bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Sotho
/
Sotho 1951 (BIBELE)
/
Luke 4
Luke 4
Sotho 1951 (BIBELE)
← Chapter 3
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 5 →
1
Jesu a tloga nokeng ya Jorodane a tletše Moya o mokgethwa, a išwa šokeng ke Moya.
2
A fetša matšatši a masome a mane a lekwa ke Diabolo. A a fetša a sa je selo; ya re ge matšatši ao a fela, a swarwa ke tlala.
3
Diabolo a tla a re: Ge o le Morwa Modimo, bolela le lebje le le fetoge bogobe.
4
Jesu a fetola a re: Go ngwadilwe gore motho ga a phele ka bogobe fela; o phela ka mantšu ohle a a tšwago molomong wa Modimo.
5
Diabolo a mo iša thabeng e telele, a mmontšha mebušo ka moka ya lefase ka sekganyana sa lebaka.
6
A bolela a re: Bogoši bjo ka moka le borena bja bjona ke tlo fa wena; ka gobane bo gafetšwe nna; ke bo nea yo nkago rata go mo mea.
7
Bjale ge o ka lotšha nna, ka moka e tlo ba tša gago.
8
Jesu a re: Ntlogele Sathane; go ngwadilwe gwa thwe: O khunamele Morena Modimo wa gago, o direle yena a nnoši.
9
Diabolo a mo iša Jerusalema, a mmea sehlweng sa Ntlokgethwa, a bolela a re: Ge o le Morwa Modimo, ikušetše kua fase o le fa.
10
Gobane go ngwadilwe gwa thwe: O tlo go laelela barongwa ba gagwe gore ba go diše,
11
Ba go kuke ka matsogo, gore leoto la gago le se kgopje ke lebje.
12
Jesu a fetola a re: Go itšwe: Morena Modimo wa gago o se ke wa mo leka.
13
Ya re ge Diabolo a feditše go mo leka ka tšeo ka moka, a mo gomela, gwa fela lebaka a mo lesitše.
14
Jesu a boela Galila, a tla a na le matla a Moya; tumo ya gagwe ya tšwela thoko tšohle.
15
A ruta diphuthegong tša gona a retwa ke bohle.
16
A tla motseng wa Natsaretha mo a goletšego gona. Ka letšatši la Sabatha a ya phuthegong ka mo a lemetšego ka gona; a ema gore a bale.
17
Ba mo nea puku ya Jesaya moporofeta, a e phaya a hwetša mo go ngwadilwego mantšu a:
18
Moya wa Morena o na le nna, ka gobane o mpeetše go begela babotlana taba tše dibotse, o nthomile go alafa ba dipelo tše robegilego,
19
ba ba thopilwego ke ba goelele khunologo, ba difofu ke re ba buše ba bone, ba ba dubaganego ke re ba ikele ba golotšwe, ke bege ngwaga wa kgahlego wa Morena.
20
A re a menne puku a e nea mohlanka; yena a dula, mahlo a bohle ba phuthegong a mo tsepeletše.
21
A thoma go bolela le bona a re: Lehono, ge tše di ngwadilwego fa di kwala ditsebeng tša lena, ke gore di tšweletše.
22
Bohle ba mo dumela, ba kgotsa mantšu a bose a tšwago molomong wa gagwe, ba re: A ga se yena morwa Josefa?
23
Jesu a re: E fela le tlo mpotša seema se se rego: Moreku ithekole. Le tlo re: Tše re di kwilego ba re di dirilwe Kaperenaume, dira tše kao le mono motseng wa geno.
24
A re: Ruri, ke a le botša, moporofeta ga a ke a thabelwa motseng wa gabo.
25
Ruri, ke a le botša, mehleng yela ya Eliya go be go na le bahlologadi ba bantši mo go Baisiraele, mola legodimo le tswaletšwe ka nywaga a meraro le dikgwedi tše di selelago, gwa ba tlala e kgolo nageng ka moka.
26
Gomme Eliya ga a ka a rongwa go e mongwe wa bona, ge e se kwa Sarepata nageng ya Sidone go mosadi yola wa mohlologadi.
27
Le ba lephera e be e le ba bantši mo go Baisiraele mehleng ya Elisa moporofeta; gomme ga go le o tee wa bona e a fodišitšwego, ge e se Naemane wa Siria.
28
Ge ba ekwa a realo, ba tlala bogale bohle ba moo phuthegong.
29
Ba tsoga ba mo kgorometša ba mo ntšha motseng, ba mo iša legageng la thaba yeo motse wa bona o agilwego godimo ya yona, ba re ba mo fekemetše ka gona.
30
Gomme yena a tšwa ka gare ga bona a ikela.
31
A theogela motseng wa Kaperenaume wa Galilea, a fela a ba ruta ka matšatši a Sabatha.
32
Ba tlabja ke thuto ya gagwe, ka gobane o be a bolela e le Yomaatla.
33
Gona moo phuthegong go be go na le motho e a nago le moya o mobe wa ditšhila, e a bego a goa ka lentšu le legolo a re:
34
Lesa! O na le taba mang le rena, wena Jesu wa Natsaretha? A o tlile go re fediša? Ke a go tseba; o Mokgethwa wa Modimo.
35
Jesu a mo kgalema a re: Homola! Tšwaa go motho eo! Gomme moya o mobe wa mo lahlela gare ga batho, wa tšwa go yena, wa se mo dire selo.
36
Bohle ba swarwa ke tšhogo, ba botšana ba re; Ke thuto mang ye? Meoya ya ditšhila o e laela ka matla le ka bogale, ya napa ya tšwa.
37
Gomme tumo ya gagwe ya enela, ya tšwelela gohle mathokong a naga yeo.
38
A tsoga moo phuthegong, a tšwa a ya ga Simone. Ke ge mogwegadi wa Simone a swerwe gagolo ke letadi; ba mo kgopelela go Jesu.
39
Jesu a tla a mo okamela, a kgalema bolwetši bjoo bja letadi, mme bja mo tlogela. Molwetši a tsoga ka pela a ba apeela.
40
Ya re letšatši ge le dikela, gwa tla bohle ba ba nago le balwetši ba bona ba mahloko a mehutahuta, ba ba tliša go Jesu; Yena a ba bea diatla e mongwe le e mongwe, a ba fodiša.
41
Le meoya e mebe ya tšwa go ba bantši e goeletša e re: Ke wena Kriste Morwa wa Modimo! Yena a e kgalema a e iletša go mmolela, ge e mo tseba ge a le Kriste.
42
Ge go esa a tšwa a ya šokeng; mašaba a mo nyaka, a ba a mo hwetša; ba mo phegelela ba re a se ke a tloga go bona.
43
Yena a bolela le bona a re: Le metse e mengwe ke swanetše go e botša ditaba tše botse tša mmušo wa Modimo, ke sona se ke rometšwego sona.
44
Gomme a fela a ruta diphuthegong tša Galilea.
← Chapter 3
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 5 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24