bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Sotho
/
Sotho 1951 (BIBELE)
/
Jeremiah 51
Jeremiah 51
Sotho 1951 (BIBELE)
← Chapter 50
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 52 →
1
Morena o re: Tsebang! Motse wa Babele, le ba agilego moo pelong ya ba ntsogetšego, ke tlo ba tsošetša dimo le lešoro.
2
Babele ke tlo go romela bafeferi. Ba tlo o fefera; ba tlo swiela naga ya ba fela; ba tlo o dika thoko tšohle mohla woo wa dikotsi.
3
Mmetši wa bora o tlo lebanya mmetši le mokgantšhakotse. Le se ke la tsebafela masogana a gona; dira tša gona le di fedišetše ruri.
4
Nageng yeo ya Bakaladea a go kaname ditoto; ba ba hlabilwego a ba rapalale mekgobeng ya gona.
5
Gobane Isiraele le Juda ga se bahlolagadi; ga ba hlalwa ke Modimo wa bona Morena wa mašaba; mola naga ya bao, e na le molato o mogolo go Yena Mokgethwa wa Isiraele.
6
Tšhabang le tšweng Babele, mang le mang a tšhabiše bophelo bjagwe, le se tlo senyegela bokgopong bja gona; gobane ke lona lebaka la tefetšo ya Morena; o go dira di go lebanego.
7
Hee Babele! O be o le senwelo sa gauta atleng sa Morena; lefase ka moka la tagwa ka sona. Ditšhaba di nwele sedila sa Babele, ya ba go hlakana hlogo.
8
Babele o tšhoga a wile, a robegile. Mo lleleng, le nyake sehlare sa ntho ya gagwe, mohlomongwe a fole.
9
Babele re mo alafile a se fole! Mo tlogeleng, re ikele bohle magaeng, gobane kotlo e mo lebanego e fihlile kua magodimong, e goma ka maru.
10
Morena o re namoletše kahlolong. Tlang re yo bega kua Tsione tiro tša Morena Modimo wa rena.
11
Lootšang mesebe! Kgokelang dikotse! Morena o hlohleleditše magoši a Meda, o logile maano a senya motse wa Babele. Ke yona tefetšo ya Morena; o lefetša se se dirilwego Ngwakomokgethwa wa gagwe.
12
Tsemang sefoka merakong ya motse wa Babele, le se tseme le tiiše; le bee bahlapetši, le tlatše balaledi; gobane tše Morena a di rerilego, o a di dira. O dira tše a boletšego tšona a era baagi ba Babele.
13
Hee wena moaga meetseng a mantši, wena mokgobamahumo, bjale o gomile, go ripša bohodu bja gago.
14
Morena wa mašaba o enne ka bophelo bjagwe, a re: Le ge ke atišitše batho bago boka tšie, ba tlo go hlabela mokgoši.
15
Modiralefase ka maatla a gagwe, Mothekgalegohle ka bohlale bjagwe, Moalamagodimo ka tlhaloganyo yagwe,
16
Mafula a legodimo o a beetše modumo; maru o a tsoša kua mafelong a lefase; o direla pula dikgadima; o ntšha ledimo mo a bego a le bolokile.
17
Motho mang le mang, ge a sa di hlathe, a ba lešilo. Mmetli wa medimo o hlonama swantšho sagwe e le maaka, se se ne bophelo.
18
Ke tša lefela dilo tšeo; di nyatšiša beng ba tšona mohla ba otlwago.
19
Ge e le yena wa Jakobo, ga a etše tšeo; ke yena Modiratšohle. Isiraele ke moloko wa batho ba gagwe. Ina la gagwe ke Morena wa mašaba.
20
O noto ya ka. O sebetša sa ka sa tlhabano. Ka wene ke pšhatla ditšhaba. Ka wene ke senya mebušo.
21
Ka wene ke pšhatla dipitsi, le banamedi ba tšona. Ka wene ke pšhatla koloi, le banamedi ba tšona.
22
Ka wene ke pšhatla banna le basadi. Ka wene ke pšhatla bagolo le bafsa. Ka wene ke pšhatla tshogana le methepa.
