Genesis 5

Romani Sinte 2024 (O Debleskro Lab 2024 (Sinte-Manouche))

← Chapter 4 Jump to: Chapter 6 →

1Kova hi ko liil, kay i laba činlo hi kol menshendar, kay van pal o Adam. Ap ko dives, har o Devel o menshes kras, kras les lo yaake har yob hi.

2Yob kras o morshes oun i djouvyat oun čivas peskri zoor ap lende oun das len ko lab mensho.

3Har o Adam 130 (sheel-te-triyanda) bersha phouro his, vas yob o dad i čavestar, kay vin dikas har yob. Oun das les ko lab Set.

4Koy pal, har o Set boldo vas, djivas o Adam 800 (orhta-sheel) bersha. Oun lestar van boud čave oun ča bolde.

5Leskro tselo djipen his 930 (enya-sheel-te-triyanda) bersha. Oun yob meras.

6Har o Set 105 (sheel-te-panč) bersha phouro his, vas lestar o Enosh boldo.

7Koy pal, har o Enosh boldo vas, djivas o Set 807 (orhta-sheel-te-efta) bersha. Oun lestar van boud čave oun ča bolde.

8Leskro tselo djipen his 912 (enya-sheel-te-deesh-te-douy) bersha, oun yob meras.

9Har o Enosh 90 (enya-deesh) bersha phouro his, vas lestar o Kenan boldo.

10Koy pal, har o Kenan boldo vas, djivas o Enosh 815 (orhta-sheel-te-deesh-te-panč) bersha. Oun lestar van boud čave oun ča bolde.

11Leskro tselo djipen his 905 (enya-sheel-te-panč) bersha. Oun yob meras.

12Har o Kenan 70 (efta-deesh) bersha phouro his, vas lestar o Mahalalel boldo.

13Pal kova, har o Mahalalel boldo vas, djivas o Kenan 840 (orhta-sheel-te-star-deesh) bersha. Oun lestar van boud čave oun ča bolde.

14Leskro tselo djipen his 910 (enya-sheel-te-deesh) bersha. Oun yob meras.

15Har o Mahalalel 65 (shob-deesh-te-panč) bersha phouro his, vas lestar o Yered boldo.

16Koy pal, har o Yered boldo vas, djivas o Mahalalel 830 (orhta-sheel-te-triyanda) bersha. Oun lestar van boud čave oun ča bolde.

17Oun leskro tselo djipen his 895 (orhta-sheel-te-enya-deesh-te-panč) bersha. Oun yob meras.

18Har o Yered 162 (sheel-te-shob-deesh-te-douy) bersha phouro his, vas lestar o Henok boldo.

19Koy pal, har o Henok boldo vas, djivas o Yered 800 (orhta-sheel) bersha. Oun lestar van boud čave oun ča bolde.

20Leskro tselo djipen his 962 (enya-sheel-te-shob-deesh-te-douy) bersha. Oun yob meras.

21Har o Henok 65 (shob-deesh-te-panč) bersha phouro his, vas lestar o Matusalem boldo.

22Koy pal, har o Matusalem boldo vas, djivas o Henok 300 (triin-sheel) bersha o Debleha. Oun lestar van boud čave oun ča bolde.

23Leskro tselo djipen his 365 (triin-sheel-te-shob-deesh-te-panč) bersha.

24Oun o Henok djivas o Debleha. Palle his yob bouder gar koy. O Devel las les krik.

25Har o Matusalem 187 (sheel-te-orhta-deesh-te-efta) bersha phouro his, vas lestar o Lamek boldo.

26Koy pal, har o Lamek boldo vas, djivas o Matusalem 782 (efta-sheel-te-orhta-deesh-te-douy) bersha. Oun lestar van boud čave oun ča bolde.

27Leskro tselo djipen his 969 (enya-sheel-te-shob-deesh-te-enya) bersha. Oun yob meras.

28Har o Lamek 182 (yek-sheel-te-orhta-deesh-te-douy) bersha phouro his, vas lestar yek čavo boldo.

29Oun yob das les ko lab Noah oun penas: “Mari boudi hi pharo ap i harhetikri phoub, kay čivas o baro Devel i bibarht pre. O Noah dell mare djia nevi zoor.”

30Koy pal, har o Noah boldo vas, djivas o Lamek 585 (panč-sheel-te-enya-deesh-te-panč) bersha. Oun lestar van boud čave oun ča bolde.

31Leskro tselo djipen his 777 (efta-sheel-te-efta-deesh-te-efta) bersha. Oun yob meras.

32O Noah his 500 (panč-sheel) bersha phouro oun lestar van o Sem, o Ham oun o Yafet boldo.

← Chapter 4 Jump to: Chapter 6 →