bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Sidamo
/
Sidamo
/
Jeremiah 44
Jeremiah 44
Sidamo
← Chapter 43
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 45 →
1
Gibitsete gobbara Migidooli, Xafinaasinna Memfiisi yinanni katammara, qoleno Phatiroosi yinanniwa wodiidi gobbara noo Israeelooti baalaho,
2
Ani Israeelete Magani Olantote Mootichi Kaaliiqi: «Yerusaalametenna Yihudu katamma baalate abboommo bao ki'ne umi'ne affinoonni; kune xaa geeshsha mannu hee'rannokkiha diigantinowa no.
3
Kuni ikkinohuno, bunshe assatenni hanqissinoe daafiraati. Kaphu magannarano kakkaltino; insa ki'neno akaakka'neno egentinoonnikki maganna magansidhino.
4
Ani giweemmoha hakkonne busha coye assitinannikki gede kulta'nera soqqamaano'ya himanaano marro marro hige soommo'ne.
5
Ki'ne kayinni kultino'nere dimacciishshitinoonni; hajano diassitinoonni; bunshe'newiinnino dihigginoonni. Kaphu magannara kakkalano diagurtinoonni.
6
Kunni daafira, Yihudu katammaranna Yerusaalamete dooggara hanqo'yanna aara'ya dirrise giirantanno gede assoommo. Kune techo la'inanninte gede diigante mulla darga ikkite gattino.
7
«Xaano ani Israeelete Magani Olantote Mootichi Kaaliiqi mitto coye xa'meemmo'ne. Ki'neno tenne bunshe mayira loossine tenne bao umi'nera, labballu, meentu, oosotenna qaaqquullu aana abbitine mannu taraare gooffanno gede assitinanni?
8
Heedhinara dagginoonni gobbara Gibitsete noo magannara kakkaltinanni ane mayira hanqissinannie? Togo assatenni, umo'ne rumonniha assitine, daga baalate mereero ajiiffantannire ikkitinanni.
9
Alba annuwa'ne, mootoolla'nenna mootoolla'ne meenti, qoltineno ki'ne umi'nenna meenti'ne Yihudu katammaranna Yerusaalamete dooggara loossinoonni bunshe habbinini?
10
Kune techo geeshsha umo'ne shollishshine heeshshi diyitinoonni. Ane ayirrisa gibbine ki'neranna annuwa'nera oommo woganna seera mishshinoonni.
11
«Kunnira, ani Israeelete Magani Olantote Mootichi Kaaliiqi, ki'nera hanqu albinni kae Yihudu baatto co'o asse hunammoraati.
12
Gibitsete hee'ra doodhitine hadhinoonnire Yihudu taraare tayiseemmo. Aju akkali gattinikkinni baalanka Gibitsete baattora hudenna bagadu gudanno'ne. Macciishshanno manni masanno; ajiiffantannire ikkitine su'ma'neno rumonniha assidhinoonni.
13
Yerusaalame qorichishummonte gede Gibitsete baattora heedhinoonnire bagadunni, hudetenninna dhibbunni qorichisheemmo'ne.
14
Gibitsete heedhinara hadhinoonniri giddonni gatannohu dihee'ranno; galagaltine Yihudu gobba higate halchitinanniri giddonni lowo geeshsha shiimu manni callu xooqe fulanno» yii.
15
Aliyyeenninna wodiidoonni noo Israeele baala Kaaliiqi kulinoere coyi'ranna macciishshitu. Meentinsa wole magannara kakkalinota afino manninna hakko uurre noohu meentinsa baalu,
16
«Kaaliiqi su'minni kuloottonke coye baala dimacciishshineemmo.
17
Ninke assineemmo yinoommore kayinni assineemmo; gordu mootitte yinannitera maganonkera xiniinsi'neemmo. Annuwanke, mootoollankenna gashshaanonke Yihudu katammaranna Yerusaalamete dooggara assitino garinni xaano woyinete xajje fushshaate shiqinsheemmose. Konne coye assinanni hee'ni waro lowo qiniiti noonke; jirono noonke daafira mitto qarrano diafi'noommo.
18
Gordu mootittera kakkala agurrummonkunninna woyinete xajje shiqisha uurrinsummo kawa, lexxinonkeri dino; mannankeno bagadunna hude guddino» yitu.
19
Meentuno lede, «Ninke gordu mootittera tima ganneemmohu, kakkalleemmohunna woyinete xajje fushshaate shiqinsheemmohu galtenke affannaati» yee coyi'ri.
20
Anino konne coye coyi'rie mannira meya labballi baalaho,
21
«Ki'nenna akaakka'ne, mootoolla'nenna roorrooti'ne, qoleno baatto'nera hee'ranno manni baalu Yihudu katammaranna Yerusaalamete dooggara hixaana giirtinita Kaaliiqi diafino yitineetinso hawinoha laweenna'neeti?
22
Kaaliiqi assitinoonni bunshe baala lae sammi yaa didandiino. Isenkura baatto'ne mannu hee'rannokkita ona ikkitino. Baatto'ne shagaggi'nannitanna su'mi'neno rumonniha ikkinohu kunniraati.
23
Tini bao iillitino'nehu wole magannara kakkaltinoonnihuraatinna Kaaliiqi aana sao assitine seerasi, wogasinna wodhosi gibbinoonnihuraati» yoommonsa.
24
Qoleno manna baalaho roorenka meentoho, Kaaliiqi Gibitsete hee'rannohura Yihudu manni baalaho yiinore macciishshanno gede, Israeelete Magani Olantote Mootichi Kaaliiqi: «Ki'nenna meenti'ne gordu mootittera kakkalate xano xa'nitinoonni; xano'neno seekkitine agadhitinoonni; maahoyye danchatena heddinoonnire wonshidhe.
26
Ikkollana ki'ne Gibitsete baattora heedhinanni Israeelooti baalu giddonni ayino, ‹Kaaliiqi halaaleeti› yee su'ma'ya ganannokki gede ani Kaaliiqi jawu su'mi'yanni xaaroommo.
27
Kune, ani ki'ne bushu albinni ikkinnina danchummatenni dilaeemmo'ne. Gibitsete baattora heedhinoonniri giddonni mittu nafa gattinikkinni bagadunna hude guddanno'ne.
28
Ki'ne giddonni shiimu manni callu gate Gibitsetenni Yihuda higanno. Gibitse ha'ri manni ani yoommoti wo'mitannoronna insati ikkitannoro hakka waro afanno.
29
«Ani coyi'roommo coyi wo'minota tenne gobbara heedhineenna qorichisheemmo'ne woyite affinanni.
30
Yihudu moote Sedeqiyaasi shaannosi gede diinisira Baabilooni mootera Nabukadanatsoorira sayise uummonte gede, Gibitsete moote Hoofira shitara hassannosirira diinnasira sayise eemmo yiino» yee kuloommonsa.
← Chapter 43
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 45 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52