bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Romani
/
Romani Sinte 2024 (O Debleskro Lab 2024 (Sinte-Manouche))
/
Genesis 36
Genesis 36
Romani Sinte 2024 (O Debleskro Lab 2024 (Sinte-Manouche))
← Chapter 35
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 37 →
1
Kova hi ko liil, kay činlo hi pral o Esau peskre čaventsa. Yob kharell ninna Edom.
2
O Esau las peske douy romyen dran o them Kanaan: i Ada, lakro dad hi o Elon, ko Hetari; oun i Oholibama, lakro dad hi o Ana. Koleskro dad hi o Sibeon, ko Hivari.
3
Leskri triinti romni his i Basmat, lakro dad hi o Ismael. Lakro phraal hi o Nebayot.
4
I Ada anas o Elifas ap i phoub. I Basmat anas o Regouel ap i phoub.
5
I Oholibama anas o Yehoush ap i phoub, ninna o Yalam oun o Korah. Kolla hi i čave, kay o Esaeske bolde van an o them Kanaan.
6
Oun o Esau las peskre romyen oun peskre čaven oun čen oun i tsele menshen, kay an leskro kheer his, ninna peskre bakren oun peskre tsele firhen oun halauter, hoy les vas an o them Kanaan, oun djas peske an i vavar them, oun moukas peskro phrales Yakob.
7
Kova, hoy kol douyen his, his yaake boud, kay nashte djivenn le gar an yek them. An ko them his gar doha rhapaske lengre boud firhenge.
8
Oun o Esau, djivas ap o pralstouno them, hoy kharella Seir. O Esau hi o Edom.
9
Kolla hi i laba kol menshendar, kay venna pal o Esau. Yon hi i Edomarya, kay djivan ap o pralstouno them Seir:
10
Kolla hi i laba o Esaeskre čavendar: Elifas, ko čavo leskri romyatar Ada; Regouel, ko čavo leskri romyatar Basmat.
11
O Elifas las čave. Kolla his: o Teman, o Omar, o Zefo oun o Gatam oun o Kenas.
12
O Elifas, les his i douyti romni. Lakro lab hi Timna. Yoy anas o Amalek ap i phoub. Kolendar lauterendar hi o Esaeskri romni Ada i mami.
13
Ninna o Regouel las čave: Kolla his: o Nahat oun o Zera, o Shamma oun o Missa. Lengri mami hi o Esaeskri romni Basmat.
14
Oun kolla hi i čave o Esaeskri romyatar Oholibama: o Yehoush, o Yalam, o Korah. I Oholibama hi i čay ko morshestar Ana, leskro dad hi o Sibeon.
15
Oun kolla hi i raya, kay venna o Esaeskre čavendar: Leskro phoureder čavestar, o Elifas, venna o ray Teman, o ray Omar, o ray Zefo, o ray Kenas, o ray Korah, o ray Gatam, o ray Amalek. Kolla hi i raya, kay venna pal o Elifas an o them Edom. Lengri mami hi i Ada.
17
Oun kolla hi i raya, kay venna o Esaeskro čavestar Regouel: o ray Nahat, o ray Zera, o ray Shamma, o ray Missa. Kolla hi i raya, kay venna pal o Regouel an o them Edom. Lengri mami hi o Esaeskri romni Basmat.
18
Oun kolla hi i čave o Esaeskri romyatar Oholibama: o ray Yehoush, o ray Yalam oun o ray Korah. Kolla hi i raya, kolengri day o Esaeskri romni Oholibama hi, kolakro dad o Ana hi.
19
Kol tsele menshe oun lengre raya venna pal o Esau. Yon khetne hi i Edomarya.
20
Har vas o Esau peskre čaventsa oun lengre familye an ko them Edom, djivan kote i Horarya. Lengro phouro dad his o Seir. Leskre čave his i raya pral i Horarya: o Lotan, o Shobal, o Sibon, o Ana, o Dishon, o Ezer oun o Dishan.
22
O Lotan his o dad douy čavendar: o Hori oun o Hemam. O Lotanes his i pheen. Koya his i Timna.
23
O Shobal his o dad panč čavendar: o Alvan oun o Manahat oun o Ebal, o Shefi oun o Onam.
24
O Sibon his o dad douy čavendar: o Aya oun o Ana. Kova hi ko Ana, kay hatsas o tato pani an o moulo them, har das lo yak ap i bourike peskro dadestar Sibon.
25
O Ana his o dad i čavestar oun i čatar. Leskro čavo his o Dishon oun leskri čay his i Oholibama.
26
O Dishon his o dad star čavendar: o Hemdan oun o Eshban oun o Yitran oun o Keran.
27
O Ezer his o dad triin čavendar: o Bilhan oun o Saavan oun o Akan.
28
O Dishan his o dad douy čavendar: o Ous oun o Aran.
29
Kolla hi i raya pral i Horarya an o them Seir: o ray Lotan, o ray Shobal, o ray Sibon, o ray Ana, o ray Dishon, o ray Ezer, o ray Dishan. Pal lende van lengre menshe kharedo.
31
Oun kolla hi i bare raya an o them Edom glan ko tsiro, har vas i baro ray pral o them Israel:
32
O Bela his o baro ray pral o Edom. Leskro dad his o Beor. Oun ko lab leskro forestar his Dinaba.
33
Har o Bela meras, vas o Yobab dran o foro Bozra o baro ray. Leskro dad his o Zera.
34
Har o Yobab meras, vas o Housham o baro ray. Yob his dran o them Teman.
35
Har o Housham meras, vas o Hadad o baro ray. Leskro dad his o Bedad. Kova kouras pes i Midianarya an o them Moab oun das len. Oun ko lab o forestar, kay o Hadad djivas, his Avit.
36
Har o Hadad meras, vas o Samla dran Masreka o baro ray.
37
Har o Samla meras, vas o Shaul o baro ray. Yob his dran Rehobot pash o lengsto pani Eufrat.
38
Har o Shaul meras, vas o Baal-Hanan o baro ray. Leskro dad his o Akbor.
39
Har meras o Baal-Hanan, koleskro dad o Akbor his, vas o Hadar o baro ray. Oun ko lab peskro forestar his Paou. Oun ko lab peskri romyatar his Mehetabel. Lakri day his i Matred, kolakro dad o Mesahab his.
40
Oun kolla hi i laba kol rayendar, kay venna pal o Esau. Pal lende van pengre menshe kharedo. Ninna kol forya, kay djivan le, lan lengro lab: o ray Timna, o ray Alva, o ray Yetet, o ray Oholibama, o ray Ela, o ray Pinon, o ray Kenas, o ray Teman, o ray Mibzar, o ray Magdiel, o ray Iram. Kolla hi i raya pral i Edomarya an lengre forya an o them, kay lengro his. Lengro phouro dad hi o Esau. Lestar venna i Edomarya.
← Chapter 35
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 37 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50