bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Sotho
/
Sotho 1951 (BIBELE)
/
Luke 7
Luke 7
Sotho 1951 (BIBELE)
← Chapter 6
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 8 →
1
Ya re ge a feditše go bolela, botho ba kwile ditaba tša gagwe ka moka, a ya motseng wa Kaperenaume.
2
Gomme monna e mongwe wa tona ya ekgolo o be a na le mohlanka wa gagwe yo a bego a mo rata ka kudu. Mohlanka eo o be a babja a le makgatheng.
3
Tona yeo ge e ekwa tša Jesu, ya roma bagolo ba Bajuda, ba ye go Jesu ba mo kgopele ba re a tle a phološe mohlanka eo.
4
Ge ba fihla go Jesu, ba mo kgopela, ba mo phegelela ba re: Go mo swanetše ge o ka mo dira tše re di kgopelago,
5
Gobane o rata setšhaba sa gešo; le sekolo sa rena re agetšwe ke yena.
6
Jesu a ya le bona. A sa le kgojana le ngwako, tona ya roma bagwera ba yona, ba tla go Jesu ba re: Morena, se itapiše, gobane ga ke a swanela ge O ka tsena ka tlase ga hlaka ya ntlo yaka.
7
Le go tla go wena, ke be ke re ga go a ntshwanela. Fo bolela lentšu, mme mohlanka waka o tla fola.
8
Hleng le nna, ke le motho e a bušwago, ke na le le bahlabani ba ke ba bušago, ka roma yo ka re: Sepela, a sepela; ka bitša e mongwe ka re: Tlaa, a tla; ka laela mohlanka waka ka re: Dira se, a dira.
9
Jesu ge a ekwa tšeo, a mo kgotsa a retologela go lešaba le le bego le mo latela, a re: Ke a le botša, le go Isiraele ga kešo ka hwetša tumelo e kaakaa.
10
Gomme bao ba romilwego ge ba boela gae, ba hwetša mohlanka eo a fodile.
11
Ka la ka moswana a ya motseng wo ba rego ke Naini, a latelwa ke barutiwa ba bantši ba gagwe, le lešaba le lentši.
12
Ge a batamela kgoro ya motse, a hwetša ba etšwa ba rwele mohu, ngwana a nnoši wa mmagwe e bego e le mohlogogadi, a na le lesaba le lentši la ba motse woo.
13
Morena, ge a mmona, a mo kwela bohloko, a bolela nae' a re: Se lle!
14
A batamela a kgwatha laeko, barwadi ba lona ba ema. Jesu a re: Lesogana, ke ra wena ge ke re: Tsoga!
15
Mohu a tsoga a dula, a thoma go bolela. Yena a mo iša go mmagwe.
16
Bohle ba swarwa ke poifo, ba reta Modimo ba re: Go tsošitšwe moporofeta a mogolo mo go rena; Modimo o etetše setšhaba sa gagwe.
17
Gomme taba ye ya gagwe ya falalêla nageng ya Juda mo go fela le mathokong a yona ka moka.
18
Le Johane, ditaba tše ka moka, barutiwa ba gagwe ba mo tsebiša.
19
Johane a bitša ba babedi ba barutiwa ba gagwe, a ba roma a re ba yo botšiša Jesu ba re: A ke wena e a boletšwego a thwe: O etla; goba re sa letela e mongwe?
20
Banna bao ba tla go Jesu ba re: Johane Mokolobetši o re romile go wena; o re: A ke wena e a boletšwego a thwe: O etla; goba re sa letela e mongwe?
21
Ka lona lebaka leo Jesu o be a fodiša ba bantši ba malwetši le mahloko, le ba meoya e mebe, le ba bantši ba difofu a ba gaugela, ba buša ba bona.
22
A fetola a re: Sepelang le yo botša Johane tše le di bonego le tše le di kwilego, le re: Difofu di a bona, digole di a sepela, ba lephera ba a fola, difoa di a kwa, bahu ba a tsoga; mme bahumanegi ba begelwa taba tše monate.
23
Mme le mmotše le re: Wa lehlogonolo ke eo a sa kgopšego ka nna.
24
Ba ba romilwego ke Johane ge ba sepetše, Jesu a thoma go bolela le mašaba a batho a era Johane, a re: Le be le tšwetše šokeng go bonang? A le be le bona lehlaka le le tšokotšwago ke phefo?
