bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Sidamo
/
Sidamo
/
Jeremiah 50
Jeremiah 50
Sidamo
← Chapter 49
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 51 →
1
Kaaliiqi Baabilooni gobbaranna giddo hee'ranno manni baalunkura kuleemmo gede ane Ermiyaasira,
2
«Daga baalate duduwo kulle; ge'recho qassine lallabbe. Mittoreno gatissinikkinni, ‹Kune Baabilooni amadamaraati; maganinsa Marduki hiiqqamaraati; tiyyi'nanniti misillansano cancanantaraati.
3
Bala tugge Baabilooni mulla darga assitanno gosa, aliyyeenni ka'ino; saadano mannuno fule xooqanno; mitturino giddo digatanno› yiino yite kulinsa» yiie.
4
Kaaliiqi, «Hatte yannara, Israeelennihunna Yihudu manni gamba yee wi'lanni, ane Maganonsa hasi'ranni daanno.
5
Tsiyooni massitanno doogo xa'mitanni, hattenne doogo amadde hadhanno; ‹Layinkita didiingeemmo› yitanni, ane ledo hegere gondooro e'anno.
6
«Manni'ya ballehino ge'reewi gede ikkino; allaalaasinensa doogote aaninni soorriteenna, ilaallatenna gaarrate aana raataabbanni, fooliishshidhannowa hooggino.
7
Afihu baalu bala tuginonsa; diininsano, ‹Assitino cubbilla amadinonsana, ninke assinoommonsari dino. Halaalaanchu qanchinsara, akaakkansa hexxite heedhino Maganira, badhe wodhitino daafiraati› yaanno.
8
Ki'ne Israeele, Baabilooni gobbanni xooqqine fulle! Gobba agurtine hadhe! Wole balaxxine ki'ne fulle!
9
Aliyyeenni heedhanno gosa, Baabiloonira gaaddanno gede asseemmo; dagge amaddanno; insano olte disodhannoreeti.
10
Baabilooni gobba mulqantanno; mulqidhannorino illensanni leellinore baala, hasidhu geeshsha adhitanno. Konne coye coyi'roommohu ani Kaaliiqaati» yii.
11
Kaaliiqi, «Ki'ne Baabilooni gosa! Manna'ya mulqidhine hagiidhitinanni kukkubbitinoonni; kalote giddo burraaqqanno adde gede ikkitinoonni; misino farashshi gede himimmissinoonni.
12
Ikkirono ayirradu katami'ne saalfatanno; gobba ama'ne shollitanno; gashshootu baalunkura woriidita ikkitanno; wayi hee'rannokkita moola ikkitanno.
13
Hanqi'yanni kainohunni Baabilooni gobbara mittuno dihee'ranno; diigame gatanno; mulesiinni sa"annohu baalu mase bararraaqanno.
14
«Ki'ne digaanunni olantinanni bagadaasine, Baabilooni qasate doyissitine amadde; ane Kaaliiqi aana sao assitino daafira, mittono gatissinikkinni maxxa baala, Baabilooni aana giggishshe.
15
Katamu qooxeessira alaakke; kune Baabilooni anga uyino; huxxisi baalu diigamino. Ani Baabilooni rabbisanni noommo daafira, ki'neno rabbisidhe; insano woloota assitu gede asse.
16
Baabilooni gobbara gide wixi'rannohunna, wixi'rinoha mixxannohuno hee'rannokki gede asse. Hatte gobbara hee'rannohu wole gobba manni, bagadaasine waajje gobbasi hige xooqanno» yii.
17
Kaaliiqi, «Israeelete manni doobbiyu shorre billaallisino ge'reewi gede ikkino; balaxe Asoori moote gawajjinonsa. Hakkunni gedensaanni, Baabilooni moote miqichonsa quruuxino.
18
Kunnira, ani Israeelete Magani Olantote Mootichi Kaaliiqi, Asoori moote qorichishummonte gede, Baabilooni mootenna gobbasi qorichisheemmo.
19
Israeelete manna qanchinsa giddora qoleemmo; Qermeloosi Ilaaliranna Baasaani gobbara fulinore baala itanno; Efireeminna Geleaadi gobbara fulanno gide hasi'ri geeshsha itanno.
20
Hatte yannara, reyotenni gatisoommoha, Israeelennihanna Yihudu manna maareemmo daafira, giddonsa cubbonna sao hanse dianfanni. Konne coye coyi'roommohu ani Kaaliiqaati» yii.
21
Kaaliiqi, «Miratayiminna Feqoodi gosa aana bala tugge; shitine gudde. Ani yeemmo'nere baala asse. Konne coye coyi'roommohu ani Kaaliiqaati.
22
Baattote aana olu luulo macciishshinanni; lowo bao iillitanno.
