bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Sidamo
/
Sidamo
/
Jeremiah 2
Jeremiah 2
Sidamo
← Chapter 1
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 3 →
1
Kaaliiqi,
2
«Yerusaalame marte mannaho, «Kaaliiqi yaannore macciishshe: Ati seemo nootta waro, mageeshshi geeshsha ammanamoottaro qaageemmo. Idayichimma nootta warono, mageeshshi geeshsha baxattaero seekke afoommo. Halallitte gobbara mitturi nafa mu'rannokkiwa, ane hoode ha'rootta.
3
Israeele ati anera umi laalchooti; ati anera baxxootta qeechaati. Kunni daafira ate gawajjate hasi'rannohu baalu aana, qarranna mitiimma dirrisoommo. Konne coye coyi'roommohu ani Kaaliiqaati» yii.
4
Ki'ne Yaiqoobi sirchi, Israeelete ilama baala, Kaaliiqi coyi'rannore baala macciishshe.
5
Kaaliiqi, «Akaakka'ne anewiinni ma"asseennansa faffino? Kaphu maganna magansidhanni insanaa mullare assitino.
6
Ani insa wode, Gibitsete gobbanni fushshoommonsa; halallitte baattorano massagoommonsa; boonna batidhino baatto, moollenna qarru bati'rino darga, ayino hee'rannokkiwanna, milli yaannorichi nookki widoonni qole sayisoommonsa. Insa kayinni, ‹Togo assinke Magani hiikki?› yite dihasidhinoe.
7
Laalchosenna wole atoote baala ittanno gede, danchanna shaqqado gobba haa're abboommonsa. Insa kayinni baatto'ya batteessitu; iqqa asse oommonsata baatto'ya huntu.
8
Qeesootuno, ‹Kaaliiqi hiikko no?› yite dihasidhinoe; aneno diegentinoe. Gashshaanonsano anera maahoyye gibbu; himanaanono Ba"aali su'minni himana coyidhu; kaa'litannokkita kaphu maganna magansidhu» yii.
9
Qolleno Kaaliiqi, «Ani Kaaliiqi ki'ne xaano yoote dargira haa're masseemmo; ki'nenna ilama'ne yoote dargira haa're masse, bunshe'ne kuleemmo.
10
Galchimi ragaanni higgine Qophiroosi Giddicho tayissine sa'iniro nafa, woy soojjaati ragaanni higgine Qeedaari baatto iillitinirono, kunninni aane noo coye ikkannoro hanni la'e:
11
Halaalaano maganna ikka hoogguro nafa, magannansa soorridhinoti wole gosa dino. Ki'ne ayirrinye'ya uddisiisoommo'neri, manni'ya kayinni ane Magano'ne agurtine, mittoreno kaa'litannokkirinni, kaphu magannanni soorritinoonnie.
12
Kunnira ani Kaaliiqi, gordu baalu waajje, mase huxi'ranno gede hajajeemmo.
13
Ki'ne manni'ya 2 cubbo loossinoonni; heeshshote buicho ikkoommoha ane agurtinoonnie; waa ki'annokkita foonfa balla u'mitinoonni» yii.
14
Lede Kaaliiqi, «Ki'ne Israeelete manni borojjimmatenni di"ilantinoonni; diinna'ne kayinni qafadde mulqidhanno'ne.
15
Diinna'ne doobbiyu gede ittantu; baatto'ne mullicho assitino; katamma'neno giirante mannu hee'rannokkita ona ikkitino.
16
Memfiisinna Xafinaasi yinanni katammanni dagginori, sammo'ne cancantino.
17
Kuni ikkinohuno massageemmo'neha, ane Magano'ne Kaaliiqa agurtineennaati.
18
Xa Gibitse mayira addaxxitini? Abbayi Waa aga hasidhineetini? Asoori mayira addaxxitini? Efiraaxisi Waa aga hasidhineetini?
19
Umi'ne bunshe qorichishshanno'ne; anera badhe wodha'ne qoricha abbitanno'ne. Ane Magano'ne Kaaliiqa agura'nenna, anera uyitinanni ayirrinye ho'la'ne, mageeshshi geeshsha qaraaronna bunshe ikkitinoro affinanni. Konne coye coyi'roommohu ani Olantote Mootichi Kaaliiqaati» yii.
