bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Sotho
/
Sotho 1951 (BIBELE)
/
Luke 8
Luke 8
Sotho 1951 (BIBELE)
← Chapter 7
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 9 →
1
Mehleng yeo Jesu a thoma go ya le metse le metsana a goelela a bolela Ebangedi ya mmušo wa Modimo, a ya a na le bao ba lesome la metšo e mebedi.
2
Go be go na le basadi ba bangwe, ba ba bego ba fodišitšwe ba na le meoya e mebe le malwetši; e be e le Maria Magdalena, yo a kilego a ntšhwa meoya e mebe e šupilego,
3
le Johana mosadi wa Khusa letona la Herode, le Susana, le ba bangwe ba bantši ba nago ba mo thuša ka thoto ya bona.
4
Mohla go phuthegile lešaba le lentši, le ba metseng ba tšhologetše go Yena, a bolela seswantšho a re:
5
Go tšwile mobjadi a bjala dipeu tša gagwe. Ge a bjala, tše dingwe tša wela tseleng tša gatwa; dinonyana tša sebakeng tša tla tša di ja.
6
Tše dingwe dipeu tša wela lekgwareng; ya re ge di medile tša pona ka ge go se monola.
7
Tše dingwe tša wela gare ga metlwa; metlwa ya mela le tšona, ya di bipa.
8
Tše dingwe tša wela mmung o botse, tša mela, tša enywa ga lekgolo. A realo a fetša ka go re: E a nago le ditsebe tša go kwa a a kwe.
9
Barutiwa ba gagwe ba mmotšiša ba re: Seswantšho se se reng?
10
Jesu a re: Lena le filwe gore le tsebe diphiri tša mmušo wa Modimo; e fela ba bangwe ba di kwa ka diswantšho, gore le ge ba bona ba se ke ba bona; le ge ba ekwa ba se ke ba lemoga.
11
Ge e le seswantšho, sona sese: Peu ke Lentšu la Modimo.
12
Ba tseleng, ke bao ba kwago, mme gwa tloga go etla Sathane a tloša Lentšu dipelong tša bona, gore ba se ke ba dumela ba phološwa.
13
Ba lekgwareng ke bao, e rego ge ba kwile Lentšu, ba le amogela ka thabo; gomme ke ba ba se nago modu, ke ba go dumela lebakanyana fela, ba hlanoga mohla wa moleko.
14
Tše di wetšego metlweng, ke ba ba rego ge ba kwile Lentšu, ba ya ba imetšwe ke dipelaelo le mahumo le mabose a bophelo bjono, ba bipja ke tšona ba se buduše selo.
15
Tša mmung o botse, ke ba ba kwilego Lentšu ba le lotola pelong e botse le e bolo, ba kgotlelela ba bea dienywa.
16
Ga go motho yo e rego ge a goteditše lebone a le ribegetša ka sebja, goba a le bea ka tlase ga malao. O tlo le hlomela sehlomong sa lona, gore ba ba tsenago ba bone seetša.
17
Gobane ga go na thopa ye e ka se kego ya utollwa; ga go na sephiri se se ka se kego sa tsebja sa tšwela pepeneneng.
18
Phafogelang go theetša gee; gobane e a nago natšo, o tlo newa; mme e a se nago natšo, o tlo amogiwa le tše a rego o na natšo.
19
Mmagwe le bana babo ba kile ba tla go yena, mme ba šitwa go mmatamela ka baka la lešaba la batho.
20
Ba mo tsebiša ba re: Mmago le bana beno ba eme mo ntle, ba rata go Go bona.
21
Yena a fetola a re: Mmane le bana bešo ke ba ba kwago Lentšu la Modimo mme ba dira se le se bolelago.
22
Ka letšatši le lengwe a namela leselawatle a na le barutiwa ba gagwe; a re: A re seleleng mošola. Mme ba thoma go sela.
23
Ya re ba sa ya, yena a robala. Gomme lewatle la welwa ke sesesedi, ba tlalelwa ke meetse, ba bona e le kotsi.
24
Ba tla ba mo tsoša ba re: Morena! Morena! Re a lahlega! Yena a tsoga, a kgalema phefo le maphoto a meetse, mme gwa ruthela ruri.
25
A bolela le bona a re: Tumelo ya lena e kae? Bona ba tlabega ba tšhogile, ba botšišana ba re: Bjale yena-e ke mang, ge a laela diphefo le meetse? Gomme di a mo kwa!
26
Ba tla nageng ya Bagadara; ke ye e lebanego le ya Galilea.
27
A sa tšo namela lebotong, a gahlana le monna e mongwe wa motse wa gona e a bego a na le meoya e mebe go tloga kgaleng, a sa apare, a sa dule ngwakong, a dula mabitleng.
28
A re go bona Jesu, a goa a wela fase pele ga gagwe, a hlaboša lentšu le legolo a re: Ke na le tabamang le wena Jesu Morwa wa Modimo yo godimodimo? Ke a go rapela, o se ke wa ntlaiša.
