bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Sotho
/
Sotho 1951 (BIBELE)
/
Jeremiah 48
Jeremiah 48
Sotho 1951 (BIBELE)
← Chapter 47
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 49 →
1
Leela Moaba. Morena wa mašaba Modimo wa Isiraele o re: Joo Nebo! Go thubilwe. Kiryathaima go gobogile go thopilwe, go gobogile go tšhogile, motsekgororo.
2
Moeno wa Moaba ga o sa le gona. Ba go lakane Hesiboni ba re: Eriyeng, re ba fediše, e se hlwe e ba setšhaba. Le wena Mademena, o tlo fedišwa; lerumo le go šala nthago.
3
Kwang mokgoši Horonaima; ba a thubja; ke mašegerepe a magolo.
4
Moaba go pšhatlilwe; dikolomelo di kwagala kua Tsoare.
5
Joo, mokonya wa Luhite ke wa dillo, go rotoga dillo. Joo, motheogeng wa Horonaima ba kwa kgoa ya go thubja.
6
Tšhabang! Tšhabišang bophelo! Le yo etša sehlašana lešokeng.
7
Le wena o tlo thopša, ka gobane o botile tiro tšago le mahumo ago. Kamosi o tlo tloga a thopilwe le bomphamodimo bagwe, le bakgoma bagwe.
8
Go tla Maphušole, o tlela metse yagwe yohle, ga go o tlogo šala; meedi e tlo loba; melala e tlo senywa. Ke tše Morena a di boletšego.
9
Neang Moaba diphofa a fofe a tšhabe, gobane metse yagwe e a thoswa; go ka se be le ba dulago gona.
10
Go tlo lahlwa wa go dira tiro ya Morena ka go tšwafa; go tlo lahlwa wa go kuna rumo lagwe madi.
11
Moaba, e sa le mola a le ngwana, o dutše boka bjalwa bo na le meroko, bo sa hlotlwe bja tšhelwa pitšeng ye nngwe. Ga a ešo a ka a thopša. Ke gona o sa fela a swere mohlodi wa gagwe; mme monkgo wa gagwe ga o a fetoga.
12
Bjalo gee Morena o re: Tsebang, go tlo tla matšatši a ge ke tlo roma batšholodi ba go mo tšholla, ba go thenola dipitša tša gagwe, ba go phuma nkgo tša gagwe.
13
Mme Moaba o tlo lewa ke dihlong ka tša Kamosi; boka mola ba leloko la Isiraele ge ba lewa ke dihlong ka tša Bethele, ka tše ba bego ba di holofetše.
14
A le sa re le bagale? A le sa re le dioka tlhabanong?
15
Mothuba-Moaba o a rotoga, yena mothubametse ya gona; masoganamahlaolwa a gona, a phalaletše go yo hlabja. O realo yena Kgoši mong a ina la Morena wa mašaba.
16
Tšhwalalanyo ya Moaba e kgauswi, kotsi e mo tlela ka lebelobelo.
17
Mo lleleng, lena bohle ba go fana mellwane le yena, lena bohle le tsebago ina lagwe, le re: Joo, go robegile para le le tiilego, lehlotlo la botšhepi.
18
Hee ngwanenyana o dulago Diboni, fologa moo sereneng, o yo dula lenyoreng; o hula dibo tša gago.
19
Emang hleng ga tsela, lena ba motse wa Aroere, le lebelele le botšiše ba tšhabago, baphonyokgi, le re: Naa go hloma bjang?
20
Moaba o dihlonyeng, o thubilwe; llang le gololeng. Goelelang kua Arinoni le re: Moaba o thubilwe.
21
Ke kahlolo e tlelago naga ya molala, le Holoni, le Jaatsa, le Mephathe,
22
Diboni le Nebo, le Bethe-Dibilathaima,
23
Le Kiryathaima, le Bethe-Gamule, le Bethe-Meone,
24
Le Kiriothe, le Bosera, metse yohle ya Moaba ya kgole le kgauswi.