20
Kaaliiqi qole, «Ki'ne Israeele, kuneeti lowo yannanni kayissine, qambara'ne hiiqqidhine usura'neno tidhitinoonni; soqqamanna magansi'ra gibbinoonnie. Jajjabba ilaallaranna lowiddaanna haqqe hunda, wole maganna ledo foortinoonni.
21
Ani danchu dooraminohu woyinete kaashshi gede asse kaasoommo'ne; ki'ne kayinni soorrantine dubboho bainohu woyinete kaashshi gedeere ikkitinoonni.
22
Haraanjunninna lowo saamuninni hayishshidhinirono, sao'ne xuri ane albaanni gudisame leellanno.
23
‹Umonke dibatteessinoommo; kaphu maganira Ba"aalira horonta dikumbuulloommo› yitine mayira morontinanni? Lagichaho cubbo loossine assitinoonni batte hanni la'e; labbaa gaala hasidhanni raataabbanno gaala gede, ki'neno wole maganna magansi'rate hatto ikkitinoonni.
24
Dubboho hee'ra rossinoti gobba harricho, kormitara hasidhanno yannara, ittisasera dandaannohu nooni? Gobba heedhannoti xawu wodalla noowa, suuffanni martanno daafira, insa ise hasidhanni didaafurtanno.
25
Israeele, wole maganna ledo foorate, lekka'ne dhodhookka geeshsha doddinoonte; kokke'ne moolta geeshsha goodhinoonte yoommo. Ki'ne kayinni, ‹Dee'ni! Ninke kaphu maganna banxoommohuranna, insa hoode ha'rate murci'noommo daafira dihingeemmo› yitinoonni» yii.
26
Kaaliiqi, «Mooraanchu amadame saalfatannonte gede, ki'ne Israeelete manni, mootoolla'ne, gashshaano'ne, qeesooti'nenna himanaano'ne baalu saalfattinanni yanna dagganno.
27
Ki'ne anewa higa gibbine haqqicho, ‹Annankeeti› kinchono, ‹Amankeeti› yitinanni daafira, saalu amadanno'ne. Qarru iillanno'ne yannara kayinni, ‹Amo gatisinke› yitinannie.
28
«Ki'ne anga'nenni seekkidhiniti kaphu maganna hiikkituyya? Katamma'ne batidhunte gede, maganna'neno batidhino daafira gatisso'nena insa huucci'ra mayira gibbini?» yii.
29
Kaaliiqi lede Israeelete, «Ane ledo mayira yekkeerantini? Baalunku anera gara gibbinoonnie.
30
Seejjantinannikkire ikkitinoonnihura, ani ki'ne qorichisha'ya haafaho. Himanaano'ne, hanqino doobbiichi gede ikkitine shitinoonni.
31
Ki'ne Israeelete manni yeemmo'nere macciishshe. Ani ki'ne moola baattora woy beebbu tunsichira hune agurummo'neni? Ki'ne diane mannaati? ‹Hasi'nummo gede ikkineemmo ikkinnina atewa dihingeemmo› mayira yitinanni?
32
Seemo beetto irrase, idayicho idayichimmate imaanase habbannoni? Manni'ya kayinni ane batinye hige hawinoe.
33
Ki'ne wole haaro ella hasi'rate lowo geeshsha busultinoonnireeti. Kunnira lowo geeshsha foorrete egennamino meenti nafa ki'newiinni rosanno.
34
Imaani'ne mulqi'nanna fultino'ne mundeenni ikkikkinni, keeraanotenna buxanete mundeenni baino.
35
«Konne assitine heedhine, ‹Ninke keeraanote, kunni ka'a Kaaliiqi dihanqannonke› yitinanni. Ani kayinni cubbo diloonsoommo yitinoonni daafira qorichisheemmo'ne.
36
Wole gobba manni maganna hoode hadhine umo'ne shollishshinoonni. Kunni albaanni Asoori manni shollishi'nente gede, xa qole Gibitsete manni shollishanno'ne.
37
Saalfattine anga'nenni alba diphitine Gibitsetenni higginanni; addaxxitinoonnire baala ani giwoommo daafira insawiinni mittoreno diafidhinanni» yii.
← Chapter 1
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 3 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52