bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Sidamo
/
Sidamo
/
Jeremiah 51
Jeremiah 51
Sidamo
← Chapter 50
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 52 →
1
Kaaliiqi, «Baabilooninna mannasi, fiite huntannota wolqaataame bubbe kayiseemmo.
2
Gidu gede woowansitannorenna baattonsa huntannore, wole gobba manna soyemmo. Ba'inanni barri daanno woyite, insano ragu ragunkunni bala tugge baatto mulla gatissanno.
3
Gaaddonsa digaana bedeeddaranna, siwiilu uddano uddidhara yanna uyitinoontensa; wedellansano marartinoonte; olantonsa baala shakki asse.
4
Madidhe katammansa dooggara ubbe reyitanno.
5
Ani Olantote Mootichi Kaaliiqi, Israeelete qullaawi aana saonsa batidhuro nafa, Israeelenna Yihuda diaguroommo.
6
Lubbo'ne gatisi'rate Baabilooninni fultine xooqqe; insa loossino cubbinni ki'ne beebba gooffinoonte. Ani insara malino qoricha eemmo yanna daggino.
7
Gosa baala dagge agganno gede, Baabilooni, culku finiinchooti; isira hanqi'yata woyinete xajje wonshoommo; daga baala woyinete xajje agge wodana sa'u.
8
Baabilooni hedeweelcho uwe cancanaminona wi'lesi; miteekke hursannosiha ikkiro, madasera buurranni xagicho hasse.
9
Hakko hee'rannohu wole gobba manni, ‹Ninke hursate wo'naalloommo. Ikkollana dihurino; Kaaliiqi lowo hanqinni co'o asse hunasira murci're kainona, agurre gobbanke ha'no› yaanno» yii.
10
Israeelete manni mimmitoho, «Kaaliiqi ninkera halaale fushshinonkena, amme Yerusaalame ha'ne, Maganinke Kaaliiqi assinore baala dudumbona» yii.
11
Kaaliiqi Qullaawu Minisi daafira rabbisi'rate yee, Baabilooni huntanno gede Medooni mootoolla kayisino. Kunni daafira, maxxa'ne quxidhe; wonqo'ne amaxxe.
12
Baabilooni huxxa diigate malaatisse; seekkitine agarre. Qotannohano worre; gaa'le agarannoha qixxeesse. Konne coye assitinannihu, Kaaliiqi Baabilooni mannira hedinore wonshateeti.
13
Ati jajjabbu wayi mule hee'rattohu, dureessu Baabilooni! Goofimarchikki dayino; qocci yite ta"atto yanna daggino.
14
Ani Olantote Mootichi Kaaliiqi, «Kanchafaru gede kiiro batidhino olanto soyemmo. Hatti olantono ate qeelte qeexaa'litanno» yee su'mi'yanni xaaroommo.
15
Kaaliiqa ati, wolqakkinni baatto kalaqootto; egennokkinni kalqe xintootto; afakkinni gordo diriirsootto.
16
Ati hajajatto yannara gordoho noo wayibba luultanno; baattote qaccennino gomicho gamba assite abbatto; xeenu yannarano banqo beleqqanno gede assatto; bubbeno maaxoottowiinni fushshatto.
17
Kaphu maganna seekkidhannori, gowwootahonna balalootaho. Tini kaphunniti magannansa, lubbo afidhinokki daafira, insa seekkidhuri saalfattanno.
18
Tini maganna mullare ikkitino daafira, minshe hunnanni; ati Kaaliiqi qorichishattonsara daatto yannara ba'anno.
19
Ati baalankare kalaqoottohu, Israeelete Magani kayinni, insa gedeeha di"ikkootto. Israeelete manna umikki manna assidhe doodhootto; su'mikkino Olantote Mootichaati.
20
Kaaliiqi, «Baabilooni, ati anera, meencho'yaatinna bagado'yaati; atenni daga gudoommo.
21
Faradonna faradaasine, faradi gaarenna guluffannore atenni runkutoommo.
22
Atenni meya labbaaha, ajanna akkala, oosonna seenne cancanoommo.
23
Allaalaasinenna hoshsha, hawuudhannohanna hawuurranni handa, mootoollanna gashshaano atenni hiiqqaqqoommo» yaanno.
