bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Sidamo
/
Sidamo
/
Jeremiah 49
Jeremiah 49
Sidamo
← Chapter 48
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 50 →
1
Amooni gosara Kaaliiqi, «Israeelete ragidhanno ooso dinoni? Molooki magani, Gaadi ga're giddonni fushshe hoole, Amoonootu amaddanno gede mayira assiyya?
2
Ani Kaaliiqi yeemmota macciishshe: Kune Amooni gosa dannawu Katamira Raaba, olu luulo macciishshitanno gede asseemmo yanna dagganno. Katamu diigameenna gaangaawinsara noo qachi giiramanno; hakkunni gedensaanni Israeele adhantinota baattonsa qo'litanno.
3
Katami'ne diigamanno daafira, Hasebooni heedhinanni manni wi'le; Gayi katamino diigamanno. Molooki magani'ne, qeesooti'nenna roorrooti'ne ledo qafadamaraatina, ki'ne meentu garu baeenna'ne raataabbinanni wi'le; xiddu uddano uddidhine manchitte.
4
Ki'ne ammanama noo'nekki gosa, lagicha'ne mayira addaxxitinanni? Laashshannoha lagicha'ne mayira hexxitinanni? Qiniite'ne ku'litinanni, ‹Ayi kisannonke?› yitinoonni.
5
Kune ragu baalunkunni waajjille abbammo'neraati; baalunku lubbosi adhe xooqanno daafira, billaallino manna gamba assannohu dihee'ranno.
6
Ikkollana wole yannara, Amooni gosa galagalche duroonseemmo. Konne coye coyi'roommohu ani Kaaliiqaati» yii.
7
Edoomi gosa daafira Olantote Mootichi Kaaliiqi, «Edoomi gosara albi egenno ba'unsani? Amaalaasinensa mala aa hooggunsani? Egennonsa hiikka higgu?
8
Eesawu sircho gudeemmo yanna iillitinona, ki'ne Dedaani Katami manni, xooqqine ba'ine, godu giddo maaxamme.
9
Mannu woyinete laalo xinqi'ranno woyite, aanaho xaro gatisanno; hashsha e'ino mooraanono hasidhino geeshsha calla adhite hadhanno.
10
Ani kayinni ki'ne Eesawu sircho co'o asse mulqeemmo; maaxantinanni darga baala reqecci asseemmo; ki'ne, ooso'ne, fiixi'nenna oollii'neno gooffinanni.
11
Giddo'ne noore annanna ama afidhinokki ooso anera agurre; galte afi'rinokki meentino ane hexxona.
12
Qorichu malinokkiri aneha hanqu finiincho cingiishshidhannoha ikkiro, ki'ne qorichishantinikkinni gattinanniha lawanno'neni? Horonta gattinanni gari dino; ki'neno hanqu finiincho cingiishshidhinanni.
13
‹Bootsira Katami diigame mulla darga, masillunniha, qacifantannihanna rumonniha ikkanno› yee ani su'mi'yanni xaaroommo. Qooxeessisira noo katamma baalano diigante gattanno» yii.
14
Ani Ermiyaasi Kaaliiqi ki'ne Edoomi manni daafira, «Olantonsa gamba assidhe ki'ne qassanno gede, kulannonsa sokkaancho dagate soommo.
15
Mannu baalu mishanno'ne gede, dagate mereero maa'ne, mannahono woriidire asseemmo'ne.
16
Ki'ne kinnaamu boonira heedhinanniri, ilaalu birxe geeshsha iillitinoonniri, waajjishiishshi'nenna wodani'ne boo'na doggino'ne. Allamurchu gede mine ilaalu aana mi'nitinirono, hakkiichinni dirriseemmo'ne. Konne coye coyi'roommohu ani Kaaliiqaati» yee coyi'ranna macciishshoommo.
17
Kaaliiqi qole, «Iillitino'ne bao lae, hakkaanni hige sa"annohu baalu bararraaqanno.
18
Soddoomunna Gomooru qooxeessinsara noo katamma ledo, diigantu wari gedee bao, ki'ne Edoomi manni aanano dagganno. Gobba'nera layinkimeeshsho mannu dihee'ranno. Konne coye coyi'roommohu ani Kaaliiqaati.
