Ecclesiastes 11

Shilluk DC Bible © Bible Society in South Sudan, 2011

← Chapter 10 Jump to: Chapter 12 →

1Nyi muuj, mɑ́ yï óyïddi ki köögi kì bøli keny megø.

2Nyi cïb jɑmmí kɑ̈jj mø gïïr, mɑ́ rɑjj-ɑ óbï kömí kwïj yi yïn.

3Yɑdh nyi cöög-ɑ tung-ɑ ɑ́pɑ̈dhe ceth. Kenyi lunyi pøøl, kødh nyi ceg-ɑ mɑ̈gø ceth.

4Keløg yï yïd-ɑ yømø o cunge, o piny kwöje, yï pɑ kɑ̈gø, o bong byel møg-ɑ ókɑj yi yïn.

5Jɑmmì bënn ɑ́gwøg-ɑ yi Jwøk, o gïn-ɑ gwøg yi en, pɑ cuggi gɑmø yi wïjí, kwïj yi yïn kër-ɑ nyi gwøøg cu dhɑnhø kì yij meye.

6Nyi kɑ̈ɑ̈g kì mwøl kí böörø, mɑ́ e kwïj yi yïn keløg ɑ́ møg-ɑ ɑ́wën ɑ ótwïy kì kelli gen, wɑlɑ̀ ɑ ócyeg kidøøj.

7Bëëdi dhɑnhø e onëënø bɑ gïjø me myër, nenni cɑ̈ng myëër cɑrø.

8Bëëd pyëwí med yethi cyɑ̈ng, mɑ́ thøø óbï, o thøø bɑ̈r kibøli nënnì. Bong gïndøj me cuggi ngɑ̈dhø.

9Yɑɑg thønhø, med pëthi wun ki bëëdi wööbø geki jurø. Gwøgu gïg-ɑ dwɑddi yi pëthi wun, ɑ nenni yi wun. De ngɑ̈nyu wøw kinni, kwøbbi wun ólidh yi Jwøk e ködd-ɑ kömi gïgɑni bënn.

10Yï ko nyi kïïm, kɑ pyëwí ko nyi rɑ̈ɑ̈m, mɑ́ yï koo cög yï thiinh.

← Chapter 10 Jump to: Chapter 12 →