24
Kaaliiqi, «Baabilooninna mannisi Yerusaalamete aana assitino bunshera, ki'ne la'inanna rabbisi'reemmo» yii.
25
Qoleno Kaaliiqi Baabilooni gosara, «Ki'ne gobba baala huntinoonniri, ilaalu gede to'ine manna guddinoonniri Baabilooni gosa, anino ki'ne hatto asse gudeemmo. Buluushshe mulla darga asseemmo'ne.
26
Diigamittohu gedensaanni, dhaawate woy safote ikkanno kinchi digatannohe; atino hegerera mulla darga ikkatto. Konne coye coyi'roommohu ani Kaaliiqaati» yii.
27
«Ki'ne gosa baala, bala tugate malaatisse; xurumba ufuuffe; Baabilooni qasanno manna qixxeesse. Araaraati, Mininna Ashikenaazi gashshaano, bala tugganno gede kullensa; gaadaannuwano doorre. Kanchafaru gede kiiro bati'rino farado haadhine abbe.
28
Baabilooni qasanno manna qixxeesse; Medooni mootoollawa, gashshaanonniwanna olu hajajaanowa, qoleno insa gashshitino gobbara noo olanto baalate manna sokke.
29
Baabilooni mitturino hee'rannokkiha ona ikkanno gede, Kaaliiqi hedino coye wonshanno daafira, baatto qece yite huxidhanno.
30
Katammansa cufannanna waawanna hiiqqaqqantino daafiranna, minnansa giirantino daafira, Baabilooni bagadaano ola uurrissanno; bareende ba'eennansa shashoota ikkitanno.
31
Baabilooni Katami raga baala diigaminota, mootete kultara sokkaano hoode hoodete doddanni dagganno.
32
Diinu olanto waa fulte dagge qiishote giira qassanno; Baabilooni gaaddono waajjite huxidhanno» yii.
33
Israeelete Magani Olantote Mootichi Kaaliiqi, «Ayiddummete aana gannanni gide, mannunna saada kakkaddannohu gede, Baabiloonino diinu hatto asse sibbiiqanno. Gannanni gidi gede, gamba assinannisi barri rahe daanno.
34
Baabilooni moote Nabukadanatsoori, Yerusaalame murmure itino; Katama mullichu gambayichi gedeeha assino. Moyichu gede asse egemmino; hasi'rino geeshsha adhe, gatinore hune agurino.
35
Tsiyooni manni, ‹Ninkera iillitino beebba, Baabiloonira iillito!› yaanno. Yerusaalamete mannino, ‹Ninke mundee duntu gede, insano hatte beebba amaddonsa!› yaanno» yii.
36
Kaaliiqi Yerusaalamete mannira, «Ki'nera ani ha'leemmo'ne; Baabiloonootano rabbiseemmo'ne; bu'ansanna waansa baala mooshsheemmo.
37
Baabilooni diigame duuno ikkeenna, aanaho yeedaala kukkubbitanno. La"ate bararraanqanniha ikkanno; giddosi mittu manchino dihee'ranno; afihu baalu qacifatannosi.
38
Baabiloonootu baalu doobbiichimma ittantanno; doobbiichu gurba'nichi gede gurura'anno.
39
Saankaabbe heedheenna, jilaho koyisoommonsa. Dimbita geeshsha hayikkisoommonsa; hakkunni gedensaanni goxxanno; galagalteno dika'anno.
40
Saadate gede gorrantannowa haa're ha'reemmonsa. Konne coye coyi'roommohu ani Kaaliiqaati» yaanno.
41
Kaaliiqi Baabilooni daafira, «Hatte yannara mannu, ‹Gobba baala jajjannosihu Baabilooni Katami amadami! Gosa baala bararraaqqannoha ikkino!
42
Baabilooni, diinu baaru dambali gede ikke egemmi.
43
Katammasi wayi hee'rannokkita, moolanna mullicho ikkitanno. Hakkiicho hee'rannohu dino; heleqqi yaannohano dianfanni.
44
Baabilooni magano Marduki qorichisheemmo; adhinore baala tushshiisheemmosi; layinkimeeshsho gosa diguwissannosi; Baabilooni huxxuwa to'ino› » yaanno.