29
A realo ka gobane Jesu o be a laela moya woo wa ditšhila a re o tšwe go monna eo. Gobane moya o mobe woo o be o mo utlautla gantši, a ba a tlengwa matsogo le maoto ka ditšhipi le ka mefiri, e le go mo lotola; mme a kgaoganya ditlemo tšeo, moya o mobe wa mo kwatakwatiša wa mo iša lešokeng.
30
Jesu a mmotšiša a re: Leina la gago o mang? Yena a re: Ke nna Madira! A realo ka gore o be a tsenwe ke meoya e mebe e mentši.
31
Yona yeo ya rapela Jesu ya re a se ke a e lelekela moleteng.
32
Gomme gona mo go be go na le mohlape wa dikolobe tše ntši, o fula thabeng. Meoya ya mo rapela ya re a e dumelele go tsena go tšona; mme a e dumelela.
33
Meoya e mebe ya re go tšwa mothong eo, ya tsena dikolobeng; mme mohlape ka moka wa iphekemetša ka legaga, wa wela bodibeng wa betwa.
34
Badiši ge ba bona tše di diregilego, ba tšhaba ba yo bolela motseng le mašemong.
35
Batho ba tšwela go bona se se diregilego; ba hwetša motho eo a tšwilwego ke meoya e mebe, a dutše fase maotong a Jesu, a apere, a na le tlhaologanyo; mme ba tšhoga.
36
Ba ba di bonego ba ba laodišetša ka mo go phološitšwego motho eo a bego a tsenwe ke meoya e mebe.
37
Gomme lešaba ka moka la batho ba naga yeo ya Bagadara ba kgopela Jesu ba re a tloge moo go bona; ba realo ba swerwe ke poifo e kgolo. Gomme Jesu a goma a namela leselawatle.
38
Monna yola wa go tšwiwa ke meoya e mebe a mo rapela a re a ye le Jesu. Jesu a mo gomiša a re: Boela gae o tsebatše tše kgolo tše Modimo a go dirilego tšona.
39
Monna eo a goma, a yo kwalakwatša motseng ka moka tše Jesu a mo dirilego tšona.
40
Jesu ge a boa, a gahlanetšwa ke lešaba la batho, ka gobane ba be ba mo letetše gohle.
41
Gwa tšwelela monna e mongwe, e a bitšwago Jairo, e le mogolo wa phuthego; a khunamela Jesu, a mo rapela a re a tle ga gagwe.
42
Gobane o be a na le ngwanenyana wa gagwe a lego nnoši, wa nywaga e ka bago e lesome la metšo e mebedi; yenaeo o be a ehwa. Gomme Jesu ge a eya gona, mašaba a mo kgohlaganya.
43
Bjale go be go na le mosadi e a feditšego nywaga e lesome la metšo e mebedi a babja ke ngope, a ntšheditše dingaka thoto ya gagwe ka moka, gomme go hlokegile e a kgonago go mo alafa.
44
Mosadi e a batamela ka morago, a kgwatha morumo wa kobo ya Jesu, gomme go falala ga madi a gagwe gwa kgaotša e sa le moo.
45
Jesu a re: Ke mang e a nkgwathilego? Ge ka moka ba latola, Petro le ba a bego a na nabo ba re: Morena! Ge mašaba a go katelela ka gohle a go kgohlaganya, a o sa re: Ke mang e a nkgwathilego?
46
Jesu a re: O gona e a nkgwathilego, gobane ke kwile ge mo go nna go etšwa matla.
47
Mosadi eo ge a bona a sa ka a utagala, a tla a roromela, a phuhlama pele ga Jesu, a ipolela pele ga batho ka moka, a mmotša se se mo gapeleditšego go mo kgwatha, le ka mo a fodilego ka gona e sa le semetseng.
48
Jesu a re: Beta pelo, morwedi waka. Tumelo ya gago e go phološitše. Sepela o rotše pelo.
49
A re a sa bolela, gwa fihla motho e a tšwago ga mogolo wa phuthego, a re: Morwedi wa gago o hwile; se lapiše Moruti.
50
Jesu a di kwa, a bolela le mogolo wa phuthego a re: Se tšhoge; sa gago a e be go dumela.
51
Ge a fihla ngwakong, ga a ka a dumelela motho go tsena, ge e se Petro le Johane le Jakobo, le tatago ngwana le mmagwe.
52
Ka moka ba be ba lla ba mo hlokofalela. Jesu a re: Lesang go lla; ga a hwa; o robetše.
53
Bona ba mo sega, gobane ba be ba tseba gobane o hwile.
54
Yena a ba ntšhetša ntle ka moka, a swara seatla sa ngwanenyana, a hlaboša lentšu a re: Ngwanaka, tsoga!
55
Ya ba gona moya wa gagwe o boa, a tsoga. Jesu a ba laela a re a fiwe dijo.
56
Batswadi ba gagwe ba tlabega. Mme yena a ba laela a re, tše di diregilego ba se ke ba di botša motho.
← Chapter 7
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 9 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24