23
Baattote aana noo manna baala, meenchu gede asse cancanino Baabilooni, xa kayinni umisi cancanamanno. Insa aana ikkanno coyi bararraanqanniho.
24
Baabilooni! Ane Kaaliiqi ledo gaarantinoonni daafira, hedeweelcho woroommo woshshaado giddora e'inoonni.
25
Ani Olantote Mootichi Kaaliiqi, Baabilooni gobbara looseemmo loosi nooe daafira, olu uduunne duunnanni mine fane, hanqu bagado fushshoommo.
26
Ki'ne Baabilooni diinna, ragu baalunkunni daggine qasse; gide duu'nitino gootarra baala fanne. Adhitinoonnireno gidu gede assitine duunne; mittoreno gatissinikkinni shakki assitine gudde.
27
Qorichinshanninsa yanna iillitinona, Baabilooni wedella, woraamma gorrinannihu gede assitine gorre.
28
Baabilooni olanto Qullaawa Mine'ya diiggino; ikkollana ani rabbisi'reemmo. Hakkunni gedensaanni qafadotenni higgannori, ani Kaaliiqi assoommore Tsiyooni dudubbanno» yii.
29
Kaaliiqi, «Digaana bedeeda egentino bagadaano, Baabiloonira gaaddanno gede woshshe. Ane Kaaliiqi Israeelete qullaawi ledo gaarantino daafira, mittuno gate fulannokki gede gaangeessitona. Bushu loosinsa daafira qorichansa uuyyensa; wole beebba assitunte gede, insano hatto asse.
30
Kunni daafira, wedellansa dooggate aana shinanni; olantonsa baala hakko barra gooffanno. Konne coye coyi'roommohu ani Kaaliiqaati.
31
«Ki'ne boonaleeyye, ani Olantote Mootichi Kaaliiqi ki'ne aana noommo; qorichisheemmo'ne yannano iillitino.
32
Ki'ne boonaleeyye gosa, sarraaqantine ubbinanni; irkise gotti assanno'nehuno dihee'ranno. Katami'nera giira qaseemmo; qooxeessaho noori baalu giirame goofanno» yii.
33
Olantote Mootichi Kaaliiqi, «Israeelennihunna Yihudu manni gadadamino. Qafadde haadhe hadhinonsari, fultannokki gede agare wortinonsa.
34
Wodeemmonsahu ani Olantote Mootichi Kaaliiqi jawaataho; ani umi'ya insara golame, gobbansara keere dirriseemmo. Baabilooni heedhannori kayinni fooliishsho diafidhanno.
35
«Reyo Baabilooni mannira! Reyo gashshaanonsara! Reyo masaalaasinensara!
36
Reyo gowwootaho, kaphaano himanaanonsara! Reyo waajjite huxidhannorira bagadaanonsara!
37
Goofo faradinsaranna faradi gaarensara! Reyo shashootaho, kiranyootu olantonsara! Goofo saammannitera jironsara!
38
Moolleno gobbansara ikkito; wayibbansano gooffo. Gobbansara tiyyi'nanni maganna wo'mite, insano gowwoota assitinonsa.
39
Baabilooni gobbara durriisu, gotunna awulo calla heedhanno; mannu layinkimeeshsho hakkiicho dihee'ranno.
40
Soddoomanna Gomoora, qooxeessinsara noo katamma ledo diigummonte gede, Baabiloonino hatto asseemmo. Hakkiicho layinkimeeshsho mannu dihee'ranno. Konne coye coyi'roommohu ani Kaaliiqaati» yii.
41
Kaaliiqi qole, «Aliyye ragira qoltine la'e; kune fafo gobbara, wolqaataame daga olaho qixxaabbanni no.
42
Insa digaananna urde amaxxitinoreeti; kaajjaddahonna marartannokkireeti; faradinsa hirbi dambalu gedeeho. Baabilooni, kune insa ate qassara dagganni no.
43
Baabilooni moote konne duduwo macciishshanno woyite, wolqasi daaqqanno; waajjillu amadeenna gamaa'mitanni noo mancho gede ikkanno.
44
«Yordaanoosi mule noo dubbi giddonni fule, kalloonni hayisso giddora eanno doobbiichi gede ikke, hedeweelcho daye Baabiloonoota shorre, hasi'roommoha shoomeemmo. Hoolannoehu ayeti? Ane gedeehu nooni? Ittisannoe gashshaanchino hiikkonneeti?
45
Kunnira, ani Kaaliiqi Baabilooni Kataminna, giddo heedhinanni manni ani hedoommore macciishshe; ooso'ne nafa goshoonshe haa'ne ha'nanni; la"annohu baalu bararraaqanno.
46
Ubbinanna macciishshinanni luulinni kainohunni, baatto shafantanno; luuluno hakkiinni sae wole gobbara leellanno» yii.
← Chapter 49
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 51 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52