23
Ka wene ke pšhatla modiši le mohlape. Ka wene ke pšhatla molemi le dipholo tšagwe. Ka wena ke pšhatla magoši le babuši.
24
Bjale gona ke lefetša Babele le baagi ba la Kaladea bohle, bobe bja bona bohle, bjo le bonego ba bo dira fa Tsione. O realo Morena.
25
Ke nna e! Ke lwa nago, wene Thabatshenyi. O realo Morena. Wene mosenyanaga yohle, ke go emišetša tsogo la ka. Ke tlo go theola maribeng, ka go dira thaba e swilego,
26
Gore mo go wene go se sa tlo rwalwa swika le sekhutlo, le ge e le la motheo. O tlo ba lešope la go ya go ile. O realo Morena.
27
Tsemang sefoka mo nageng; le letše phalafala ditšhabeng. Laolang madira a bantle; Babele le go kgotheleng mebušo ya kua Ararate le kua Mini le kua Asekenase, le bee molaodi wa madira wa go lwa le wona; le tliše pitsi tša mobokobo, di ate boka tšie.
28
Rapang ditšhaba di lwe nawo, dikgoši tša Bameda, le babuši ba gona, le bakgoma ba gona, le naga ka moka ya mmušo wa bona.
29
Ke mo naga e go tlo tšhoga mme ya šišinyega, ge Babele go yo phethegelwa ke kgopolo ya Morena, ya gore naga ya Babele e fetoge lešope le le sa dulwego.
30
Bagolo ba Babele ga ba sa hlabana, ba gogetše dibong; ba feletšwe ke maatla, ba fetogile basadi; meago ya bona e swile, mapheko a robilwe.
31
Ba dimatlane ba kitima ba gahlana le ba gabo, motseta o gahlana le motseta; ke ba go botša kgoši ge motse wagwe o thopiwa thoko tšohle.
32
Ge madibogo a šwahletšwe, ge mehlaka e tšhumilwe, ge bahlabani ba nolega moko.
33
Gobane Morena wa mašaba Modimo wa Isiraele, o re: Ngwanenyana wa Babele o etša seboa mohla go folwago; lebaka la puno le tlo tloga le mo tlela.
34
Nebukadinetsara kgoši ya Babele o re lle; o re feditše wa go se šie selo mogopong; o re meditše wa mamokebe a tlala dimpa ka di bego di re natefela; rena a re raka.
35
Tše sehlogo tše a ntirilego tšona ge a ntlhaba, a di boele Babele! O realo moagi wa Tsione. Madi aka a a latwe go baagi ba la Kaladea! Ba realo ba Jerusalema.
36
Morena ke ka baka leo a rego: Ke nna e! Ke tla go namolela ka go lefeletša. Ke tla pšheša watle la bona; ke tla gopiša didiba tša bona.
37
Motse wa Babele o tlo ba mokgobo wa maswika, legae la phukubje, setšhošo le sekwero; go ka se dule motho.
38
Ge ba le mmogo, ba sa bopa boka tau; ba gahlola wa tawana.
39
E tlo re ge ba ekwa phišo, ke tlo ba noša senwewa sa bona ba tagwa, ba ipshina ba yo lala; ya tlo ba boroko bja go ya go ile; ba se sa tlo phafoga. O realo Morena.
40
Ke tlo ba iša tlhabong boka dikwanyana le diphoko le dikgapa.
41
Joo motse wa Sesake o thubilwe o thopilwe, wona moretwa wa lefase lohle. Joo Babele o bile setšhošo mo gare ga ditšhaba.
42
Babele o hlagetšwe ke lewatle, o ribegeditšwe ke boati bja mafula a lona.
43
Metse ya gona e bile marope, ke nagatshehla, ke lehanata; ga go dule motho; ga go ngwana motho e a kago feta ka gona.
44
Bele wa Babele ke tlo mo otla; mo ganong ga gagwe ke tlo ntšha tšohle tše a di meditšego; ditšhaba di se hlwe di tšhologela gona; le merako ya Babele e tlo wa.