45
Kaaliiqi qole, «Manna'ya, Baabilooninni xooqqine fulle! Waajjishannohu hanqi'yanni, lubbo'ne gatisi'rate fultine ba'e!
46
Diru dirunkunni dudumbanniha, moote mootete ledo gaarantannoha, bunshete duduwo macciishshitineenna, wolqa'ne ba'oonke.
47
Baabilooni maganna gudeemmo barri daanno; mannu baalu goofeenna, baatto saalfattanno.
48
Baabilooni aliyyenni daanno diini angara eanno waro, gordunna baatto, qoleno aanansa noori ilillisanno.
49
Baabilooninni kainohunni lowo gosa gooffino; Israeelete baorano kaimu isootina, Baabilooni uwanno. Konne coye coyi'roommohu ani Kaaliiqaati» yii.
50
Kaaliiqi Baabilooni hee'ranno mannira, «Ki'ne reyotenni gattinoonniri manni'ya, rakkine fultine hadhe! Manni gobbara heedhinirono, ane Kaaliiqanna Yerusaalame habbinoonte.
51
‹Xonnoonninke daafira, saalu amadinonke. Qullaawu Dargira Kaaliiqi Minira, wole gobba manni eino daafira, sholline umo heeshshi yinoommo› yitinanni.
52
Baabilooni maganna gudeemmohunna, baattote aana madaanonsa uratto macciishshinanni barri daanno. Konne coye coyi'roommohu ani Kaaliiqaati.
53
Baabilooni gordu iimira fule, qiisho qiishi'riro nafa, hakkiichira mare gudannosi diina soyemmo» yii.
54
Kaaliiqi, «Baattote aana daggino bao daafira, Baabilooni manni raaranno raare macciishshe!
55
Ani Baabilooni co'o asse gude, sammi yaanno gede asseemmo. Olanto dambalu gede ikkite luultanni dagge, hedeweelcho bala tugganno.
56
Guddannosiri gaaddinosi daafira, gaaddosi qafadantu; maxxinsano hiiqqaqqami. Ani baalunkura loosisi garinni eemmoha ikkoommo daafira, Baabiloonino assino beebbara shetiseemmosi.
57
Ejjeettosi, masaalaanosi, gashshaanosi, olu hajajaanosinna gaaddosi, agge dimbitanno gede asseemmo. Dimbituhu gedensaanni goxxanno; hakkiinnino layinkimeeshsho dika'anno. Ani Moote Olantote Mootichi Kaaliiqi konne coye coyi'roommo.
58
Hala'ladu Baabilooni huxxi toe, baattote ledo xaadanno. Seeddaanna cufannasi giirantanno; mannisi daafurino mullawa gatanno. Mannisi daafure assinori baalu giirame ba"anno. Konne coye coyi'roommohu ani Olantote Mootichi Kaaliiqaati» yii.
59
Mahiseya beetti Neeriya ilinohu Seeraya moote Sedeqiyaasira gamba yiino gashshaanchooti. Sedeqiyaasi Yihudaho moohihunni shoolki diro, Seeraya isi ledo Baabilooni gobba ha'ranna, biddishsha ikkannore anga woroommosi.
60
Baabilooni aana dagganno baonna isi daafira kulloonni coye baala maxaafaho borreessoommo.
61
Seerayano, «Baabilooni iillitanni heedhenni, kunni maxaafira borreessoommore baala qoonqokki naggi assite mannaho nabbawi.
62
Hakkunni gedensaanni, ‹Mooticha'ya! Ati tenne baatto hunatto gede coyi'rootto. Kunnira lubbo afi'rino kalaqami: mannunna saada gooffeenna baatto hegerera ona ikkite gatto› yite huucci.
63
Seeraya, konne maxaafa nabbabbe gudittohu gedensaanni maxaafa kinchu ledo usurte Efiraaxisi Wayi giddo tugge,
64
‹Kaaliiqi aanasi abbanno baonni kainohunni Baabilooni togo ikke uwe gatanno; layinkimeeshsho hakkiinni dika"anno› yii» yoommosi. Ermiyaasi hasaawi konne goofino.
← Chapter 50
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 52 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52