2 Corinthians 10

Sidamo

← Chapter 9 Jump to: Chapter 11 →

1Ani Phaawuloosi ki'ne ledo noommo geeshsha jooge, ki'newiinni xeerti'reemmo woyite kayinni uggoommo'nehu, Kiristoosi shaqqillinninna danchummanni huucci'reemmo'ne.

2Dayemmo woyite, ninke tenne gobba hedo garinni coyi'neemmore assite heddannorira kaajjishe coyi'ra hasi'reemmo; ki'nera kayinni hatto asse coyi'reemmo gede assitinoonte"e.

3Tenne gobbara hee'neemmore ikkinummorono, olinke tenne gobbahu gedeeha di"ikkino.

4Olunnihu bagadinke tenne gobbahu gedeeha di"ikkino. Qiisho diigate kayinni Maganu wolqa ledo nooho.

5Maganu egenno aana ka'anno boo'na baala diingeemmo. Kiristoosira hajajantanno gede mannu hedo baala qafandeemmo.

6Hajajama'ne guuttanno woyite, hajajama giwa qorichishate qixxaamboommo.

7Ki'ne aaniido calla la'inanni. Ayino Kiristoosiha ikkasi buuxe afinoha ikkiro, isinte gede ninkeno Kiristoosire ikkinoommota huwato.

8Mootichu uyinoe roorre ki'ne dhaawateeti ikkinnina diigate di"ikkino. Kunnira tenne roorre ku'la'yara disaaleemmo.

9Sokka'yanni waajjishiisheemmo'neha lawoonke'ne.

10Mitu mitu manni, «Phaawuloosi sokka ayirritannotenna kaajjadote; manninatesi la'nanni woyite kayinni wolqiweeloho. Hasaawisino ditidhinoho» yitanno.

11Hatto yaanno manni, ninke xeerti'ne hee'ne borreessine sonkeemmo sokkankenna ledo hee'ne loonseemmori mereero badooshshu nookkita egenno.

12Ikkollana insanaa naaddannori mitu mitu ledo ninkenee ditaashshineemmo; taashshateno dihasi'neemmo. Insa kayinni insanaa mimmitinsa ledo taashshitanno; hattenneno diwodanchitanno.

13Ninke kayinni danna sa'ne diadawadhineemmo; adawadhineemmohu Maganu uyinonke loosinninna ki'newa iillitanno soqqanshonke deerrinniiti.

14Ki'ne heedhinoonnihuno loosinke danni giddo ikkinohura, Kiristoosiha Dancha Duduwo kulate ki'newa dangummo yannara hakko danna disa'noommo.

15Kunnira ninke Maganu uyinonke danna sa'ne, wolu manni loosi giddora e'ne diadawadhineemmo. Roorenka amma'na'ne lophitanno gedenna loosinke Maganu uyinonke danni giddo mereero'ne hala'lanno gede hexxineemmo.

16Kunni ka'a wolu manni loosino loosi giddora e'ne, balanxe loonsoonni loosinni adawadhinummokkinni, ki'nera ka'aanni noo gobba marre Dancha Duduwo kula dandiineemmo.

17«Adawadhannohu Mooticha adawadho»

18Mancho naada dandiinannihu Maganu naadisirooti ikkinnina, isi isonoo naaxxeenna di"ikkanno.

← Chapter 9 Jump to: Chapter 11 →