25
Ke re: Le be le tšwetše go bonang? A le be le bona moaparatšeboleta? Bonang! Baapari ba dikobo tša botšhephi, ba go phela ba ipshina, ba kua metseng ya mošate.
26
Ke re: Le be le tšwetše go bonang? A le be le bona moporofeta? Ka kgonthe! Nna ke re, ke e a fetago le moporofeta.
27
Gobane ke yena e a ngwadilwego a thwe: Ke nna e! Ke roma motseta wa ka wa go go etapele a go thulela tsela.
28
Ke a le botša ke re: Mo go ba ba belegwego ke basadi, ga go na moporofeta e a kago feta Johane Mokolobetši. Fela, yo e lego e monyenyane mmušong wa Modimo, o a mo feta.
29
Gomme batho ka moka ba ba mo kwilego, le balekgetho ba dumetše morero wa Modimo, ba kolobetšwa ka kolobetšo ya Johane.
30
Ba ba nyaditšego morero wa Modimo ke bafarisei le baruti ba Molao, ba se kolobetšwe ke Johane.
31
Bjale batho ba mehla yeno ke tlo ba swantšha le bomang?
32
Ba swana le bana ba ba dutšego lepatlelong, ba biletšana ba re: Re le leleditše naka, la gana go bina; ra le hlabela sello, la gana go golola.
33
Gobane Johane o tlile a se je bogobe, a se nwe sedila; lena la re: O ne moya o mobe.
34
Gwa tla Morwamotho, a ja, a nwa; lena la re: Bonang motho wa sejato, wa monwi, mogwera wa balekgetho le badiradibe.
35
Gomme bohlale bo bonala ka bana ba bjona ka moka.
36
E mongwe wa bafarisei a mo laletša a re a je le yena. Jesu a tsena ngwakong wa mofarisei eo, a dula dijong.
37
Gwa rotoga mosadi e mongwe wa motse woo, yo e bego e le modiradibe. O be a kwile gore Jesu o dutše dijong ngwakong wa mofarisei; a tla a swere sebjana se se nago le setlolo.
38
A batamela dinaong tša Jesu a lla, a kolobiša dinao tša Jesu ka megokgo, a e phumola ka meriri ya hlogo ya gagwe; a atla maoto a Jesu, a a tlotša ka setlolo.
39
Mofarisei eo a mo laleditšego, ge a di bona, a eleletša re: Motho yo ge e ka be e le moporofeta, a ke be a tseba se mosadi eo a mo kgwathago a lego sona, gobane ke modiradibe.
40
Jesu a fetola a bolela a re: Simone, ke na le se ke ratago go go botša. Simone a re: Bolela, Moruti!
41
Jesu a re: Batho ba babedi ba be ba tšere metšhokga go monna wa lehumagadi; wa e mongwe e be e le mašeleng a makgolo a mahlano; wa e mongwe e be e le wa masome a mahlano.
42
Ya re ge ba hloka sa go lefa, a ba gaugela a ba fa bohle bobedi bja bona. Bjale mpotše: Ke ofe e a tlo go mo rata gagolo?
43
Simone a fetola a re: Nka re ke eo a mo gaugetšego a na le molato o mogolo. Jesu a re: O ahlotše ka go rereša.
44
A realo a retologela go mosadi eo, a sa bolela le Simone a re: A mosadi e o a mmona? Ke tlile fa ngwakong wa gago, wa se mphe meetse a go hlapa maoto; gomme yena a tla a kolobiša maoto a ka ka megokgo a a hlakola ka meriri ya hlogo ya gagwe.
45
Wena ga wa ka wa nkatla, mme yena, e sa le mola a tsena ga a ešo a kgaotša go nkatla maoto.
46
Ga wa ka wa ntlodiša hlogo ka makhura; mme yena o ntloditše maoto ka setlolo.
47
Lesa gee ke go botše: O lebaletšwe dibe tša gagwe tše e lego tše ntši; ke ka baka leo a ratilego ka gogolo. Go e a lebaletšwego mo gonyane, le lerato ke le lenyane.
48
A realo a tsebo bolela le mosadi eo a re: O lebaletšwe dibe tša gago.
49
Ke mo ba ba dutšego dijong le yena ba thomilego go eleletša dipelong tša bona ba re: Motho e ke mang, ge a lebalela batho dibe?
50
Jesu a bolela le mosadi eo a re: Tumelo ya gago e go phološitše; rola pelo o ikele.
← Chapter 6
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 8 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24