bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Sotho
/
Sotho 1951 (BIBELE)
/
Luke 10
Luke 10
Sotho 1951 (BIBELE)
← Chapter 9
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 11 →
1
Ka lebaka le lengwe Morena a hlaola ba bangwe ba masome a šupilego, a ba roma ba mo etapele ka babedi, ba ya metseng le metsaneng ka moka ye a tlo go tla go yona.
2
A bolela le bona a re: Puno ke e ntši; mme badiri ga ba nene. Ke gona kgopelang Mong wa puno, a rome badiri punong ya gagwe.
3
Sepelang; le tsebe gobane ke le roma bjalo ka dinku gare ga diphiri.
4
Le se ke la ya le rwele sekhwama, le ge e le mokotla, le ge e le dieta; le gona le se ke la akelana le motho tseleng.
5
Mo le tsenago ngwakong, le thome go re: Ngwako wo a o be le molao!
6
Ge gona moo go ka ba le ngwana wa molao, gona molao wa lena o tlo dula go yena; ge a se gona, molao wa lena o tlo boela go lena.
7
Ngwakong woo le dule le je le nwe tše ba nago le tšona; gobane modiri o swanetšwe ke moputso wa gagwe. Le se ke la tobatoba la tšwa ngwakong wo la ya go wola.
8
Motseng wo le tsenago go wona, mme ba le amogela, le je se ba le abelago sona.
9
Le fodiše balwetši ba gona, mme le ba botše le re: Mmušo wa Modimo o batametše.
10
Mo le tšenago motseng, mme ba se le amogele, le tšwele mekgotheng ya gona le re:
11
Le lerole la motse wa lena le le re gomaretšego dinao, re le hlohlorela go lena. Fela, le tsebe gobane mmušo wa Modimo o batametše.
12
Gomme ke a le botša, tše motse woo o tlo go di bona ka mohla woo o tlago, -- tša Sodoma e tlo ba tše kaone.
13
Joo Koratšima joo! Joo Betsaida joo! Mediro e matla ye e dirilwego mo go lena ge e ka be e dirilwe motseng wa Tiro le wa Sidone, e ka be e sokologile kgale, e apere mankgeretla e dutše moloreng.
14
Ke fetša ka go re: Tše le tlo go di bona mohla wa kahlolo, -- tša Tiro le Sidone e tlo ba tše kaone.
15
Le wene Kaperenaume, o phagamišitšwe wa goma ka legodimo; o tlo theošetšwa kwa bodulabahu.
16
E a le kwago o kwa nna, e a le nyatšago o nyatša nna. Gomme e a nyatšago nna, o nyatša e a nthomilego.
17
Ba masome a šupago ba boa ba thabile, ba re: Le meoya e mebe re be re e buša ka leina la gago.
18
Jesu a re: Sathane ke mmone a ewa legodimong bjalo ka legadima.
19
Tsebang, ke le nea matla a go gata dinoga le dihpepheng, le a go fenya matla ka moka a lenaba; ga go se se tlo go ba sa le šulafatša.
20
Fela, le se ke la thabela tšeo, ge meoya e bušwa ke lena. Thabang gobane maina a lena a ngwadilwe kwa magodimong.
21
Ka lona lebaka leo Jesu a hlalala mo moyeng, a re: Ke a go leboga wena Tata Mong a legodimo le lefase, ge tšeo o di fihletše ba bohlale le ba tlhaloganyo, mme wa di utollela ba e lego bana. Go bjalo, Tata, gobane ke tšona tše o di ratilego.
22
Tšohle di gafetšwe nna ke Tate; gomme ga go e a hlathago Morwa, ge e se Tate; le a hlathago Tate, ge e se Morwa, le yo Morwa a ratago go mo utollela.
23
A retologela go barutiwa ba gagwe, a bolela le bona ba le thoko, a re: Mahlo a lehlogonolo ke ao a bonago tšeo lena le di bonago.
24
Gobane, ke a le botša, baporofeta ba bantši, le dikgoši ba ratile go bona tše lena le di bonago, mme ba se ke ba di bona; ba ratile go kwa tše lena le di kwago, mme ba se ke ba di kwa.
25
Gwa ema e mongwe wa babatamelao, a mo leka a re: Moruti, bophelo bjo bo sa felego ke tlo bo rua ge ke dirang?
26
Jesu a mmotšiša a re: Go ngwadilweng Molaong? O balang?
27
A fetola a re: Morena Modimo wa gago o mo rate ka pelo ya gago ka moka, le ka moya wa gago ka moka, le ka matla a gago ka moka, le ka tlhaologanyo ya gago ka moka; le wa geno o mo rate ka mokgwa wo o ithatago ka wona.
28
Jesu a re: O fetotše ka gona; dira seo, ke mo o tlo go phela.
29
Yena, ka go rata go ikemela, a botšiša Jesu a re: Gomme wa gešo ke mang?
30
Moo Jesu a fetola a re: Motho e mongwe o be a fologa a etšwa Jerusalema a ya Jeriko; mme a wela gare ga bahlakodi. Ba mo hlobodiša, ba montšha dintho, ba ikela, ba mo tlogela a le makgatheng.
31
Gwa tla moperisita a fologa ka tsela yeo; a re go mmona a aroga a feta.
32
Gwa tla le Molefi; ge a fihla felo fao, a mmona a aroga a feta.
33
Monna wa Samaria, e a bego a eta a tla moo a mmona, a mo gaugela.
34
A batamela, a mo tlemelela dintho a di tšhetše makhura le beine; a mo nametsa lekaba la gagwe, a mo iša ngwakong wa baeti, a mo okela gona.
35
Ka bosasa ge a tloga, a ntšha mašeleng a mabedi, a a nea mong wa ngwako, a re: Mo oke; se o tlo go mo ntšhetša sona sa fetiša seo, o tlo bušetšwa ge ke boa.
36
Bjale ge o bona, go ba bararo bao ke ofe a tlilego a ba wa gaboeo wa go wela gare ga bahlakodi?
37
Yola a re: Ke e a mo dirilego ka kgaugelo. Jesu a re: Sepela, o yo dira ka mokgwa woo le wene.
38
Ya re ge a sepela, a tsena motsaneng o mongwe. Mosadi, yo leina la gagwe e lego Mareta, a mo amogela lapeng la gagwe.
39
Gomme o be a na le ngwanabo; leina la gagwe ke Maria. Yena eo a tla a dula fase naong tša Jesu, a theetša tše Jesu a di bolelago.
40
Ge e le Mareta, yena o be a swerwe ka gogolo ke go mo apeela; a ba a tla a ema moo a re: Morena, a ga o re selo ge ngwanešo a ntesa ke dira ke nnoši? A nko mmotše hle a tle a ntshwariše.
41
Jesu a fetola a re: Mareta! Mareta! O a belaela, o itapiša ka tše ntši.
42
Sa hloko ke se tee. Maria o ikgethetše yona kalebo e botse, ye a ka se kego a e amogiwa.
← Chapter 9
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 11 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24