bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Sidamo
/
Sidamo
/
Jeremiah 6
Jeremiah 6
Sidamo
← Chapter 5
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 7 →
1
Kaaliiqi, «Ki'ne Biiniyaami manna! Qarrunna bao aliyye raginni dagganni noona, gattinanni gede Yerusaalametenni fultine xooqqe. Teqoa katamira xurumba ufuuffe; Beetihakaremi katamirano malaateho giira giirre.
2
Ate xu'moottohanna biifoottoha, Tsiyooni katama huneemmo.
3
Allaalaasine hoshshansa adhite daggannohu gede, mootoolla olantonsa adhite dagge, Yerusaalamete katama amaddanno. Olantonsa wodhitanno dukkanna base baalate qasidhe, kalote giddo farsha yee noo ge'reewi gede ikkitanno» yii.
4
Mootoollano, «Yerusaalame qasate qixxaabbe! Barru taalo bala tungeemmona ka'e! Keeshshanke gara di"ikkitino; yanna hawarritanni no; arrishshono e'araati.
5
Ka'e, hashsha fulle kataminsara bala tunge, qiishonsa diingona» yitu.
6
Olantote Mootichi Kaaliiqi mootoollate, «Haqqe dolle; Yerusaalamete gaangaawira, bushsha duuntine qiisho seekke; giddosi bunshe wo'mitino daafira qoricha adha hasiissannosi.
7
Balete giddonni wayi fulannohu gede, Yerusaalamete kataminni bunshe fultanno; isi giddonni fultannota, beebbatenna barshu raare macciishshoommo; wo'manka woyite dhibbanna mada calla anfanni.
8
Ki'ne Yerusaalamete manna, kuni qarri ki'nera qorophishiishsha ikko'ne; gibbiniro kayinni badhe wodheemmo'ne; katama'ne onche ayino hee'rannokkiha asseemmo» yii.
9
Olantote Mootichi Kaaliiqi, «Gattinota woyinete laalo co'o assine xinqinannihu gede, diinu Israeelete gobbara noore baala co'o asse gudanno; woyinete xaro xinqi'ranno manchi gede, anga'ne sinnate aanira diriirse» yiie.
10
Anino qole, «Mannaho qorichishattonsata kuloommo; insa kayinni macciishsha gibbe oso'litino.
11
Mooticha'ya, ate hanqi ane giddono buwanni no; giddo'ya amade keeshshiisha didandoommo» yoommo. Kaaliiqino, «Hanqo'ya doogote aana noo qaaqquulli aananna, gamba yite noo wedelli aana duni; ayiddaannanna ayiddaama mitteenni haa'nanni; lowo geeshsha geedhino geerri nafa digatanno.
12
Ani Yihudu manna qorichisheemmo yannara, mininsa, gatinsanna galtensa nafa gattukkinni, wolu mannira sayise eemmo. Konne coye coyi'roommohu ani Kaaliiqaati.
13
Mannu baalu hanaaqunni woxe duu'nanno; himanaanonna qeesootu nafa manna dogganno.
14
Manni'ya mada mullare assite kiirtanno; xagichono digantanno. Keeru nookkiha, ‹Keereholla! Keereholla!› yitanno.
15
Konne battete coye baala assansanni saaltinoni? Horo hanukkino diyitino; saalu maatirono diegentino. Kunnira wolootu ubbu gede insano ubbanno; qorichisheemmonsa yannara, hakkiichi gawalonsa ikkanno. Konne coye coyi'roommohu ani Kaaliiqaati» yii.
16
Kaaliiqi Israeelete mannira, «Lame doogo xaaddannowa uurritine la'e! Albitinna woyyitanno doogo hiittenneetiro xa'mitine affe! Affinihu gedensaanni, hattenne doogo higgine hadhe! Lubbo'nera fooliishsho afidhinannina» yiinsa. Mannu kayinni, «Tenne doogo hinge diha'neemmo» yii. Kaaliiqi,
17
«Ani qarru daanni noota kulte qorophisiissara, himanaano soommo; himanaano xurumba ufuuffuta, insa kayinni, ‹Dimacciishshineemmo› yitino» yii.
18
Kunni daafira Kaaliiqi, «Ki'ne baattote aana heedhinoonni gosa baala, manni'ya aana asseemmore baala seekkitine buuxxe.
19
Baatto macciishshi! Manni'ya ane mishinoe; hajajo'yano agadha giwino. Busha coye assate ma'lino; xa hatti heddino bunshe insara dagganno.
20
Ki'ne Yihudu manna! Saaba gobbanni hixaana, fafo gobbannino su'niitanno qimame abbitinoonnie; addi addi kakkalono kakkaltinoonnie; kuni anera ma assannoe? Konne abbitinoonnie afansha baala giwoommo.
21
Kunnira konne manna sarraaqe karannore woreemmo; annuwanna ooso, olliichunna darawo, mannu baalunku gatikkinni mitteenni reyanno» yii.
22
Kaaliiqi, «Aliyyera qoltine la'e! Kune fafo gobbara heedhannoti wolqaataame gosa, olaho qixxaabbanni no.
23
Insano digaananna urde amaxxite nooreeti; kaajjaddahonna marartannokkireeti; faradinsa hirbi dambalu gedeeho. Yerusaalame! Kune insa ate qassara dagganni no» yii.
24
Yerusaalamete manni insa insanaawa: «Konne duduwo macciishshinummota wolqanke daaqqu; game amaddino mancho gede, masillunna yaaddo amaddinonke.
25
Xawo higgine fultinoonte; doogoteno kawanna ka'a ha'rantinoonte; base baalate olu noona umo'ne agadhe» yitu.
26
Kaaliiqi mannisira, «Guda'nera dayino diini, hedeweelcho bala tuga'neraatina, xiddu uddano uddidhine buluulu aana ofolle! Afi'rinoha mitto beetto shii'rino manchi gede, hururantine wi'le.
27
Ermiyaasi! Siwiila giirate worre fonqollannihu gede, manni'ya hiittoohoro hanni fonqolte lai.
28
Insa baalunku siwiilunna camote gedee kaajjaddaati; hettisama giddo wo'mitino haxawarrootaati; wo'manka woyite kapho calla gobba tuqissanno.
29
Siwiila tumannohu siwiilu aaninni xilla kayisate, giirate wore buufunni buufanno; manni'ya aaninni bunshe dika'annona, beebballa buunfanni daafurranni.
30
Manni'ya kunni garinni bushino; bunshe insawiinni horonta bande hoola didandiinanni. Ani Kaaliiqi giwoommonsa daafira, mannu, ‹Hunnoonni birraati› yaannonsa» yii.
← Chapter 5
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 7 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52