45
Lena batho ba ka, tšwang moo, gore mang le mang a tšhabe le bophelo bjagwe gona moo go tlogo tuka kgalefo ya Morena,
46
Gore pelo tša lena di se tlo ferega, di se tlo tšhoga kgoane e tlogo kwala nageng, ge le kwa mabarebare a lenyaga, ge go tlo kwala a išago, naga ge e bušwa o šoro, babuši ge ba tsogelana.
47
Le tsebege gobane go tlo tla matšatši a ge ke tlo otla dipheko tša Babele naga yohle ya gona ya tlo šala dihlonyeng, babolawa ba gona bohle ba rapaletše moo.
48
Ke mo go tlogo hlalala legodimo le lefase, le tšohle tše di lego mo go lona, ge di bona se Babele o se dirilwego, ge ba o phušolanya ba o tletše ba etšwa leboa. O realo Morena.
49
Babele a a ušwe, a bušetšwe tša ge a uša babolawa ba Isiraele, tša ge babolawa ba naga tšohle ba ewa ka baka la Babele.
50
Lena ba phonyokgilego lerumong! Tlogang, le se ke la ema. Le se lebaleng Morena le le moo kgole. Motse wa Jerusalema a o tsoge dipelong tša lena.
51
Re be re le dihlonyeng, mola re ekwa dikwero, nyatšego e khurumeditše difahlogo tša rena, mola bantle ba tsene dikgethweng tša Ngwako wa Morena.
52
Bjale tsebang! O realo Morena. Go tlo tla matšatši, a ge ke tlo otla medimo ya Babele, mme nageng ya gona ka moka gwa tlo gokga ba ba gobetšego.
53
Le ge Babele a ka namelela kua legodimong, le ge a ka thekga sebo sagwe se phagamilego; ba ba phušolago ba tlo ba ba mo tlela ba romilwe ke nna. O realo Morena.
54
Kwang mokgoši wa Babele; ke wa mašegerepe a magolo a naga ya Bakaladea.
55
Morena o phušola motse wa Babele; mašata a magolo a wona, o a a kgaotša; gobane legoa la bona ba be ba le tšhela wa modumo wa mafula a magolo.
56
Maphušole o a tla, o tlela Babele. Bagale ba gona ba swarwa; bora bja bona bo robilwe. Ka kgonthe, Morena ke Modimo wa tefetšo, ga a lese go bušetša.
57
Kgoši Morena wa mašaba, yena mong a ina leo, o re: Bakgoma ba bona, le ba bohlale ba bona, le babuši ba bona, le matona a bona, le bagale ba bona, ke tlo ba noša ba tagwa; ba tle ba robale boroko bja go ya go ile ba se sa phafoga.
58
Morena wa mašaba o re: Merako ya Babele e metonatona e tlo thunthanyetšwa ruri; dikgoro tša gona tše phagamilego, di tlo tšhungwa ka mollo. Go bjalo: Mediro ya ditšhaba ke ya lefela; merafo e itapišetša mollo.
59
Le ke lentšu le moporofeta Jeremia a le laetšego Seraya morwa wa Maaseya, la mola a eya Babele a na le Tsedekia kgoši ya Juda ka ngwaga wa bone wa mmušo wa gagwe. Seraya e be e le molaki wa dintlo tša mošate.
60
Tša mabošula ohle a go tlo tlela Babele, Jeremia o di ngwadile pukung e tee, ya mantšu ao ka moka a a bego a ngwadilwe a era Babele.
61
Jeremia a bolela le Seraya a re: E tlo re ge o fihlile Babele, o bone gore o bale ditaba tše ka moka.
62
E be gona o tlogo re: Morena! Ke wene o boletšego motse wo, wa re o tlo o senya, go se hlwe go eba le moagi, le ge e le motho goba kgomo; mme e tlo ba lešope la go ya go ile.
63
E re ge o feditše go bala puku ye, o e tlemelele leswika, o e lahlele nokeng ya Forate,
64
o bolele o re: Le motse wa Babele o tlo nwela ka mokgwa o bjalo, o se sa tlo tsoga bošuleng bjo nna ke bo tlišago bja o wela. O ka se ke wa tsoga, le ge ba itapišitše. Ditaba tša Jeremia di goma fa.
← Chapter 50
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 52 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52