bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Sotho
/
Sotho 1951 (BIBELE)
/
Luke 5
Luke 5
Sotho 1951 (BIBELE)
← Chapter 4
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 6 →
1
Ka mohla o mongwe lešaba la mo pitlaganya le rata go kwa Lentšu la Modimo, yena a eme lebotong la lewatle la Genetsareta.
2
A bona maselawatle a mabedi a batagane le leboto, barei ba dihlapi ba tšwile go ona, ba hlatswa malokwa.
3
Jesu a namela le lengwe la maselawatle ao, e bego e le la Simone, a mo kgopela a re a le šuthiše ka gonyane le tlogelane le leboto. A dula mo go lona leselawatle, a ruta lešaba a le moo.
4
Ge a feditše go bolela a laela Simone a re: Suthišetša kua go lego bodiba, le fološe malokwa a lena le sware dihlapi.
5
Simone a fetola a re: Mong aka! Bošego ka moka re letše re itapiša, ra se ke ra bona selo; fela, ke tlo fološa lokwa ke kwile taelo ya gago.
6
Ge ba dira ka mokgwa woo, ba tanya bontši bjo bogolo bja dihlapi, lokwa la bona la ba la gagoga.
7
Ba kgwathetša bagwera ba bona ba leselawatle lela le lengwe gore ba tle ba ba swariše. Ba tla; ba tlatša maselawatle ka mabedi, a ba a teka.
8
Simone Petro ge a di bona a khunama a inametše matolo a Jesu, a re: Tšwaa mo go nna, gobane ke monna wa modiradibe, Morena!
9
A realo a wetšwe ke tšhogo e kgolo le bohle ba ba bego ba na le yena, ba bone bontši bjoo bja dihlapi tše ba di phuthilego.
10
Ke tšona tše di wetšego le Jakobo le Johane barwa ba Tsebedeo ba e bego e le badirišani ba Simone. Jesu a bolela le Simone a re: Se boife; go tloga bjalo o tlo ba morei wa go phutha batho.
11
Gomme ge ba bušeditše maselawatle lebotong, ba tlogela tšohle ba mo latela.
12
Ka mohla o mongwe a le motseng o mongwe ba bona go etla monna a tletše lephera, yo a itšego go bona Jesu, a wela fase ka sefahlogo, a mo kgopela a re: Morena, ge o ka rata, o ka kgona go mphodiša.
13
Jesu a iša seatla a mo kgwatha a re: Ke rata fao; fola! Mme lephera la gagwe la napa la mo tloga.
14
A mo laela a re a se ke a botša motho, a re: Sepela, o yo ipontšha go moperisita, o iše seleboga sa ge o fodile, ka mo go laetšwego ke Moshe, gore e be bohlatse go bona.
15
Gomme kgowane ya ge ba mmolela ya enela e eya, gwa kgobokana mašaba a mantši a ba ba ratago go mo kwa le go fodišwa malwetši a bona.
16
Yena gomme a ba wa go itulela mašokeng a rapela.
17
Ka letšatši le lengwe ge a ruta, gwa tla bafarisei le baruti ba Molao ba dula; e be e le ba ba tšwago metseng ka moka ya Galilea le ya Juda le Jerusamela; mme matla a Modimo a go fodiša a be a le go yena.
18
Ba bona go etla banna ba rwele motho ka malao; e be e le e a rephilego ditho; ba nyaka botseno bja gore ba mo tliše ngwakong ba mmee pele ga Jesu.
19
Ba bo hloka ka go tlala ga batho ba namela godimo ga ngwako, ba rutlolla, ba fološa motho eo a le malaong, a fihla mo gare ga bona pele ga Jesu.
20
Jesu ge a bona tumelo ya bona, a re: o lebaletšwe dibe tša gago.
21
Ge a realo, bafarisei mo dipelong tša bona ba re: Motho yo ke mang? O goboša Modimo. Ke mang a kago lebalela motho dibe, ge e se Modimo?
22
Jesu ge a bona dikgopolo tša bona, a ba botšiša a re: Le eleletšang dipelong tša lena?
23
Se se bolelo ke sefe? A ke ge motho a re: O lebaletšwe dibe tša gago? Goba ke ge a ka re: Tsoga o sepele?
24
Fela, le tlo tseba ge Morwamotho a na le matla a go lebalela batho dibe mo lefaseng. Ya ba gona a bolelago le eo a rephilego ditho, a re: Tsoga! Rwala malao a gago, o ye ngwakong wa gago.
25
Monna eo a tsoga ka pela, a rwala tše a bego a letše godimo ga tšona, a ya ngwakong wa gagwe a tumiša Modimo.
26
Ka moka ba swarwa ke tlabego, ba reta Modimo ba goletšwe ke poifo, ba re: Lehono re bone ditlaba.
27
Ka le lengwe letšatši a tšwa a bona motho wa lekgetho, yo leina la gagwe e bego e le Lefi, a dutše ngwakong wa lekgetho; a mmitša a re: Ntatele!
28
Monna eo a ema a tlogela tšohle, a mo latela.
29
Bjale Lefi a mo direla monyanya o mogolo mo ngwakong wa gagwe; mme lešaba le legolo la ba lekgetho le batho ba bangwe le dula le bona.
30
Bafarisei le bamangwalo ba bona, ba ba tsota, ba bolela le barutiwa ba gagwe ba re: Le reng le eja le ba lekgetho le badiradibe, le enwa le bona?
31
Gwa fetola Jesu a re: Ballangaka ga se ba ba thabilego, ke balwetši.
32
A re: Ga ka tla go bitša ba ba lokilego gore ba sokologe; ba ke tlilego go ba bitša ke badiradibe.
33
Bona ba re: Ke go reng barutiwa ba Johane ba ikona dijo gantši ba dira merapelo; le barutiwa ba bafarisei ba dira ka mokgwa woo, mola ba gago ba fo ja ba enwa?
34
Jesu a re: Bagwera ba monyadi le ka se kgone go ba gapeletša go ikona, ge monyadi a sa na le bona.
35
Matšatši ao monyadi a tlo go tlošwa go bona a setla; ka matšatši ao ke mo ba tlo go ikona.
36
A bolela le bona le ka go swantšha a re: Ga go motho e a kago sega setsiba sa lešela le lefsa a se bea seaparong se setala; ge a ka dira ka mokgwa woo, setsiba seo sa lešela le lefsa se tlo gagola seaparo; le gona lešela le lefsa ga le amane le kobo e tala.
37
Le gona morara o mofsa ga o photlelwe nkgong e onetšego; ge go ka dirwa ka mokgwa woo, morara o mofsa o tlo phuma nkgo yeo morara wa falala, le yona nkgo ya senyega.
38
Morara o mofsa o tšhelwa nkgong a mpsha, tša kgona di bolokana ka dipedi.
39
Le gona, e a nwago tše tala, a ka se akgofe go nwa tše mpsha, gobane o tlo re: Tše bose ke tše tala.
← Chapter 4
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 6 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24