19
Yordaanoosi mule noo dubbi giddonni fule, daffitino kalo giddora eanno doobbiichi gede ikke, hedeweelcho daye Edoomoota shorre, hasi'roommoha shoomeemmo. Hoolannoehu ane gedeehu ayeti? Ittisannoe gashshaanchino hiikkonneeti?
20
Kunnira, ani Kaaliiqi Edoomi manniranna Temaani Katamira heedhannorira hedoommore macciishshe; ooso'ne nafa goshoonshe haa'ne ha'nanni; la"annohu baalu bararraaqanno.
21
Ubbinanna macciishshinanni luulinni kainohunni, baatto shafantanno; luuluno hakkiinni sae Duumu Baari geeshsha leellanno.
22
Allamurchu qoola fane eela buuwannohu gede, diinu Bootsira gawajjara qoqqobbisanno. Hatte yannara ki'ne Edoomi olanto wodani, game amaddino mancho wodani gedeeha ikkanno» yii.
23
Kaaliiqi Demaasiqote Katami daafira: «Hamaatinna Arfaadi katamma manni, Demaasiqonniha busha duduwo macciishshanno woyite, wodaninsa dambalu shafino baari gede ikke hembeelamanno.
24
Demaasiqote mannira wolqa ba'anno; waajjite xooqqara ka'anno; gamaa'mitanni noo mancho gede, qarrunna shetto amaddannonsa.
25
Hakku maccahunna hagiirraamu katami, hee'ranno manni hoogeenna ona ikke gatanno.
26
Hakka waro Demaasiqote wedelli reeshshi dooggate waxaaxanno; olantosino gooffanno.
27
Demaasiqote huxxira giira qaseemmo; Benihadaadiha mootete mine giira ittanno. Konne coye coyi'roommohu ani Olantote Mootichi Kaaliiqaati» yii.
28
Kaaliiqi Baabilooni moote Nabukadanatsoori anga galtinorira Qeedaari ga'reranna Hatsoori gobbara, «Ka'ne Qeedaari ga'rera gaaddine, soojjaati manna gudde.
29
Dukkannansanna saadansa baala adhe; dukkonsanna uduunnensa baala adhe; gaallansano adhitine, ‹Kune mogga gaangeessite noo'ne› yitine kullensa.
30
Ki'ne Hatsoori manna, Baabilooni moote Nabukadanatsoori, ki'nera busha gano ganinona, xeerto gobba hadhine godu giddo maaxantinanni gede, ani Kaaliiqi kuleemmo'ne.
31
Ani Kaaliiqi Baabilooni mootera, ‹Daggine huxxu, cufannanna waawanna nookkiha fano heedhenni, bashshi assitukkinni hawaqidhe noo gosara bala tugi› yee kuloommosi.
32
‹Gaallansanna saadansa adhe; umo qooxidhannore baala billaalliseemmo; ragu baalunkunni qarra abbeemmonsa› yee kuloommosi.
33
Kunnira, Hatsoori yeedaala heedhannowa ona gobba ikke gatanno; layinkimeeshsho hakkiichira heleqqi yaanno manni dihee'ranno. Konne coye coyi'roommohu ani Kaaliiqaati» yii.
34
Yihudu moote Sedeqiyaasi moohanni hee'reennanni, Kaaliiqi Elaami gobba daafira,
35
«Ani Elaami wolqaataame assitinota bagadaano'ne sheemmo.
36
Elaamira shoolente maddenni bubbe kayiseemmo; mannano base baalate billaalliseemmo; insa iillitannokki dargino dihee'ranno.
37
Elaami manna shaara hasanni noo diini, waajjishiishanno gede asseemmo; lowo hanqi'yanni co'o yite gooffa geeshsha, bagado soye shorreemmonsa.
38
Mootensanna gashshaanonsa hune, ayirrado barcima'ya hakko wodheemmo.
39
Ikkollana, mitto barra dargansa qoleemmonsa. Konne coye coyi'roommohu ani Kaaliiqaati» yii.
← Chapter 48
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 50 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52