2 Corinthians 7

Sidamo

← Chapter 6 Jump to: Chapter 8 →

1Kunnira baxillaasine'ya, tini hexxo heedhunke woyite, Magano waajjatenni co'onta qullaawoota ikkine manninatenna ayyaana batteessannori baaluwiinni umonke keereensi'no.

2Ninkera wodana hala'lenke. Ayerano sao diassinoommo; ayeno dimiincoommo; aye qiniiteno diadhinoommo.

3Togo yeemmohu bushiishammo'nera ikkikkinni, balaxe kulummo'nente gede mitteenni reyinammoranna mitteenni hee'nammora wodaninke giddo heedhinoonni yoommohuraati.

4Ki'ne lowo geeshsha addaxxeemmo'ne; ki'nenni lowo geeshsha naaxxeemmo; lowo geeshsha jawaatoommo. Qarrinke baalu giddo hagiirri'ya bati'raho.

5Meqedooniya iillinummo yannara nafa, ragu baalunni qarru bati'rinonketa ikkinnina manninatinke horonta fooliishsho diafi'rino. Gobbaanni koma, giddoonni qole waajjillu amadinonke.

6Dadillitinore jawaachishanno Magani kayinni, Tiito daa widoonni qole jawaachishinonke.

7Jawaantoommohu Tiito daa callatenni ikkikkinni, sinsinnaawa'nenna yaada'ne, qoleno anera noo'ne laala kuleennanke albinni roore hagiidhoommo.

8Borreesse soyummo'ne sokka dadillissino'neha nafa ikkiro, soya'yara digaabbeemmo. Gaabbeemmoha ikkoommerono, shiima yanna calla dadillissino'neta afoommo.

9Hagiidhoommohu ki'ne dadillitinoonnihura ikkikkinni, dadilla'nenni aagintaabbine higginoonni daafiraati. Dadilli'ne Maganu hedo garinni ikkinohura, ninke dimiincoommo'ne yaate.

10Maganu hedo garinni dadillinanni dadilli aagintaambanni gede asse gatote widira qole haa're ha'ranno. Tenne gobba dadilli kayinni reyo abbanno.

11Maganu hedo garinni ikkino dadilli: hiittoo hixamanya, ki'nenee keereensi'rate hiittoo diinaggaawa, hiittoo hanqo, hiittoo waajja, hiittoo quqquxama, hiittoo laala, hiittoo qoricha mereero'ne wori! Kunni coyinni fayyaaleeyye ikkitinoonnita duuchunku garinni egensiissinoonni.

12Borrote sokka soyummo'nerono, ninke daafira jaatanaabbinoonni gara Maganu albaanni leellishate ikkinnina, sao assinohuranna sao assinoonnisi manchira yee di"ikkino.

13Jawaantoommohu kunninniiti. Ninke jawaante calla ikkitukkinni, Tiito wodani ki'ne baalunkunni fooliishshi'rinota anfe lowo geeshsha hagiidhinoommo.

14Ki'nenni naaxxoommota Tiitora kuloommo; ki'neno disaalfachishshinoonnie. Kulloommo'ne coyi baalu kayinni halaaleho. Ki'nenni naaxxanke Tiito albaannino adda ikkitino.

15Tiito hajajantinoonnisitanna haadhinisi yannara waajjitine huxidhinoonni gara qaaganno woyite, ki'nera noosi baxilli lowo geeshsha bati'rino.

16Ki'ne wo'mantenni addaxxoommo'ne daafira tashshi yiinoe.

← Chapter 6 Jump to: Chapter 8 →