khă manuši savehko dii pherdo le ratesa avrăhkărăsa, prastel ji kai groapa: khonikh te na atărdearăles.

18Kon phirăl ando bibezexalimos, arakhăl o skăpimos, ta kon phirăl pe dui droma bangă perăl ande groapa.

19Kon butearăl pehko kîmpo sî les bravalimos manŕăhko, ta kon prastel palal butea khančeskă sî les bravalimos čiorîmahko.

20Khă manuši pateamno sî tasado andel dinedumadămišto, ta kukoa kai kamel te bravaol iekhatar či ašel bidošaldo.

21Nai mišto te rodes koa mui le manušengo, orta i anda khă kotor manŕo o manuši dašti del pe koa bezex.

22Khă manuši kîrkotako iuçol pe te bravaol, thai či jeanel kă o lipsomos avel pa leste.

23Kon çîrdel sama avrăngă, arakhăl mai but lašimos mai palal, dă sar kukoa la šibasa čeaŕmahkimasti.

24Kon čiorăl pehkă daddes thai pehka deia, thai phenel kă nai bezex, sî jeno le mudarditoresa.

25Kukoa o xîpalo kărăl čiungara, ta kukoa kai pateal pe ando Rai sî čealeardo ando bravalimos.

26Kon pateal pe ande pehko illo sî čealado, ta kon phirăl ando xaraimos avela skăpime.

27Kon del le čioŕăs, či nigrăl lipsomos, ta kon phandavel le iakha, sî pherdino armaia.

28Kana vazden pe kolal jungale, sakogodi garadeon, ta on kana xasaon, kola le laše buteon.

← Chapter 27 Jump to: Chapter 29 →

Recommended Reading

Commentary Proverbs Commentaries → Devotional Proverbs Devotional Guide → Get This Bible Romani from Romanian (E Romaii Biblia (Kăldărărihko)) Study Bible →