2 Corinthians 12

Sidamo

← Chapter 11 Jump to: Chapter 13 →

1Adawadha kaa'litannori nookkita ikkiturono, adawadha hasiissuro Mootichu uyinoe xawishshinninna ajuujanni adawadheemmo.

2Kiristoosiha ikkinoha mitto mancho egennoommo. Konne mancho tonaa shoolu diri albaanni sayikki gordi giddora haa'noonnisi. (Haa'noonnisihu maalunkunni ikko ikka hoogo afoommori dino. Maganu kayinni afino).

3Kuni manchi Gannate einota kayinni afoommo. Maalunkunni einoronna hoongoro kayinni diafoommo. Maganu afino.

4Isi Gannate hawulukame mannu qaalinni leellannokkihanna coyi'ra dandiinannikki coye macciishshino.

5Hattoo manchinni naaxxeemmo. Anera kayinni wolqiweelle'ya ka'a naaxxeemmori dinoe.

6Ani halaale coyi'reemmo daafira naaxxate hasi'rummoro gowwa di"ikkeemmo. Ikkollana ayino ane aana la"annohunninna anewiinni macciishshannohunni aleenni sayise hedannokki gede naaxxa qoropheemmo.

7Kunni xawinoehu jawu coyinni kainohunni boo'neemmokki gede mannimma'ya utu gede qasanno qarra uyinoonnie. Kunino Sheexaanu sokkaancho ikke runkute qarrisanni boo'neemmokki gede assannoe.

8Kuni runkutannoe coyi aani'yanni ho'lanno gede Mooticha sase hige huucci'roommo.

9Isi kayinni, «Ane wolqa guutte leeltannohu ate wolqiweelle aana ikkinohura elto'ya ikkitannohe» yiinoe. Kunnira Kiristoosi wolqa aana'ya fooliishshidhanno gede, albinni roorse wolqiweelle'yanni naaxxa baxeemmo.

10Wolqa afi'reemmohu wolqiweeleemmo woyite ikkinohura, Kiristoosi daafira yee wolqiweelummoro, xonamummoro, mitii'mummoro, xiiwamummoro, qarramummoro tashshi yaannoe.

11Naaxxa'yanni gowwa ikkoommo. Togo coyi'reemmo gede assitinoonnieri ki'neeti. Ane galata hasiissanno'neri ki'neeti. Ewelumma'ya afa hoogginirono, bayirraaddu soqqaamasinewiinni dixe"eemmo.

12Ani halaalaancho soqqamaasincho ikkoommota, ani ledo'ne hee'rummo yannara cincatenni loosoommo malaati, dhaggenna maalale leellishshanno.

13Ki'nera duha ikka hooga'ya agurranna ki'ne wole beetekiristaannawiinni ajishoommo'nehu mayinniiti? Tini sao ikkitinoro agurre"e.

14Ki'newa daate qixxaawanna tini sayikkite. Duha ikkammo'nera dihasi'reemmo. Ani ki'ne ikkinnina woxe'ne dihasi'reemmo. Oosonsara woxe miinjitannori iltinonsareeti ikkinnina ooso iltinonsarira woxe dimiinjitanno.

15Ki'ne daafira woxe'ya agurranna anenee sayise uummoro nafa tashshi yaannoe. Ani ki'ne lowo geeshsha baxanna'ne ki'ne shiima geeshshalla baxxinannie?

16Ikkitano ikkiro duha di"ikkoommo'ne. Ki'ne xagarrotenninna dogatenni amadoommo'neha lawanno'ne.

17Soyummo'ne manni mittu widoonni qole nafa mogummo'neni?

18Tiito ki'newa daanno gede huucci'roommo; hakkonne rodoonke isi ledo soommo. Anfina, Tiito mogi'neni? Aninna isi soqqammoommo'nehu dimitte hedonniiti? Qaafonke dimittete?

19Xaa geeshsha ninkenee gargadhinanni hee'noommoha lawino'ne? Ninke Kiristoosi widoonni hinge coyi'neemmohu Maganu albaanniiti. Jaalla'ya, ninke konne baala coyi'neemmohu ki'ne keereensateeti.

20Ki'newa dayemmo woyite, miteekke ani hasi'reemmo gede ikkitinikkinni, anino ki'ne hasidhinanni gede ikkummokkinni xaandeemmo yee waajjeemmo. Ki'ne giddo gibbo, hinaasu, hanqu, umo baxa, gosoomu, heme, boo'nanna cancu hee'ranno yee waajjeemmo.

21Galagale ki'newa dayemmo woyite, miteekke Magani'ya ki'ne albaanni shollishannoe yee waajjeemmo. Kunni albaanni cubbo loose, hattenne loosino battewiinni, foorretewiinni, busha hamaandewiinni aagintaawe higinokki manni daafira dadillu amadannoe yee waajjeemmo.

← Chapter 11 Jump to: Chapter 13 →