25
Lenaka la Moaba le a kgolwa, letsogo lagwe le a robja. O realo Morena.
26
Mo nošeng a tagwe, o ikgodišitše a lwa le Morena. Moaba a a wele mahlatšeng a gagwe, le yena e be wa go kwerwa.
27
A e be e se wena wa go sega Isiraele? A Isiraele o be a swerwe a na le mahodu mola o fela o mo kwera o re: Kgone!
28
Khudugang metseng lena ba ga Moaba, le yo dula maribeng, le etše leeba le age maweng a mefoma.
29
Re di kwele tša ge Moaba a ikgogomoša kudukudu, a bata letšeke, a ne makoko, a ipotile, e le wa pelo ya boikgodišo.
30
Morena o re: Nna mahlahlu a gagwe ke a a tseba; o itheta ka mafela, mme o dira tša lefela.
31
Bjale ke lla ka baka la Moaba, ke hlaba sello sa Moaba ka moka; batho ba Kiri-Herese ba hlokofaletšwe.
32
Wene morara wa Sebima, ke go llela ka fetiša ba llela Jasere; makala a gago a be a namile a sela lewatle, a goma ka lewatle la Jasere; bjale dikenyo tša gago di šwahletšwe ke mosenyi.
33
Mme mašemo a Moaba le naga ya gona, tša tlogwa ke tlhalalo. Ke feditše dibela bofotlelong; ba ka se hlwe ba fotla thara ka dikoša. Koša ya gona e ka se hlwe e eba koša.
34
Mokgoši o hlagile Hesiboni, wa yo fihla Eleale le Jahatse; o hlagile kua Tsoare wa yo fihla Horonaima, Egilathe Selisia; gobane le matšha a Nimirimi a tlogetšwe.
35
Moaba ke mo khutšišitše go namela mmoto le go fiša diorelo tša medimo yagwe.
36
Ke ka baka leo pelo ya ka e llelago Moaba boka naka; ke ka baka leo pelo ya ka e llelago batho ba Kiriherese boka naka, ka ge ba senyegetšwe ke leruo le ba bego ba humile ka lona.
37
Gobane hlogo tšohle di dututšwe, le maledu ohle a bootšwe, le matsogo ohle a arilwe; go aperwe mankgeretla mathekeng.
38
Dillo di kwala malapeng ka moka a Moaba, le mekgobeng ka moka; gobane Moaba ke mo pšhatlile wa sebjana se se lahlilwego. O realo Morena.
39
Joo, o phumegile! Gololang! Moaba o dula a fularetše batho ka dihlong. Moaba ke wa dikwero, ke setšhošo sa ba fanago mellwane nae.
40
Gobane Morena o itše: Soolee! O fofa bjalo ka lenong; o phurolla diphego godimo ga Moaba.
41
Metse e thopilwe; dibo di thubilwe; mohla woo pelo tša bagale ba Moaba di tlo etša tša basadi pelegong.
42
Moaba o a senywa; ga e hlwe e sa le setšhaba; ka gobane o ikgodišitše a lwa le Morena.
43
Tša ba gaMoaba ke motšhabo, le moreo, le molaba. O realo Morena.
44
Wa go tlo phonyokga motšhabong, o tlo gohlomela moreong; wa go tlo feta moreo, o tlo tanywa ke molaba. Ke tše ke tlogo tlela Moaba ka tšona ka ngwaga wa go mo otla. O realo Morena.
45
Bafaladi ba eme moriting kua Hesiboni, mme ba lapile, gobane mollo o tšwa Hesiboni, kgabo e hlaga gara motse wa Sihoni; e fiša dihlakore tša Moaba, le tlopo tša bana ba meferefere. (Num. 21:28).
46
Hee Moaba, o yo madimabe; go senyega tšhaba sa Kamosi; barwa ba gago ba thopilwe; banenyana bago ba išwa bothopša.
47
Fela, mathopša a Mošaba ke tlo a buša mabakeng a tlago. O realo Morena. Tša kahlolo ya Moaba di fela gona fa.
← Chapter 47
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 49 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52